გაეროს განვითარების პროგრამის (UNDP) ფარგლებში, სოფლის მეურნეობის მიმართულებით რვა პროფესიაში ახალი მოდულური საგანმანათლებლო პროგრამები შემუშავდა, რომლის პილოტირების მეთოდოლოგიას,
ახალციხის პროფესიულ კოლეჯში „ოპიზარი“, პროფესიული საგანმანათლებლო დაწესებულებებისა და კერძო სექტორის წარმომადგენლები გაეცნენ.
ღონისძიების ფარგლებში, ვეტერინარიული მომსახურების სპეციალისტისა და ფერმერის სპეციალობებზე მოდულარული სწავლების პილოტირების მიზნით, ხელი მოეწერა ურთიერთანამშრომლობის მემორანდუმს პროფესიულ კოლეჯ „ოპიზარსა“ და კერძო სექტორს შორის.
მემორანდუმი ითვალისწინებს კერძო სექტორის საწარმოო ბაზაზე პროფესიულ სტუდენტთა მიერ პრაქტიკული კომპონენტების ათვისებას, რაც ახალი მოდულური პროგრამების განხორციელების ფარგლებში, თავისთავად ითვალისწინებს დამსაქმებელთა აქტიურ ჩართულობას სწავლების პროცესში.