გავრცელდა კადრები ახალი ფილმის - «Time Out Of Mind»-ის გადასაღები მოედნიდან, სადაც უსახლკარო ადამიანის როლში შესული რიჩარდ გირი საჭმელს ნაგვის ურნაში ეძებს.
სწორედ ამ მომენტში შეემთხვა კურიოზი ჰოლივუდის ვარსკვლავ რიჩარდ გირს, რის შესახებაც მედია აქტიურად წერს. ფრანგმა ტურისტმა ქალმა კარინ გომბომ, ნიუ-იორკის ცენტრში სეირნობისას, გადაწყვიტა ქუჩის მაწანწალა, რომელიც ნაგავში იქექებოდა პიცით დაეპურებინა. ის ვერც კი წარმოიდგენდა, რომ ეს მაწანწალა 64 წლის რიჩარდ გირი აღმოჩნდებოდა.
მოგვიანებით, ამ კურიოზული ფაქტის კომენტირებისას კარინ გომბომ, ჟურნალისტებთან აღიარა: „ის ჯერ კიდევ ძალიან ლამაზია, მიუხედავად ასაკისა".