ატვირთვა
ავტორიზაცია რეგისტრაცია
309 225
ნახვა
114
ხელმომწერი
655
ვიდეო

ალექსის სანჩესის საინტერესო ინტერვიუ

გაზიარება შექმენი ლუპი
თებერვალი 25, 2014
154
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

თარგმანი წერილობით იხილეთ ქვემოთ

კონკურენციის მიუხედავად, ალექსის სანჩესი შესანიშნავ სეზონს ატარებს. მან გააუმჯობესა წინა შედეგი და ამ სეზონში უკვე 17 გოლი გაიტანა. ის მხოლოდ ლეო მესის (21) ჩამორჩება. ჩილელი თავდაჯერებულია. მარტინომ იცის, თუ რა სურს მისგან და ფეხბურთელსაც მოაქვს შედეგი. "რეალ სოსიედადთან" შეხვედრამდე კლუბის ოფიციალურმა საიტმა ინტერვიუ აიღო მისგან.

როდესაც კლუბში გადმოხვედი, საკუთარ თავს 'ქუჩის ფეხბურთელი' უწოდე. რთულია იმ აკადემიურ სისტემასთან შეგუება, რომელსაც "ბარსელონა" იყენებს?

"ბარსა" არის განსაკუთრებული გუნდი, რომელმაც ისე უნდა ითამაშოს, როგორც "ბარსელონამ". ვთამაშობდი იტალიაში, სადაც განსხვავებული მდგომარეობაა. აქ გადმოვედი და ჩემი ადაპტაცია დღემდე გრძელდება.

რით განსხვავდები იმ ფეხბურთელისაგან, რომელიც "უდინეზეში" თამაშობდა? როგორ შეიცვალე?

მაშინ ნებისმიერი გზით ვუტევდი. ყოველთვის ვცდილობდი მეტოქეების მოტყუებას. ახლა ყველა ვითარება უნდა გავაანალიზო, თამაში წავიკითხო, რათა ისინი მოვატყუო, მაგრამ ბურთი არ უნდა დავკარგო. ეს კლუბისა და გუნდის მოთხოვნებია.

შენ უკვე 3 მწვრთნელი გყავდა. შენთვის ეს ნეგატიურია თუ პოზიტიური?

მოთამაშე მწვრთნელებთან ერთად ყალიბდება, ისინი გასწავლიან. სამწუხაროა, რომ მწვრთნელებს პირადი მიზეზების გამო წასვლა მოუხდათ. მიხაროდა მათთან ერთად მუშაობა და თამაში.

პირველ სეზონში 15 გოლი გაიტანე, მეორეში - 11, ამ სეზონში - 17. აქვს თუ არა ამ შემთხვევაში ნდობას რაიმე მნიშვნელობა, როლი?

დიახ, ასე ვფიქრობ. ნდობა ქმნის ფეხბურთელს. თუ მოთამაშე 100%-ით თავდაჯერებულია, მაშინ საკუთარ საქმეს აკეთებს.

რას ითხოვს მარტინო შენგან?

ზეწოლას, საგოლე მომენტების შექმნას, მეტოქის მოტყუებას... ზუსტად ამის გაკეთებას ვცდილობ.

თქვი, რომ ამ სეზონში 'აფეთქდებოდი'? შენი აზრით, 'აფეთქდი'?

არასდროს მითქვამს, რომ 'ავფეთქდებოდი'. ვთქვი, რომ ვიქნებოდი ჩემი თავის საუკეთესო ვარიანტი. ყველა თამაშში იმედგაცრუებული ვარ, რადგან ხანდახან ვფიქრობ, რომ უკეთესის გაკეთება შემიძლია. შედეგად უსიამოვნო გრძნობა გრჩება.

მაჩვენე მეტი