საქართველოში ყველაზე მეტი დაახლოებით 42 მილიონი დოლარის ინვესტიცია ჩაიდო თურქეთიდან, თუმცა წინა წელთან შედარებით თურქეთიდან მაინც ინვესტიციების კლება შეიმჩნევა, რადგან 2023 წლის პირველ კვარტალში საქართველოში 71 მილიონი დოლარის FDI შემოვიდა. მეორე ადგილს იკავებს ჩეხეთი 41 მილიონიანი ინვესტიციებით, სადაც წლიურად 49 მილიონიანი ზრდაა. ყველაზე მეტად 265 მილიონი დოლარიდან 32 მილიონ დოლარამდე შემცირდა ინვესტიციები ნიდერლანდებიდან. ნიდერლანდები გასულ წელს უმსხვილესი ინვესტორი ქვეყანა იყო იმიტომ, რომ სწორედ ამ ქვეყანაში არსებული შვილობილი კომპანიის მეშვეობით შეიძინა სინგაპურულმა კორპორაცია Indorama-მ რუსთავის "აზოტი". პირდაპირ უცხოურ ინვესტიციებს შორის 92 მილიონი იყო არსებული კომპანიების რეინვესტიციები, 76 მილიონი დოლარი კომპანიებში სააქციო კაპიტალის შენატანები, ხოლო 33 მილიონი დოლარი სავალო ვალდებულებების ჩამორიცხვა. შეგვიძლია ახლა მოვისმინოთ რამდენიმე შეფასება ინვესტიციების კლების ტენდენციასთან დაკავშირებით. განსაკუთრებულ ყურადღებას იპყრობს ინვესტიციები საფინანსო სექტორში - ამ სექტორში ინვესტიციები უარყოფითი ნიშნით 2019 წლის მეორე კვარტლის შემდეგ პირველად დაფიქსირდა და დაახლოებით -44 მილიონი დოლარი შეადგინა. სტუმარი: ოთარ ნადარაია - „თიბისი“, მთავარი ეკონომისტი; #ახალიამბები #BusinessMediaGeorgia

ჯორჯიან უოთერ ენდ ფაუერის მფლობელი ესპანური კომპანია აქუალია, თბილისის, რუსთავის და მცხეთის მასშტაბით ევროპული სტანდარტების დანერგვას აგრძელებს და ამ მიზნით, წყალმომარაგების სისტემის მოდერნიზაციის პროექტის შედეგები წარადგინა. კომპანია აქუალია, წყალმომარაგების გაუმჯობესებისთვის 2024 წლიდან 2026 წლამდე 380 მლნ ლარამდე ინვესტიციის განხორციელებას გეგმავს. #ახალიამბები #BusinessMediaGeorgia

საქართველოში უცხოური ინვესტიციების მოცულობა 64%-ით შემცირდა. 2024 წლის I კვარტალში ქვეყანაში სულ 201 მილიონი დოლარის მოცულობის პირდაპირი უცხოური ინვესტიციები შემოვიდა, რაც წინა წლის ანალოგიურ პერიოდთან შედარებით 365 მილიონი დოლარით ნაკლებია. საქსტატის ანგარიშის მიხედვით, ინვესტიციების კლება დამმუშავებელ მრეწველობაში არსებულ შემცირებას უკავშირდება. თუკი გასული წლის I კვარტალში ინვესტიცია 226 მილიონ დოლარს შეადგენდა, წელს ის მხოლოდ 25 მილიონი დოლარი იყო. აღნიშნული კლება მაღალი ალბათობით სინგაპურული კორპორაცია Indorama-ს მიერ რუსთავის "აზოტის" ყიდვას უკავშირდებოდა, რის გამოც 2023 წლის პირველ კვარტალში ქვეყანაში ყველაზე დიდი ინვესტიციების ნაკადი დაფიქსირდა, 2024 წლის პირველ კვარტალში კი მსგავსი მასშტაბის გარიგება არ დადებულა. გასულ წელს არსებული 91 მილიონი დოლარიდან 40 მილიონ დოლარამდე შემცირდა ინვესტიციები ვაჭრობაში, ინფორმაციისა და კომუნიკაციის სექტორში კლებაა 42 მილიონი დოლარიდან 19 მილიონ დოლარამდე, ტურიზმში კლებაა გასულ წელს არსებული 30 მილიონი დოლარიდან 9 მილიონ დოლარამდე. სანაცვლოდ გაზრდილია ინვესტიციები ენერგეტიკის სექტორში რომელმაც 2024 წლის პირველ კვარტალში 79 მილიონი დოლარი შეადგინა (მატება 1 წლიან ჭრილში 15 მილიონი დოლარი). სტუმარი: გიორგი პაპავა - ISET-ის კვლევითი ინსტიტუტი, წამყვანი ეკონომისტი; #ახალიამბები #BusinessMediaGeorgia

კომპანია ტრანსპორტერის მხარდაჭერითა და ტრანსპორტერ კლუბის ორგანიზებით 2 ივნისს, რუსთავის საერთაშორისო ავტოდრომზე, ტრანსპორტერ ლიგის პირველი ეტაპი - მოტო დრაგში ჩატარდა. მასში მონაწილეობა 70-მდე მოტოოყვარულმა მიიღო, რომლებიც მოტოების ტექნიკური მახასიათებლების მიხედვით, 6 კლასში იყვნენ გადანაწილებულები. მოტო დრაგი რუსთავში მთელი დღის განმავლობაში მიმდინარეობდა და საბოლოოდ 6 გამარჯვებულის გამოვლენით დასრულდა. #ახალიამბები #BusinessMediaGeorgia

ჯორჯიან უოთერ ენდ ფაუერმა, ქალაქ რუსთავში, წყალმომარაგების სისტემური გაუმჯობესების პროექტის 2024 წლის შედეგები BNG-ის გააცნო. პროექტის ფარგლებში 2024 წელს 18 მილიონი ლარის ინვესტიცია ხორციელდება. 2024 წლის მაისის მდგომარეობით, ბოლო 6 თვის განმავლობაში GWP-მ ქალაქ რუსთავის წყალმომარაგების და წყალარინების ქსელებზე16 სარეაბილიტაციო პროექტი უკვე დაასრულა და ამ ეტაპზე დამატებით 6 პროექტზე მუშაობს. GWP-ის მფლობელმა, ესპანურმა კომპანია Aqualia-მ დეტალურად შეისწავლა, რუსთავის წყალმომარაგების სისტემა და არსებული გამოწვევები. #ახალიამბები #BusinessMediaGeorgia

რუსთავი - ამ ქალაქის მთავარ გამოწვევას წლებია წყალმომარაგების საკითხი წარმოადგენს. როგორც რუსთავის მერი, ნინო ლაცაბიძე აღნიშნავს, დიდი ხნის განმავლობაში ქალაქში სისტემა გაუმართავი იყო, ამ პრობლემის აღმოფხვრაზე კი ამ ეტაპზე რუსთავის მერია აქტიურად მუშაობს - კერძოდ, კომპანიას, რომელსაც ქალაქის წყალმომარაგების ვალდებულება აკისრია, ანუ ჯორჯიან ვოთერ ენდ ფოუერს, საინვესტიციო პროექტის წარდგენა დაევალა, რომელიც 2024 წლის ბოლოსთვის შესრულებული უნდა იყოს. #ახალიამბები #BusinessMediaGeorgia