50.45 კილომეტრი — მანძილი, რომელმაც „კუნძულოვანი ფსიქოლოგია“ დაასრულა. 1994 წლის 6 მაისს ევროტუნელის გახსნით 200-წლიანი ოცნება რეალობად იქცა: დიდი ბრიტანეთი და კონტინენტური ევროპა ისტორიაში პირველად დაკავშირდნენ ხმელეთით. დღეს, როდესაც გლობალური ლოგისტიკური დერეფნების რეკონფიგურაცია მიმდინარეობს, ეს პროექტი რჩება მთავარ დასტურად იმისა, რომ სწორი დაკავშირებადობა ეკონომიკური ზრდის უალტერნატივო პირობაა. #დღისრიცხვი #ევროტუნელი #ეკონომიკა #ინფრასტრუქტურა #ბიზნესისტორია #Eurotunnel

წელს ადგილობრივი თაფლის საექსპორტო ფასი მნიშვნელოვნად გაიზარდა. საქსტატის მონაცემებით, 2026 წლის პირველ კვარტალში საქართველოდან თაფლის ექსპორტის მოცულობები 100 კგ-ით შემცირდა, თუმცა, გაიზარდა ღირებულება - ექსპორტზე 17 300 დოლარის ღირებულების 400 კგ ადგილობრივი წარმოების თაფლი გავიდა, რომლის საშუალო საექსპორტო ფასი 43 დოლარამდე გაიზარდა, შარშან კი, 1 კგ ექსპორტირებული პროდუქტის საშუალო ფასი 11.4 დოლარი იყო. ქართული თაფლის მთავარი ექსპორტიორი არაბთა გაერთიანებული საამიროებია, სადაც იანვარ-მარტში 11 400 დოლარის 200 კგ თაფლი გავიდა. რამ განაპირობა ადგილობრივი წარმოების თაფლის ექსპორტზე ფასების ზრდა და რა პერსპექტივა აქვს ქართული თაფლის პრემიუმ სეგმენტში რეალიზაციას? #ახალიამბები #BusinessMediaGeorgia

წელს ადგილობრივი თაფლის საექსპორტო ფასი მნიშვნელოვნად გაიზარდა. საქსტატის მონაცემებით, 2026 წლის პირველ კვარტალში საქართველოდან თაფლის ექსპორტის მოცულობები 100 კგ-ით შემცირდა, თუმცა, გაიზარდა ღირებულება - ექსპორტზე 17 300 დოლარის ღირებულების 400 კგ ადგილობრივი წარმოების თაფლი გავიდა, რომლის საშუალო საექსპორტო ფასი 43 დოლარამდე გაიზარდა, შარშან კი, 1 კგ ექსპორტირებული პროდუქტის საშუალო ფასი 11.4 დოლარი იყო. ქართული თაფლის მთავარი ექსპორტიორი არაბთა გაერთიანებული საამიროებია, სადაც იანვარ-მარტში 11 400 დოლარის 200 კგ თაფლი გავიდა. რამ განაპირობა ადგილობრივი წარმოების თაფლის ექსპორტზე ფასების ზრდა და რა პერსპექტივა აქვს ქართული თაფლის პრემიუმ სეგმენტში რეალიზაციას? #ახალიამბები #BusinessMediaGeorgia

17-19 აპრილს “ექსპო ჯორჯიამ” სამშენებლო მასალების საერთაშორისო გამოფენას, Caucasus Build 2026-ს უმასპინძლა. ყოველწლიურმა ღონისძიებამ საქართველოდან და მეზობელი ქვეყნებიდან 200-მდე კომპანია გააერთიანა. ინდუსტრიის მთავარი მოვლენა, Caucasus Build-ი საგამოფენო ცენტრ “ექსპო ჯორჯიას” ორგანიზებით ჩატარდა და სხვადასხვა ფორმატი მოიცვა, მათ შორის, თიბისის მხარდაჭერით, ღონისძიებაზე პანელური დისკუსია გაიმართა - „როგორ შენდება მსხვილი პროექტები საქართველოში - შესყიდვები და გადაწყვეტილებები“. კონფერენციაზე მსხვილმა სამშენებლო კომპანიებმა საკუთარი გამოცდილების შესახებ ისაუბრეს და მცირე და საშუალო მწარმოებლებს რეკომენდაციები გაუზიარეს, რაც მათ ბიზნესის გაფართოებაში დაეხმარებათ. #ახალიამბები #BusinessMediaGeorgia

გაეროს განვითარების პროგრამამ და „ქეა კავკასიამ“ , გერმანიის მთავრობის მხარდაჭერით, 3-წლიანი პროექტი დაასრულეს, რომელმაც საქართველოში მყოფი ლტოლვილებისთვის, უმეტესწილად უკრაინიდან, სრულიად ახალი შესაძლებლობები გააჩინა. პროექტის მიზანი მათი ეკონომიკური დამოუკიდებლობის ხელშეწყობა იყო და შედეგები, რომელიც 26 მარტს თბილისში გამართულ ლტოლვილ მეწარმეთა გამოფენაზე შეჯამდა, ნამდვილად შთამბეჭდავია. ციფრები თავად საუბრობენ მიზნობრივი მხარდაჭერის ეფექტიანობაზე: დახმარება მიიღო 84-მა ბიზნესმა, საიდანაც 73 დღეს აქტიურად და მდგრადად ოპერირებს თბილისში, ბათუმსა და საქართველოს სხვადასხვა რეგიონში. ამ მცირე საწარმოებმა 175 ახალი სამუშაო ადგილი შექმნეს. მათი მოგების მარჟა საშუალოდ 30%-ია, ხოლო საგრანტო ინვესტიციამ 200%-იანი უკუგება აჩვენა - ანუ მეწარმეებმა მიღებული ფინანსები თითქმის გაასამმაგეს. სტუმარი: სოფია ქამუშაძე - “ქეა კავკასია", ჰუმანიტარული პროგრამის დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia

მსოფლიოში ერთ-ერთი ყველაზე მასშტაბური და გავლენიანი მუსიკალური ფესტივალი Coachella ყოველწლიურად არა მხოლოდ მუსიკალური შოუს, არამედ უზარმაზარი ფინანსური პროექტის სახეს იღებს. 2026 წელს ფესტივალმა რეკორდული მასშტაბები აჩვენა: საერთო შემოსავალმა 200 მილიონ დოლარს გადააჭარბა, რაც იმას ნიშნავს, რომ მისი ორგანიზებაც კოლოსალურ რესურსებს მოითხოვდა. ფესტივალის ეკონომიკური გავლენა კიდევ უფრო ფართოა, მხოლოდ ტურისტების ხარჯვით ადგილობრივ ეკონომიკაში 20 მილიონ დოლარზე მეტი გენერირდება. ამ ყველაფერს თუ დავუმატებთ სპონსორებს, ბრენდების აქტივაციებსა და ინფრასტრუქტურულ ხარჯებს, ნათელია, რომ Coachella უკვე დიდი ხანია აღარ არის უბრალოდ მუსიკალური ღონისძიება - ეს არის მრავალმილიონიანი ინდუსტრია, სადაც შოუს უკან უზარმაზარი ფინანსური მანქანა დგას. #ახალიამბები #BusinessMediaGeorgia

თბილისი სამშენებლო ინდუსტრიის რეგიონულ ცენტრად იქცა. „ექსპო ჯორჯიაში“ საერთაშორისო გამოფენა Caucasus Build 2026 ოფიციალურად გაიხსნა. 40-მდე ქვეყნის 200-ზე მეტ კომპანიას შორის, წელს განსაკუთრებული აქცენტი პოლონეთის ეროვნულ სტენდზე კეთდება. პოლონეთი ევროპაში სამშენებლო და ხის მასალების წარმოების აღიარებული ლიდერია, პოლონეთის ინვესტიციებისა და ვაჭრობის სააგენტო კი ქართულ ბაზარზე ახალი პარტნიორობების დამყარებასა და ევროპული გამოცდილების გაზიარებას გეგმავს. როგორ აფასებენ საერთაშორისო მოთამაშეები საქართველოს ბიზნეს პოტენციალს და რა სიახლეებს სთავაზობენ ისინი ადგილობრივ სექტორს? #ახალიამბები #BusinessMediaGeorgia

ქართული დეველოპერული სექტორის წარმომადგენლების მტკიცებით, საქართველოს საინვესტიციო მიმზიდველობა ახლო აღმოსავლეთში არსებული კრიზისის ფონზე მნიშვნელოვნად გაიზარდა. როგორც კომპანიებში აცხადებენ ისრაელიდან და არაბული ქვეყნებიდან გაზრდილი ინტერესი უკვე რეალურ საინვესტიციო ნაკადებში აისახება. თუ აქამდე ქართული დეველოპერული კომპანიები თავად ცდილობდნენ უცხოელ პარტნიორებთან დაკავშირებას, დღეს ინიციატივა ინვესტორების მხრიდან მოდის, რაც ქვეყნის საინვესტიციო მიმზიდველობის მნიშვნელოვან ზრდაზე მიუთითებს. გაზრდილი ინტერესი ისახება სტატისტიკურ რიცხვებშიც. მაგ. კომპანია „არქიში“ აცხადებენ, რომ მათ პროექტებზე მოთხოვნა გასული წლის პირველი კვარტალის მონაცემებს მნიშვნელოვნად აღემატება და 67%-იან ზრდას აჩვენებს. დეველოპერული კომპანია "მეტროპოლში"კი ამბობენ, რომ წლის პირველ 3 თვეში გაყიდული ბინების ღირებულებამ 24 მილიონ დოლარს გადააჭარბა, რაც გეგმის დაახლოებით 200%-იან შესრულებას ნიშნავს. რა ზრდის ამ ეტაპზე მოთხოვნას და როგორია უძრავი ქონების ბაზარი? სტუმარი: ლევან დიასამიძე - „იბერკომპანის“ დირექტორი #ახალიამბები #BusinessMediaGeorgia

P.S. - ''ეს ის დროა როდესაც შუქის გარეშე ხშირად იყო ქალაქი, ვიკრიფებოდით მეგობრები და არაჩვეულებრივ დროს ვატარებდით, ვიღებდით ვიდეოებს ვხუმრობდით, 21 წლის, რომ ხარ ყველაფერი გიხარია, მიუხედავად ქვეყანაში მძიმე მდგომარეობისა. ''21 წელი''. '' - შოთა კალანდაძე

SpaceX - სტარტაპი, რომელიც 2002 წელს დააფუძნა ილონ მასკმა, დღეს უკვე ერთ-ერთ ყველაზე გავლენიან მოთამაშედ იქცა კოსმოსურ ინდუსტრიაში. კომპანია, რომელმაც არაერთი წარუმატებელი გაშვების შემდეგ შეძლო ისტორიის დაწერა - რაკეტების მრავალჯერადი გამოყენება რეალობად აქცია და კოსმოსში გაფრენის ღირებულება მნიშვნელოვნად შეამცირა. დღეს SpaceX უკვე აღარ არის უბრალოდ სტარტაპი, ეს არის მრავალმილიარდიანი კომპანია, რომელიც ტრილიონიანი შეფასებისკენ მიისწრაფვის და კოსმოსური ეკონომიკის მომავალს ქმნის. როგორ შეძლო ერთმა იდეამ შეეცვალა ინდუსტრია და სადამდე მიდის ეს ამბიცია? #ახალიამბები #BusinessMediaGeorgia

ევროპა ზაფხულის დროზე გადავიდა, ანუ საათმა ერთი საათით წინ გადაიწია. საქართველო 2005 წლის შემდეგ დროს აღარ ცვლის და მთელი წლის განმავლობაში უნივერსალურ დროს პლიუს 4 საათს იყენებს. ეს ნიშნავს, რომ ჩვენთან დღე და ღამე ყოველთვის ერთსა და იმავე საათზე იწყება, განსხვავებით ევროპისგან და აშშ-სგან. გლობალურად, დრო სარტყელებითაა განსაზღვრული, თუმცა ქვეყნები ხშირად გადაწყვეტილებას საკუთარი ხედვების მიხედვით იღებენ, რაც საინტერესო განსხვავებებს ქმნის - მაგალითად, ჩინეთში მოსახლეობის ნაწილი ორ დროს იყენებს, ავსტრალიაში შტატებს საკუთარი რეჟიმი აქვთ, ხოლო აშშ-ში მხოლოდ ჰავაი და არიზონა არ იცვლიან საათებს. მოკლედ, როგორ ხდება დროის ცვლილება და რა მექანიზმს მიმართავენ სხვადასხვა ქვეყნები? #ახალიამბები #BusinessMediaGeorgia

საავიაციო ინდუსტრიის ქართველი წარმომადგენელი ქალი უნდა გაგაცნოთ,..რომლის პროფესიული გზაც საკმაოდ მოულოდნელად და საინტერესოდ დაიწყო. სანამ ის საერთაშორისო ავიაციის მენეჯმენტში წამყვან პოზიციებს დაიკავებდა, პოლიციის აკადემია დაამთავრა და ძალოვან სტრუქტურაშიც მოასწრო ძალების მოსინჯვა. თუმცა, მისი მთავარი არეალი არა ხმელეთი, არამედ ცა აღმოჩნდა. ყველაფერი 2005 წელს, ათენში გამგზავრებით შეიცვალა. ტურისტულ კომპანიაში მიღებული პირველი გამოცდილების შემდეგ, ის უკრაინის ავიახაზების საბერძნეთის ოფისს შეუერთდა - სწორედ აქედან იღებს სათავეს მისი, როგორც თავად უწოდებს, „დიდი ავიაცია“. წარმატებულმა საქმიანობამ დეა მალევე იმავე ავიაკომპანიის ლონდონის ოფისში, რეგიონალური წარმომადგენლის პოზიციაზე გადაიყვანა. ევროპული გამოცდილების დაგროვების შემდეგ, ის სამშობლოში დაბრუნდა და ორი წლის განმავლობაში „აირზენას“ კომერციული დირექტორის პოსტს იკავებდა. 2015 წლიდან კი - „საქართველოს აეროპორტების გაერთიანებაში“ განაგრძო მუშაობა და ქვეყნის საავიაციო სექტორის განვითარებაში საკუთარი წვლილი შეიტანა. 2020 წელს, მსოფლიო კარანტინის გამოცხადებამდე სულ რაღაც ორი კვირით ადრე, დეა საბერძნეთში დაბრუნდა და კალამატას აეროპორტის საავიაციო განვითარების დირექტორის პოზიცია ჩაიბარა. 2023 წლიდან დღემდე კი, ის საბერძნეთის ერთ-ერთი ყველაზე დატვირთული და სტრატეგიული - ჰერაკლიონის აეროპორტის საავიაციო განვითარების დირექტორია. სტუმარი: დეა მაჭავარიანი - "ჰერაკლიონის საერთაშორისო აეროპორტი", საავიაციო განვითარების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia

2005 წელს, როცა ინტერნეტი ჯერ კიდევ ეძებდა საკუთარ ფორმას, სამმა მეგობარმა შექმნეს საიტი, რომელიც თავდაპირველად უბრალო იდეას ემყარებოდა: ნებისმიერ ადამიანს უნდა შეძლებოდა ვიდეოს მარტივად ატვირთვა და გაზიარება, საიდანაც დაიწყო ციფრული რევოლუცია. მხოლოდ ერთ წელიწადში, პლატფორმის პოტენციალი იმდენად აშკარა გახდა, რომ ტექნოლოგიურმა გიგანტმა Google-მა YouTube 1.65 მილიარდ დოლარად შეიძინა. ეს ნაბიჯი იქცა გარდამტეხ მომენტად, რომელმაც YouTube-ს გლობალური გაფართოების გზა გაუხსნა. წლების განმავლობაში, YouTube გადაიქცა არა მხოლოდ გასართობ პლატფორმად, არამედ მედიად, ბიზნესად და კარიერულ შესაძლებლობად. გაჩნდა ახალი პროფესია - “იუთუბერი”, ადამიანები, რომლებიც მილიონობით გამომწერს აგროვებენ და გავლენას ახდენენ საზოგადოებრივ აზრზე. დღეს YouTube ერთ-ერთი ყველაზე ძლიერი პლატფორმაა მსოფლიოში - ადგილი, სადაც იბადება ტრენდები, იქმნება ვარსკვლავები და ყალიბდება ახალი ციფრული კულტურა. როგორ მოახერხა ერთმა უბრალო იდეამ მედიის ისტორიაში ასეთი მასშტაბური გარდაქმნა? #ახალიამბები #BusinessMediaGeorgia