ბოლო წლებში სულ უფრო ხშირად ვხედავთ ახალგაზრდა, უაღრესად განათლებულ პროფესიონალებს, რომლებიც უცხოეთში მიღებულ ცოდნას სამშობლოში აბრუნებენ და ქართულ იურიდიულ ბაზარზე სრულიად ახალ, დასავლურ სტანდარტს ამკვიდრებენ. ჩვენი შემდეგი სტუმარი იურიდიული კომპანია „მესხიშვილი და პარტნიორების“ პარტნიორი -მარიამ პირველია. მარიამის აკადემიური პორტფელი ცალსახად შთამბეჭდავია, ის არის ფულბრაიტისა და ედმუნდ მასკის პრესტიჟული პროგრამების სტიპენდიატი, რომელმაც 2024 წელს პიტსბურგის უნივერსიტეტში საერთაშორისო და შედარებითი სამართლის მაგისტრის ხარისხი დაიცვა. ამერიკიდან დაბრუნების შემდეგ, კორპორაციულ სექტორში მიღებული გამოცდილება მან დამოუკიდებელ საადვოკატო პრაქტიკად აქცია და ყოფილ ხელმძღვანელთან ერთად, ახალი კომპანია დააფუძნა, რომელიც კლიენტებს სრულ იურიდიულ მომსახურებას სთავაზობს. ამასთან, მარიამი ინარჩუნებს საერთაშორისო პრაქტიკასაც და ნიუ-იორკში, ამერიკულ საადვოკატო ფირმაში იურიდიული კონსულტანტის პოზიციას იკავებს. რა გამოცდილებას იძლევა ამერიკული საგანმანათლებლო სისტემა და როგორია ახალგაზრდა ქალის გზა კორპორაციული იურისტიდან დამოუკიდებელი კომპანიის დაფუძნებამდე? სტუმარი: მარიამ პირველი - “მესხიშვილი და პარტნიორები”, პარტნიორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თეო ქობალია, ქართული პრემიუმ ბრენდ MOLMAUNI-ს დამფუძნებელი და კრეატიული დირექტორია, რომლის შემოქმედებაც თანამედროვე ტექნოლოგიური პროგრესისა და ღრმა, სულიერი ესთეტიკის გადაკვეთაზე დგას. როგორც ამბობს მისთვის, მოდა სულის გაგრძელებაა, სადაც ვიქტორიანული ელეგანტურობა და ძველი სამყაროს დახვეწილობა ქალის შინაგან ძალასა და სინაზეს ერწყმის. ბრენდის სახელი, რომელიც მეგრულად „გამომყევი“-ს ნიშნავს, სიმბოლური მოწვევაა იმ პიროვნული გზის გასაზიარებლად, რომელიც დიზაინერმა აფხაზეთიდან დევნილობისა და რთული გამოწვევების ფონზე გაიარა. სწორედ ნარჩენი ქსოვილებისგან შექმნილმა პირველმა სამოსმა და დანაკარგის სილამაზედ გარდაქმნის გამოცდილებამ ჩაუყარა საფუძველი ბრენდს, რომელიც რამდენიმე თვის წინ მაღალი მოდის ჩვენებაზე მსოფლიოს ბრენდების გვერდით ვიხილეთ. სტუმარი: თეო ქობალია - Molmauni, დამფუძნებელი და კრეატიული დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia