დეველოპერული კომპანია ჰოუმერი წლის ბოლოსთვის საახალწლო შეთავაზებებს აანონსებს, თუმცა სანამ ამ ნაწილზე გადავალთ 2024 წელს დაფუძნებული კომპანიის პირველი პროექტის ამბებს მოვიკითხავთ, რომელიც საკმაოდ სწრაფი ტემპით ვითარდება. ჰოუმერის პირველი პროექტი დიღომში, პერსპექტიულ ლოკაციაზე, ამერიკის საელჩოსა და ოლიმპიურ აუზთან, ბობ უოლშის #36-ში კომპანია ,,ანაგთან“ პარტნიორობით შენდება. ჯამში 24 500 კვ.მ ტერიტორია 4 საცხოვრებელ კორპუსს, 7 300 კვ.მ რეკრეაციას, სპორტულ, სავარჯიშო, საბავშვო და შინაური ცხოველებისთვის განკუთვნილ სივრცეებს, კომერციულ ფართებს, ღია და დახურულ ავტოსადგომს მოიცავს. ამ პროექტს ხელით მოხატული ფასადი ექნება. სტუმრები: ნიკოლოზ მეძმარიაშვილი - Homer-ის გენერალური დირექტორი; სალომე ლაზიშვილი - Homer-ის კომერციული დირექტორი #ახალიამბები #BusinessMediaGeorgia

„თეგეტა ჰოლდინგი“ და ევროპის რეკონსტრუქციისა და განვითარების ბანკი საავტომობილო სექტორში მასშტაბურ პროექტს იწყებენ - მხარეებს შორის ოფიციალური ხელშეკრულება „თეგეტას“ მრავალფუნქციურ სერვისცენტრში გაფორმდა. აღსანიშნავია, რომ ეს სტრატეგიული თანამშრომლობა რეგიონული ჰაბის გაფართოებასა და პროფესიული განათლების ხელშეწყობას ისახავს მიზნად. პროექტის ჯამური ღირებულება 32 მილიონი ევროა, საიდანაც 25 მილიონს სესხის სახით EBRD გამოყოფს, 7 მილიონს კი „თეგეტა“ საკუთარი ინვესტიციით აფინანსებს. მობილიზებული რესურსი თბილისის შემოვლით გზაზე მდებარე „გეზის“ ფილიალის გაფართოებას მოხმარდება, რომელიც ქვეყნის ერთ-ერთი უმნიშვნელოვანესი სატრანზიტო კვანძია. ინფრასტრუქტურის გარდა, EBRD „თეგეტა აკადემიას“ ტექნიკურ მხარდაჭერასაც გაუწევს, რაც საერთაშორისო სტანდარტების შესაბამისი სასწავლო პროგრამების დანერგვას გულისხმობს. ხელმოწერის ცერემონიის დასრულების შემდეგ, თეგეტა ჰოლდინგის წარმომადგენლებმა EBRD-ის რეგიონული დირექტორისა და დელეგაციის წევრებისთვის „თეგეტას“ მრავალფუნქციური სერვისცენტრის ტერიტორიაზე ტური გამართეს და კომპანიის ინფრასტრუქტურა ადგილზე დეტალურად გააცნეს. #ახალიამბები #BusinessMediaGeorgia

მტკვრის სანაპიროზე, ქალაქის ცენტრიდან 7 წუთის სავალზე as group მულტიფუნქციურ საცხოვრებელ კომპლექსს „პარკ ბულვარს“ აშენებს. პროექტი 17 საცხოვრებელ კორპუსს და 8 ჰა ტერიტორიაზე განლაგებულ პარკს მოიცავს. საუბარია 3000-მდე აპარტამენტზე, რომლის მშენებლობაც მომდევნო 5 წლიან პერიოდშია დაგეგმილი. რა ტიპის ინფრასტრუქტურა იქმნება ქალაქში, რომელიც ყველაზე დიდ ბულვარს მოიცავს? სტუმარი: გვანცა კირვალიძე-მარჯანიძე, "პარკ ბულვარის" გაყიდვების დირექტორი #ახალიამბები #BusinessMediaGeorgia