მონაწილეობენ - ნანკა კალატოზიშვილი, ლენუკა ყიფშიძე, კრისტი ყიფშიძე, ნინელი ჭანკვეტაძე, მარინა კახიანი, ამიკო ჯანელიძე, ვანიკო მაჭავარიანი, დათო ჯავახია, რამაზ ნოზაძე, ბექა ელბაქიძე, ლიკა ქავჟარაძე, Dir. Shota Kalandadze. Participating - Nanka Kalatozishvili, Lenuka Kipshidze, Kristi Kipshidze, Nineli Chankvetadze, Marina Kakhiani, Amiko Janelidze, Vaniko Machavariani, Dato Javakhia, Ramaz Nozadze, Beka Elbakidze, Lika Kavzharadze,

განათლების სამინისტროს შპს „საგანმანათლებლო რესურსებმა“ სასკოლო ფორმებთან დაკავშირებით ბაზრის კვლევა გამოაცხადა. საუბარია 2026-2027 სასწავლო წლისთვის, I-დან VI კლასის ჩათვლით მოსწავლეებისთვის ერთიანი სასკოლო ფორმის შემოღებაზე. სამინისტრო ირწმუნება, რომ ფორმა სტანდარტულ ტანსაცმელზე 30-50%-ით იაფი (დაახლოებით 100 ლარის ფარგლებში) იქნება, ხოლო სოციალურად დაუცველი მოსწავლეებისთვის ამ ხარჯს სახელმწიფო სრულად დაფარავს. მიზნად კი „მშობლების ფინანსური ტვირთის შემცირება და პროცესის სახელმწიფო კონტროლი“ სახელდება. თუმცა, ამ ინიციატივის ფონზე, ჩრდილში რჩება განათლების სისტემის რეალური, მტკივნეული პრობლემები. თბილისში ათობით სკოლა წლებია დანგრეულია და არ შენდება. ბავშვები მეორე და მესამე ცვლაში, დამატებითი სატრანსპორტო ხარჯით დადიან სასწავლებლად. რიგ სკოლებში არ არის დაცული ელემენტარული ჰიგიენური ნორმები. საერთაშორისო კვლევები გვაჩვენებს რეგრესს მოსწავლეთა აკადემიურ მოსწრებაში, გაეროს ბავშვთა ფონდის კვლევით კი, ბავშვების ნაწილს საგაკვეთილო პროცესში უბრალოდ შია. ამ ფონზე, საინტერესო რატომ ხდება პრიორიტეტი სასკოლო ფორმა და არა ინფრასტრუქტურა ან შინაარსი? სტუმარი: მარიამ რამინაშვილი - განათლების ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia

აშენებული საცხოვრებელი კორპუსები, რომლებიც სამართლებრივად არ არსებობს - უძრავი ქონების ბაზარზე ერთ-ერთი მნიშვნელოვანი პრობლემაა - ხშირად შენობა ფიზიკურად დასრულებულია და მობინადრეებიც ცხოვრობენ, თუმცა ექსპლუატაციაში მიღებული არ არის, რის გამოც იურიდიულად ის „არარსებულად“ ითვლება. კანონით, ექსპლუატაციაში მიღება გულისხმობს, რომ შენობა სრულად აკმაყოფილებს ყველა ნორმას და შესაბამისი დოკუმენტაციაც წესრიგშია. ქაღალდზე ეს პროცესი განსაზღვრულ ვადებში უნდა სრულდებოდეს, თუმცა რეალობაში ხშირად იწელება. მიზეზად დოკუმენტაციის ხარვეზები, პროექტში ცვლილებები ან ბიუროკრატიული პროცედურები სახელდება. ასეთი მდგომარეობა პრობლემებს უქმნის მობინადრეებსაც: ბინის სრულფასოვანი რეგისტრაცია და მისი გამოყენება ხშირად შეფერხებულია. ➡️ სტუმარი: ბექა თეზელაშვილი - იურისტი #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia

“ამბასადორი ჯგუფს” და ამერიკულ არქიტექტორულ კომპანია SHoP Architects შორის ხელი მოეწერა არქიტექტურული და ფასადური პროექტირების სახელმძღვანელო ხელშეკრულებას, რომელიც მოიცავს ერთიანი არქიტექტურული კონცეფციისა და დიზაინ-კოდის შემუშავებას, ამბასადორი აილენდ ბათუმის შემთხვევაში, ეს დოკუმენტი არის პროექტის არქიტექტურული კონსტიტუცია, რომელიც ადგენს მშენებლობის ერთიან ესთეტიკურ კოდს, უმაღლესი ხარისხის სისტემურ სტანდარტებს და უზრუნველყოფს კუნძულის, როგორც ერთიანი მსოფლიო დონის არქიტექტურული შედევრის, გრძელვადიან საინვესტიციო ღირებულებას. ეს განსაკუთრებით მნიშვნელოვანია, რადგან ამბასადორის კუნძულის სახით იქმნება ინოვაციური ურბანული ეკოსისტემა - მომავლის ქალაქი, რომელიც ტექნოლოგიურ პროგრესს, სმარტ-არქიტექტურას და ცხოვრების თანამედროვე ტემპს ერთ სივრცეში აერთიანებს. ამბასადორი აილენდ ბათუმის მეშვეობით, საქართველო მკვიდრდება იმ პრესტიჟულ გეოგრაფიულ არეალში, სადაც აქამდე მხოლოდ ნიუ-იორკი, ლონდონი, დუბაი ან სინგაპური დომინირებდნენ. #ახალიამბები #BusinessMediaGeorgia

განათლების სამინისტროს შპს "საგანმანათლებლო რესურსებმა" სასკოლო ფორმებთან დაკავშირებით ბაზრის კვლევა გამოაცხადა. გამარტივებული შესყიდვის ობიექტია 2026–2027 სასწავლო წლისთვის დაწყებითი საფეხურის მოსწავლეების სასკოლო ფორმის ტანსაცმლის შესყიდვა. მიწოდება კი ორ ეტაპად უნდა მოხდეს: I ეტაპი საქონლის არანაკლებ 30%-ის მოწოდება არაუგვიანეს 2026 წლის 31 ივლისისა, II ეტაპი საქონლის დარჩენილი რაოდენობა არაუგვიანეს 2026 წლის 20 აგვისტოს ჩათვლით. შესყიდვას ახლავს სასკოლო ფორმების დიზაინიც და დარწმუნებული ვარ ბევრმა თქვენგანმა ნახა ეს ესკიზიც. სწორედ ამ ფორმით უნდა იარონ ახალი სასწავლო წლიდან 1-დან მეექვსე კლასის ჩათვლით მოსწავლეებმა. განათლების მინისტრის მოადგილე ზვიად გაბისონია ამბობს, რომ მშობლებისთვის ფორმების ხარჯი სტანდარტული ტანსაცმლის ღირებულებასთან შედარებით 30-დან 50%მდე იაფი იქნება. მიუხედავად იმისა, რომ ბაზრის კვლევა ახლა მიმდინარეობს და დიზაინიც დამტკიცების პროცესშია, გაბისონია აცხადებს, რომ ღირებულება 100 ლარი ფარგლებში უნდა იყოს. სახელმწიფო გაითვალისწინებს სოციალურად დაუცველ მოსწავლეებსაც და მათთვის ფორმის ხარჯს სრულად ბიუჯეტიდან დავფარავთ. სხვა კატეგორიებისთვის დამატებითი გადაწყვეტილებები ჯერ განხილვის ეტაპზეა. სამინისტროში ირწმუნებიან, რომ ახალი სისტემის მიზანი მშობლების ფინანსური ტვირთის შემცირება და პროცესის სახელმწიფო კონტროლია, რათა თავიდან იქნას აცილებული ზედმეტი ხარჯები და ფასების ხელოვნური ზრდა. ანუ სამინისტრომ ერთ-ერთ მთავარ ფუნქციად განისაზღვრა იმაზე ზრუნვა როგორი იქნება სასკოლო ფორმა და გადაწყვიტა რომ ეს ხარჯიც სოცდაუცველებისთვის ბიუჯეტმა უნდა დაფაროს. ამ ფონზე კი არაფერს ამბობს ისეთ პრობლემებზე, როგორიცაა მაგ. წლობით დანგრეული და ვერ აშენებული სკოლები. თბილისში ათობით სკოლა წლებია დანგრეულია და არ შენდება. მოსწავლეები მეორე და მესამე ცვლაში უკვე 4-5 წელია დადიან მირკოავტობისებით, რომელიც სხვათა შორის ასევე დამატებითი ხარჯია. სტუმარი: შალვა ტაბატაძე - განათლების მკვლევარი; #ახალიამბები #BusinessMediaGeorgia

2026 წლისთვის საქართველოსთვის პროგნოზირებული ეკონომიკური ზრდის მაჩვენებელი, 5.3% ზრდის ჯანსაღი დონეა - ამის შესახებ bmg-სთან ინტერვიუში საერთაშორისო სავალუტო ფონდის ახლო აღმოსავლეთისა და ცენტრალური აზიის დეპარტამენტის დირექტორი აცხადებს. ჯიჰად აზური ამბობს, რომ გასული ბოლო რამდენიმე წლის განმავლობაში საქართველოში დაფიქსირებული მაღალი ეკონომიკური ზრდის მაჩვენებელი მათ შორის უკრაინაში მიმდინარე ომის მიგრაციული ეფექტებით იყო გამოწვეული. მისი თქმით, ეკონომიკური აქტივობის შედარებით მაღალ დონეზე შენარჩუნებისთვის საქართველომ სხვადასხვა მიმართულებით რეფორმები უნდა გააგრძელოს, მათ შორის სახელმწიფო საწარმოების ნაწილში. რა ტიპის გავლენა ექნება საქართველოს ეკონომიკაზე ახლო აღმოსავლეთში მიმდინარე ომს, რა რეფორმები სჭირდება ქვეყანას და რა რისკებს უქმნის საქართველოს საინვესტიციო გარემოს ევროკავშირთან გაუარესებული ურთიერთობები? ჯიჰად აზური - IMF-ის ახლო აღმოსავლეთისა და ცენტრალური აზიის დეპარტამენტის დირექტორი ნუცა შუბაშვილი - #BMG, რეპორტიორი #ახალიამბები #BusinessMediaGeorgia

#ერთსულოვნება #საპარტრიარქო #ტელევიზია საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილი ღონისძიებები გრძელდება

გარემოს დაცვისა და სოფლის მეურნეობის სამინისტრო ახალ პროგრამას - „აგროთანადაფინანსების სახელმწიფო პროგრამას“ იწყებს. სიახლე სამინისტრომ ბიზნესსექტორის წარმომადგენლებს დღეს გამართულ პრეზენტაციაზე წარუდგინა. უწყებაში აცხადებენ, რომ პროგრამა აგროსექტორის მხარდაჭერის თანამედროვე და გაუმჯობესებულ მოდელს მოიცავს. რას ითვალისწინებს „აგროთანადაფინანსების სახელმწიფო პროგრამა“ და რით განსხვავდება ის უკვე არსებული პროგრამებისგან? #ახალიამბები #BusinessMediaGeorgia

აგროსექტორის მხარდასაჭერად სოფლის მეურნეობის სამინისტრომ დღეს ახალი სახელმწიფო პროგრამა წარადგინა. “აგროთანადაფინანსება”- ასე ჰქვია პროგრამას, რომელიც მთავრობის წევრების მტკიცებით, სექტორის მხარდაჭერის თანამედროვე და გაუმჯობესებულ მოდელს ითვალისწინებს. კერძოდ, მთავრობა ცალკეული პროგრამებიდან ერთიან მოდელზე გადადის, განისაზღვრება პრიორიტეტული სექტორები, სადაც სახელმწიფო მაქსიმუმ 2 მილიონი ლარის თანადაფინანსებაში შევა. უფრო კონკრეტულად, რა იცვლება სოფლის მეურნეობის სექტორისთვის და რას ითვალისწინებს მთავრობის აგრორეფორმა? #ახალიამბები #BusinessMediaGeorgia

#ერთსულოვნება #საპარტრიარქო #ტელევიზია თბილისის სახელმწიფო უნივერსიტეტში ივანე ჯავახიშვილის 150 წლის იუბილეს ღონისძიებები მიეძღვნა

მთავრობა ელექტრომობილების ქარხნის პროექტს 7 წლის შემდეგ უბრუნდება - ეკონომიკის სამინისტროს სააგენტო „აწარმოე საქართველოში“ ქუთაისში ელექტრომობილების საწარმოს შექმნის ტექნიკურ-ეკონომიკური დასაბუთების კვლევას იწყებს. სახელმწიფო შესყიდვის სააგენტოს ვებგვერდის თანახმად, ხელშეკრულება სააგენტომ შპს „ბიდიო კონსალტინგთან“ გააფორმა. რატომ ვერ განხორციელდა ჯერ კიდევ 7 წლის წინ მასშტაბურად დაანონსებული პროექტი ქუთაისში, რომელიც კომპანია ჩანგანთან პარტნიორობით უნდა განხორციელებულიყო და დღეს რა პერსპექტივა აქვს პროექტს? #ახალიამბები #BusinessMediaGeorgia

ჩინეთის გლობალური დომინაცია ელექტრომობილების ბაზარზე შემთხვევით არ მომხდარა, ეს მკაცრად გათვლილი სტრატეგიის შედეგია. ნედლეულის კონტროლიდან უმსხვილეს მეგაქარხნებამდე: როგორ შეცვალა აზიურმა სახელმწიფომ გლობალური წარმოების წესები და რა უპირატესობებს სთავაზობს ის მსოფლიო ბრენდებს? #ახალიამბები #BusinessMediaGeorgia

ქართული ჩაი აღდგენას ცდილობს, თუმცა, შიდა ბაზარი კვლავ დისბალანსშია - ამის შესახებ ISET-ისა და FAO-ს სექტორული მიმოხილაში წერია, რომლის მიხედვითაც დაბალი პროდუქტიულობა, მზარდი ექსპორტი და სტრუქტურული გამოწვევები დარგის მთავარ გამოწვევებს შორის რჩება. 2024 წელს საქართველოში ჩაის ფოთლის წარმოებამ 2.6 ათასი ტონა შეადგინა, მაშინ როცა 2023 წელს ეს მაჩვენებელი 2.3 ათასი ტონა იყო. რეგიონულად წარმოება კონცენტრირებულია დასავლეთ საქართველოში: 2024 წელს ლიდერი იყო გურია, რომელსაც იმერეთი, აჭარა და სამეგრელო-ზემო სვანეთი მოჰყვება. მონაცემები ადასტურებს, რომ ქართული ჩაი კვლავ ძირითადად დასავლეთ საქართველოს კულტურად რჩება. ვაჭრობის მიმართულებით სურათი კვლავ დისბალანსურია. მიუხედავად იმისა, რომ ექსპორტი იზრდება და 2025 წელს თითქმის 1,800 ტონას მიაღწია, საქართველო მაინც წმინდა იმპორტიორად რჩება. იმპორტი მნიშვნელოვნად აღემატება ექსპორტს, რაც ნიშნავს, რომ ადგილობრივი წარმოება ჯერ ვერ აკმაყოფილებს შიდა ბაზრის მოთხოვნას და ქვეყანა კვლავ დიდწილად დამოკიდებულია უცხოურ, მათ შორის იაფ აზიურ ჩაისზე. კვლევის თანახმად, დარგის განვითარებაში მნიშვნელოვანი როლი აქვს სახელმწიფოს მხარდაჭერას, რომელიც 2016 წლიდან მოქმედებს. პროგრამა „ქართული ჩაი“ მიზნად ისახავს მიტოვებული პლანტაციების რეაბილიტაციას და ადგილობრივი წარმოების გაზრდას. ამ პროგრამის ქვეშ ამ დროისთვის რეაბილიტირებულია ათას ჰექტარზე მეტი პლანტაცია, თუმცა ეს მოცულობა ისტორიულ მასშტაბებთან შედარებით ჯერ კიდევ მცირეა. გამოწვევაა დაბალი პროდუქტიულობა, მოძველებული ტექნოლოგიები, სუსტი გადამამუშავებელი ბაზა და ბრენდინგის ნაკლებობა. ამას ემატება იაფი იმპორტირებული ჩაის ძლიერი კონკურენცია. საბოლოოდ, ISET-ისა და FAO-ს სექტორული მიმოხილა ამბობს, რომ ქართული ჩაი მცირე მასშტაბის, ნიშური სექტორია, რომელსაც აქვს პოტენციალი, თუმცა ამ პოტენციალის სრულად რეალიზებისთვის საჭიროა ხარისხზე ორიენტაცია, თანამედროვე ტექნოლოგიების დანერგვა და საექსპორტო ბაზრების გაფართოება. სტუმარი: თენგიზ სვანიძე - საქართველოს ჩაის მწარმოებელთა ასოციაციის პრეზიდენტი #ახალიამბები #BusinessMediaGeorgia

დედამიწის დღეს "კოკა-კოლა ბოთლერს ჯორჯიასა“ და საქართველოს მწვანეთა მოძრაობა/დედამიწის მეგობრები - საქართველოს ორგანიზებით მდინარე ჭოროხის დელტაზე მასშტაბური დასუფთავების აქცია გაიმართა, რომლის მიზანიც მდინარე ჭოროხის დელტას გაწმენდაა პლასტიკისა და სხვა ფრაქციის ნარჩენებისგან. კომპანია „კოკა-კოლა ბოთლერს ჯორჯია“ გრძელვადიანი პროექტის დანერგვას გეგმავს, რომელიც ამ პროცესში პლასტიკის ნარჩენების სეპარირებულ შეგროვებასა და მათ გადამუშავებას გულისხმობს. კომპანიის სტრატეგია სისტემურ მიდგომას ეფუძნება, რომელიც სახელმწიფოს, მწარმოებელსა და საზოგადოებას აერთიანებს; იმისათვის რომ ნარჩენების მართვა ეფექტური, მდგრადი, ეკონომიკურად სასარგებლო და მომგებიანი გახდეს. #ახალიამბები #BusinessMediaGeorgia

#ერთსულოვნება #საპარტრიარქო #ტელევიზია იღუმენი ნაზარი (ბასილაია) - სრულიად საქართველოს კათოლიკოს-პატრიარქის ლოცვა-კურთხევით დაფუძნებული წმინდა ნაზარი ლეჟავას სახელობის საქველმოქმედო ფონდის შესახებ

#ერთსულოვნება #საპარტრიარქო #ტელევიზია მაცხოვრის ბრწყინვალე აღდგომის შესახებ სტუმარი: წმინდა ალექსანდრე ნეველის სახელობის ტაძრის წინამძღვარი, დეკანოზი ბიძინა გუნია

#ერთსულოვნება #საპარტრიარქო #ტელევიზია მაცხოვრის ბრწყინვალე აღდგომის დღესასწაულის შემდგომი პერიოდის შესახებ ნაძალადევში მდებარე ივერიის ყოვლადწმინდა ღვთისმშობლის ხატის სახელობის ტაძრის მღვდელმსახური, დეკანოზი ირაკლი კენკებაშვილი

#ერთსულოვნება #საპარტრიარქო #ტელევიზია ელენე ახვლედიანის სახელობის ბავშვთა სურათების გალერეაში გამოფენა მოეწყო

#ერთსულოვნება #საპარტრიარქო #ტელევიზია აღდგომის სიხარულისა და მისი შემდგომი საფეხურების შესახებ სტუმარი: ვარკეთილში მდებარე წმინდა გიორგის სახელობის ტაძრის მღვდელმსახური, დეკანოზი დავით წულეისკირი

„ვაჭრობის ფინანსირების გაციფრულება რეგიონული განვითარებისთვის: საფუძვლები, ფინანსირება, დანერგვა“ - ამ სახელწოდებით კვირის მიწურულს თბილისმა მასშტაბურ რეგიონულ კონფერენციას უმასპინძლა. EBRD-ის, ADB-ის, ICC Georgia-სა და საქართველოს ბანკის ინიციატივითა და მხარდაჭერით გამართულ ორდღიან ღონისძიებაზე, ფინანსური სექტორისა და ბიზნესის ლიდერებმა სავაჭრო პროცესების დიგიტალიზაციასა და თანამედროვე ფინანსურ ინსტრუმენტებზე იმსჯელეს. რა ახალ შესაძლებლობებს უხსნის შუა დერეფნის ტრანსფორმაცია რეგიონულ ეკონომიკას და რატომ არის სასიცოცხლოდ მნიშვნელოვანი სავაჭრო პროცესების გაციფრულება? #ახალიამბები #BusinessMediaGeorgia