„ნოვა“ საქართველოში 2006 წლიდან ოპერირებს და დღეისთვის ერთ-ერთი წამყვანი კომპანიაა სამშენებლო და სარემონტო მასალების ბაზარზე. კომპანიის ფილიალები საქართველოს 9 ქალაქშია წარმოდგენილი და ქვეყნის მასშტაბით 1000-ზე მეტ თანამშრომელს ასაქმებს. „ნოვამ“ გასულ კვირაში 50 მილიონი ლარის 5-წლიანი სადებიუტო ობლიგაციები გამოუშვა. განთავსების ექსკლუზიური აგენტი თიბისი კაპიტალია. ტრანზაქცია 80 მილიონი ლარის ობლიგაციების პროგრამის პირველი ტრანშის ფარგლებში განხორციელდა. ობლიგაციების შეთავაზების პერიოდში კუპონის დიაპაზონი TIBR 6M + 3.00% - 3.50%-ს შეადგენდა, თუმცა მაღალი ინტერესის შედეგად, საბოლოო განაკვეთი TIBR 6M +3.25%-ით განისაზღვრა, რაც ყველაზე დაბალი სპრედია B+ საკრედიტო რეიტინგის მქონე არასაფინანსო ემიტენტების საჯარო ობლიგაციებს შორის. ფასიანი ქაღალდების ინვესტორები სრულად ინსტიტუციური ინვესტორები არიან, მათ შორის არის საერთაშორისო ფინანსური ინსტიტუტი (IFI) - ევროპის რეკონსტრუქციისა და განვითარების ბანკი(EBRD), რომელიც ემისიის სტრატეგიულ ინვესტორს წარმოადგენს. მოზიდულ სახსრებს კომპანია საბანკო სესხების რეფინანსირებისთვის, კაპიტალური დანახარჯებისა და სამუშაო კაპიტალის დაფინანსებისთვის გამოიყენებს. სადებიუტო ობლიგაციების ემისიის ფარგლებში “ნოვამ” Scope Ratings-ისგან საკრედიტო რეიტინგიც მოიპოვა: B+, სტაბილური პერსპექტივით. რეიტინგის მიღების პროცესის მრჩეველი თიბისი კაპიტალი იყო. მინდა წარმატებები ვუსურვო კომპანია NOVA-ს რომელიც ჩვენს თვალწინ იზრდება და ქვეყნის აწ უკვე კაპიტალის ბაზრის მნიშვნელოვან მოთამაშედ იქცა: გარდა ობლიგაციების სადებიუტო გამოშვებისა საკმაოდ წარმატებული მოთხოვნით და სპრედით, 2025 წელს კომპანიამ მნიშვნელოვანი სტურქუტურული რეიორგანიზაცია მოხდინა, დირექტორთა საბჭოში ახალი წევრების, მათ შორის დამოუკიდებელი წევრების მოწვევით. კომპანიის მენეჯმენტში გამოჩნდენ ახალი თაობის მენეჯერები, ფინანსისტები და ეკონომისტები, რომელთაც ზვიად აბულაძესთან და ედიშერ ხიმშიაშვილთან ერთად საკმაოდ მნიშვნელოვანი და ამბიციური ამოცანების შესრულება მოუწევთ. ამ დროისთვის, ნოვამ უკვე აამოქედა ახალი საწარმო ქუთაისში და გაზაფხულისთვის, აპრილში ამოქმედდება წარმ #ახალიამბები #BusinessMediaGeorgia

ავტოინდუსტრიის ლიდერმა კომპანიამ „თეგეტა ჰოლდინგმა“ ლარში დენომინირებული, მდგრადობასთან დაკავშირებული ობლიგაციები (SLB) წარმატებით განათავსა. ემისიის მოცულობა 260 მილიონი ლარია. საქართველოს კაპიტალის ბაზარზე ეს ეროვნულ ვალუტაში გამოშვებული SLB ობლიგაციების პირველი შემთხვევა და ერთ-ერთი უმსხვილესი გარიგებაა. ფასიანი ქაღალდების საპროცენტო განაკვეთი TIBR 6m + 3%-ით განისაზღვრა.ობლიგაციების ძირი თანხის 50% 3 წელიწადში დაიფარება, მეორე ნაწილი კი - 5-ში. ინვესტორები სარგებელს ნახევარწლიურად მიიღებენ. მდგრადობასთან დაკავშირებული ბონდების მთავარი ინვესტორი აზიის განვითარების ბანკია (ADB). ინვესტორთა ბაზა დივერსიფიცირებულია - მდგრადობასთან დაკავშირებული ობლიგაციების ნაწილი ადგილობრივმა ფინანსურმა ინსტიტუტებმაც შეიძინეს.ემისიის შედეგად მოზიდული ფინანსური რესურსი მთლიანად მდგრადი განვითარების მიზნებს მოხმარდება. #ახალიამბები #BusinessMediaGeorgia

"თიბისი კაპიტალის" ქართული ღვინის სექტორის მიმოხილვის თანახმად, ადგილობრივ ბაზარზე გაყიდული ღვინის უდიდესი რაოდენობა 30 ლარამდე კატეგორიაშია. უფრო მაღალი საფასო სეგმენტიდან 2025 წელს მხოლოდ 3% გაიყიდა, მაგრამ აღსანიშნავია ისიც, რომ შედარებით მაღალი საფასო კატეგორიის ღვინოების გაყიდვები ზომიერი ტემპით იზრდება - განსაკუთრებით 71–120 ლარის დიაპაზონში. ღვინის ადგილობრივი ბაზრის შესასწავლად, კვლევის ფარგლებში 16 ღვინის კომპანია გამოიკითხა, რომლებიც საერთო ბაზრის ბრუნვის დაახლოებით ნახევარს მოიცავს. მათ ჯამურ მონაცემებზე დაყრდნობით 2024 წელს შიდა ბაზარზე ღვინის რეალიზაცია დაახლოებით 7.3 მილიონ ბოთლს გაუტოლდა. გაყიდვების ძირითადი არხები სუპერმარკეტებია, რასაც HoReCa სექტორი მოჰყვება. ადგილობრივ ბაზარზე ღვინისა საშუალო ფასები ყველა კატეგორიაში სტაბილურად იზრდება და 2025 წელს ყველაზე მაღალ ნიშნულს მიაღწიეს. ყველაზე სწრაფად მზარდი კი წითელი ღვინის ფასია. მიმოხილვის მიხედვით, საპირისპიროდ, ცქრიალა ღვინის სეგმენტში 2024 წლიდან საშუალო ფასების შემცირება ფიქსირდება და 2025 წელს ყველაზე დაბალ ნიშნულს, 7.1 ლარს მიაღწია. ეს კი კონკურენციის გაძლიერებასა და პრემიუმ სეგმენტის სუსტ განვითარებაზე მიუთითებს. სტუმარი: ალექსანდრე მარგველაშვილი - "თბილღვინოს" მარკეტინგის მიმართულების ხელმძღვანელი; #ახალიამბები #BusinessMediaGeorgia

2025 წლის ნოემბერში თბილისის უძრავი ქონების ბაზარზე 3 627 ბინა გაიყიდა, რაც 2024 წლის იგივე თვესთან შედარებით, 2%-ით ზრდაა - ამის შესახებ TBC Capital-ის საცხოვრებელი უძრავი ქონების კვლევის ბოლო პუბლიკაციაში ვკითხულობთ, რომლის თანახმადაც 11 თვის განმავლობაში ჯამურად გაყიდული ბინების რაოდენობა წლიურ ჭრილში 3%-იან ზრდას აჩვენებს. გასულ თვეში გასაყიდი ფასი კვადრატულ მეტრზე $1 341-ს გაუტოლდა და წლიურ ჭრილში 4%-ით გაიზარდა, ხოლო წინა თვესთან შედარებით -0.4%-ით შემცირდა. 2025 წლის ნოემბერში, ახალი გაყიდული ბინების რაოდენობა წლიურად 35%-ით შემცირდა და 553-ს გაუტოლდა. ძველი გაყიდული ბინების რაოდენობამ 3 074 შეადგინა, რაც წლიურად 13%-იანი ზრდაა. ტრადიციულად ყველაზე მეტი 949 ტრანზაქცია დიდ დიღომში დაფიქსირდა. თუმცა გაყიდული ბინების რაოდენობის მიხედვით სამგორში ყველაზე მაღალი წლიური ზრდა დაფიქსირდა, რომელსაც მოჰყვებოდა კრწანისი (42%, წ/წ). ყველაზე პატარა წლიური ზრდა კი ჩუღურეთში ფიქსირდება. სტუმარი: სალომე დეისაძე -“თიბისი კაპიტალის" უფროსი ასოცირებული მკვლევარი; #უძრავიქონებისპროსპექტი თათია ჩაფიჩაძე & გუგა კობახიძესთან ერთად