სტრასბურგის სასამართლომ დაიწყო საქართველოს უცხოეთის აგენტების რეგისტრაციის აქტის – FARA-ს – არსებითი განხილვა და სახელმწიფოს კითხვები გამოუგზავნა. ქართული „FARA“ ერთ-ერთია იმ კანონებს შორის, რომლის გაუქმების რეკომენდაციაც გასცა ეუთოს „მოსკოვის მექანიზმის“ ფარგლებში მომზადებულმა ანგარიშმა. ანგარიშის მიხედვით, „უცხოური გავლენის გამჭვირვალობის“, FARA-სა და უცხოურ გრანტებთან დაკავშირებული კანონები „უნდა გაუქმდეს ან, სულ მცირე, შეიცვალოს ვენეციის კომისიის რეკომენდაციების შესაბამისად“. სტუმარი: ლევან ნატროშვილი - ISFED-ის აღმასრულებელი დირექტორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia

რელიგია საუკუნეების განმავლობაში არა მხოლოდ სულიერი ცხოვრების, არამედ პოლიტიკის, კულტურისა და გლობალური პროცესების ერთ-ერთი ყველაზე ძლიერი განმსაზღვრელი ძალა იყო. 2026 წელსაც, მსოფლიოს სხვადასხვა კუთხეში, არსებობენ პიროვნებები, რომელთა სიტყვა მილიონებისთვის კანონზე არანაკლებ მნიშვნელობას ატარებს. თითოეულ რელიგიურ მიმდინარეობას საკუთარი სულიერი მამა ჰყავს, რომელიც მსოფლიო მშვიდობისა და კეთილდღეობისთვის იბრძვის. ვინ არიან ეს ადამიანები? როგორ ახერხებენ ისინი მილიონობით ადამიანის აზრის ფორმირებას და რა გავლენას ახდენენ თანამედროვე სამყაროზე? #ახალიამბები #BusinessMediaGeorgia

პარლამენტში ინიცირებული „ვაზისა და ღვინის შესახებ“ ახალი კანონპროექტი დარგში სრულიად ახალ და საკმაოდ ხისტ თამაშის წესებს ამკვიდრებს. „საერთაშორისო გამჭვირვალობა - საქართველოს“ შეფასებით, ეს დოკუმენტი კორუფციული რისკების ზრდასა და მცირე მარნების მიზანმიმართულ შევიწროებას გამოიწვევს. კანონპროექტის ყველაზე რადიკალური ცვლილება სამეწარმეო ვენახის გაშენებაზე სავალდებულო თანხმობის შემოღებას უკავშირდება. თუ აქამდე კომერციული მიზნით ვაზის გაშენება თავისუფალი იყო, ახალი რედაქციით მეწარმეს სააგენტოს წინასწარი ნებართვა დასჭირდება. პრობლემა ისაა, რომ კანონი არ ადგენს ნებართვის გაცემის კრიტერიუმებსა და გასაჩივრების მექანიზმებს ყველაფერი სოფლის მეურნეობის მინისტრის ერთპიროვნულ ბრძანებას დაექვემდებარება. კიდევ ერთი დარტყმა მცირე მარნებს ადგება: დღემდე, ის, ვინც 1,500 ლიტრზე ნაკლებ ღვინოს აწარმოებდა, რთული ბიუროკრატიისგან თავისუფალი იყო. ახლა კი ეს ვალდებულება უმცირეს საოჯახო მეურნეობებზეც გავრცელდება, რაც მათ მსხვილ ქარხნებთან კონკურენციას გაურთულებს.. რა მიზანს ემსახურება სინამდვილეში ეს რეგულაციები და აყენებს თუ არა სახელმწიფო დარტყმას იმ მცირე მარნებს, რომლებმაც ქართულ ღვინოს საერთაშორისო რეპუტაცია მოუტანეს? სტუმარი: ქეთი ჯურხაძე - ღვინის საერთაშორისო ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia

საქართველოში სამშენებლო პროექტების დაზღვევის არარსებობა უძრავი ქონების ბაზარზე სერიოზულ რისკს ქმნის. ბინის შეძენა ხშირად ცხოვრების ყველაზე დიდი ფინანსური გადაწყვეტილებაა, თუმცა თუ მშენებლობა შეჩერდება ან დეველოპერი ვალდებულებებს ვერ შეასრულებს, მყიდველი შეიძლება დარჩეს როგორც ბინის, ისე გადახდილი თანხის გარეშე. მიუხედავად იმისა, რომ კანონი მას თანხის დაბრუნების და ზიანის ანაზღაურების უფლებებს აძლევს, პრაქტიკაში ეს ხშირად ვერ ხორციელდება, განსაკუთრებით კი მაშინ თუკი კომპანიას ფინანსური პრობლემები ექმნება. როგორ მუშაობენ საქართველოში და რას ამბობს საერთაშორისო პრაქტიკა?

26 მარტი: ტრიუმფიდან პოლარიზაციამდე; ზუსტად 2 წელი გავიდა დღიდან, როცა საქართველომ ისტორია დაწერა. ევროპის ჩემპიონატის საგზური და ერის უპრეცედენტო ერთიანობა — მაშინ დავიჯერეთ, რომ შეუძლებელი არაფერია. თუმცა, სპორტულ ეიფორიას პოლიტიკური შოკები მოჰყვა. „რუსული კანონი“, არჩევნები და საზოგადოების მწვავე გახლეჩა. ტრიბუნებზე გვერდიგვერდ მდგომი ადამიანები ბარიკადების სხვადასხვა მხარეს აღმოჩნდნენ. როგორც მოედანზე, ისე ეკონომიკაში: შინაგანად დაპირისპირებული გუნდი ვერ იგებს. 26 მარტი გვახსენებს, რომ მხოლოდ საერთო მიზნის გარშემო კონსოლიდაციას მოაქვს ისტორიული შედეგი. ერთიანობა გამარჯვებისთვის — სტადიონზეც და ბიზნესშიც. #26მარტი #ისტორია #ევრო2024 #საქართველო #ეკონომიკა #ბიზნესი

თემა ეხება ამბავს და მათ, ვისთვისაც მნიშვნელოვანია მათ შორის ქართული ეკონომიკის ერთგვარი იდენტობაც: საქართველოში სამეწარმეო მიზნით ვენახის გაშენებაზე ნებართვის აღება სავალდებულო ხდება, რაც ღვინის ეროვნულ სააგენტოს ბაზარზე დაშვების ახალ ბერკეტს აძლევს. მიუხედავად იმისა, რომ ხელისუფლება ცვლილებას ხარისხის კონტროლით ხსნის, ექსპერტები გაუმჭვირვალე კრიტერიუმებსა და კორუფციული რისკებზე ამახვილებენ ყურადღებას. პარალელურად, დარგი ექსპორტის კლებასა და ყურძენზე დაბალი ფასების პრობლემას ებრძვის. რა იცვლება ახალი კანონით და როგორ უნდა მიიღოთ ნებართვა ვენახის გაშენებაზე. #ახალიამბები #BusinessMediaGeorgia

„ვაზისა და ღვინის შესახებ“კანონის ახალი ცვლილებები კორუფციის რისკებს ზრდის - ასე აფასებს საერთაშორისო გამჭვირვალობა საქართველო საკანონმდებლო ცვლილებებს, რომელსაც სექტორში თამაშის ახალი წესები შემოაქვს. არასამთავრობო ორგანიზაცია მიუთითებს, რომ კანონპროექტი მნიშვნელოვნად ზრდის ღვინის ეროვნული სააგენტოს ძალაუფლებას, რომელსაც უკვე არა მხოლოდ მაკონტროლებლის ფუნქცია ექნება, არამედ ბაზარზე დაშვების მარეგულირებელიც ხდება. ცვლილებების მიხედვით, ღვინის მწარმოებლებს სამეწარმეო ვენახის გაშენებისთვის ნებართვის მიღება დასჭირდებათ, რაც TI-ის შეფასებით კორუფციის მაღალი რისკის მატარებელია. ამასთან, იზრდება მცირე მარნების ვალდებულება და მათაც, ტექნოლოგიური პროცესების აღრიცხვა უნდა აწარმოონ. კიდევ ერთი ცვლილებით, ადგილწარმოშობის დასახელების ღვინის წარმოებისთვის ყურძნის 100% მკაცრად უნდა მოდიოდეს კონკრეტული ადგილწარმოშობის ზონიდან, რა კორუფციული რისკები შეიძლება ახლდეს ახალ საკანონმდებლო ჩარჩოს? სტუმარი: გიგი ჩიხლაძე - საერთაშორისო გამჭვირვალობა - საქართველოს" მთავარი იურისტი #ახალიამბები #BusinessMediaGeorgia

2026 წლის 1 მარტიდან საქართველომ შრომითი მიგრაციის მართვის ახალ ეტაპზე გადაინაცვლა, რაც „შრომითი მიგრაციის შესახებ“ კანონის საფუძველზე მიღებულმა სამთავრობო დადგენილებამ განაპირობა. ეს ცვლილება არ წარმოადგენს მხოლოდ ტექნიკურ შესწორებას; ის არის ფუნდამენტური მცდელობა, რომ ქვეყანაში უცხოელი სპეციალისტებისა და თვითდასაქმებული პირების საქმიანობა მოექცეს მკაფიო, პროგნოზირებად და საერთაშორისო სტანდარტებთან თავსებად სამართლებრივ ჩარჩოში. სახელმწიფო ადგენს კონკრეტულ წესებს შრომითი საქმიანობის უფლების მოსაპოვებლად, რაც გულისხმობს ადმინისტრაციული ვადების, მონიტორინგის მექანიზმებისა და პასუხისმგებლობების მკაცრ განსაზღვრას. სწორედ ეს სტრუქტურირებული მიდგომა აჩენს ლოგიკურ კითხვას ბიზნესის მხრიდან რეაგირების შესახებ: აღიქმება თუ არა ეს რეფორმა დამატებით ბიუროკრატიულ ბარიერად, თუ პირიქით, ის არის შესაძლებლობა შიდა კორპორაციული პროცესების დასახვეწად. რეალობა იმაზე კომპლექსურია, ვიდრე ერთი შეხედვით ჩანს, რადგან ნებისმიერი ახალი რეგულაცია თავდაპირველად გარკვეულ ადმინისტრაციულ დატვირთვასა და რესურსების მობილიზებას მოითხოვს. რა იცვლება კანონში და როგორია ბიზნესისთვის რეკომენდაციები? სტუმარი: სოფიო დუღაშვილი - „რუსთავი აზოტი ინდორამას“ იურიდიული მიმართულების ხელმძღვანელი. #ქალებისნარატივი მარიამ იზორიასთან ერთად #ახალიამბები #BusinessMediaGeorgia

შუა დერეფნის მიმზიდველობის გაზრდა არა მხოლოდ ინფრასტრუქტურული პროექტებით, არამედ სატრანსპორტო დარგების ინსტიტუციონალური რეფორმების დაჩქარებული ტემპებით განხორციელებითაც შესაძლებელია - ამის შესახებ სატრანსპორტო დერეფნის კვლევის ცენტრის მიერ მომზადებულ ანალიტიკაშია საუბარი. დღეს სისტემას ფაქტობრივად ერთი კომპანია – საქართველოს რკინიგზა აკონტროლებს, რომელიც ერთდროულად მართავს როგორც ინფრასტრუქტურას, ასევე სატვირთო გადაზიდვებს, - ეს მონოპოლიური მოდელი კი მათი შეფასებით, კონკურენციის განვითარებას ზღუდავს. თემატურ ანალიტიკაში განხილულია საერთაშორისო პრაქტიკაში არსებული ორი ძირითადი მოდელი:1) ევროპული –როცა ინფრასტრუქტურა სახელმწიფოს საკუთრებაში რჩება, ხოლო გადაზიდვები კონკურენტულ ბაზარზე ხდება. და 2) ამერიკული – როცა ინფრასტრუქტურაც და გადაზიდვებიც კერძო სექტორის ხელშია. საქართველოს ტიპის ეკონომიკისთვის ცენტრი უფრო მიზანშეწონილად ევროპულ მოდელს განხილავს, რომელიც უკვე დანერგილია აღმოსავლეთ ევროპის მრავალ ქვეყანაში და მიზნად ისახავს კერძო ოპერატორებისთვის ქსელზე თანაბარი დაშვების უზრუნველყოფას და სექტორში კონკურენტული გარემოს შექმნას. 2025–2027 წლები განიხილება როგორც მოსამზადებელი ეტაპი. ამ პერიოდში უნდა განისაზღვროს ქსელით სარგებლობის ტარიფების მეთოდოლოგია, შეიცვალოს კანონმდებლობა და შეიქმნას კერძო ინვესტიციების მოზიდვის მექანიზმები. რეფორმის შემდგომ ეტაპზე კი, როდესაც ინფრასტრუქტურისა და გადაზიდვების სეგმენტები გაიყოფა, შესაძლოა გარკვეული აქტივების ნაწილის საერთაშორისო ბირჟებზე განთავსება ან კერძო ოპერატორებისთვის მართვაში გადაცემა. სტუმრები: პაატა ცაგარეიშვილი - სატრანსპორტო დერეფნის კვლევის ცენტრის დირექტორი; ლევან ლომსაძე - სატრანსპორტო დერეფნის კვლევის ცენტრის რკინიგზის მიმართულების ექსპერტი; #ახალიამბები #BusinessMediaGeorgia

საქართველოში უძრავი ქონების საინვესტიციო ფონდების რეგულირების ჩარჩო შეიქმნება. შესაბამის კანონმდებლობაზე ეროვნული ბანკი და ეკონომიკის სამინისტრო მუშაობენ და შესაბამისი საკანონმდებლო განხილვების დაწყება პარლამენტში მიმდინარე წელს იგეგმება. როგორც ეროვნულ ბანკში განმარტავენ, ქვეყანაში მსგავსი საინვესტიციო ფონდების გაჩენა ერთი მხრივ ხელს შეუწყობს კაპიტალის ბაზრის განვითარებას, მეორე მხრივ, კი გაზრდის უძრავ ქონებაში ინვესტირების შესაძლებლობებს. ინიციატივას დადებითად აფასებენ როგორც საინვესტიციო ფონდების, ასე თავად უძრავი ქონების დარგის წარმომადგენლები. #ახალიამბები #BusinessMediaGeorgia

საქართველოში უძრავი ქონების საინვესტიციო ფონდების რეგულირების ჩარჩო შეიქმნება. შესაბამის კანონმდებლობაზე ეროვნული ბანკი და ეკონომიკის სამინისტრო მუშაობენ და საკანონმდებლო განხილვების დაწყება პარლამენტში მიმდინარე წელს იგეგმება. როგორც ეროვნულ ბანკში განმარტავენ, ქვეყანაში მსგავსი საინვესტიციო ფონდების გაჩენა ერთი მხრივ ხელს შეუწყობს კაპიტალის ბაზრის განვითარებას, მეორე მხრივ, კი გაზრდის უძრავ ქონებაში ინვესტირების შესაძლებლობებს. ინიციატივას დადებითად აფასებენ როგორც საინვესტიციო ფონდების, ასე თავად უძრავი ქონების დარგის წარმომადგენლები. რას მოიცავს უძრავი ქონების საინვესტიციო ფონდები და რა პერსპექტივაა საქართველოში ამ მიმართულებით? #ახალიამბები #BusinessMediaGeorgia

ავტოიმპორტიორები მთავრობას ავტომობილებზე აქციზის ტარიფის ზრდასთან დაკავშირებით პეტიციით მიმართავენ. ავტოიმპორტიორთა ასოციაციამ მთავრობის ადმინისტრაციაში ხელმოწერები შეიტანა. სექტორს 3 ძირითადი მოთხოვნა აქვს - გადაიხედოს 6-წლიანი ასაკობრივი ზღვარი და გაიზარდოს 10 წლამდე, 10 წლამდე ასაკის ავტომობილებისთვის აქციზის გადასახადი განისაზღვროს 1.5 ლარის ოდენობით ძრავის კუბურ სანტიმეტრზე, ხოლო 10 წელზე მეტი ასაკის ავტომობილებისთვის - 4.5 ლარი. ასევე შეიქმნას სამუშაო ჯგუფი, სადაც სექტორის წარმომადგენლებს ექნებათ შესაძლებლობა არგუმენტირებული დიალოგის წარმართვის. აღსანიშნავია, რომ როგორც პარლამენტში ინიცირებული კანონპროექტიდან ირკვევა, 6 წლამდე ავტომობილების განბაჟებაც ძვირდება, განბაჟების საფასური 0-დან 6 წლამდე ავტომობილებისთვის კუბურ სანტიმეტრზე 1.5 ლარით განისაზღვრება, როდესაც დღეს მოქმედი საფასური მაგალითად, 3 წლის ავტომობილებისთვის - 1.4 ლარია, 4 წლის ავტომობილებისთვის 1.2 ლარი, 5 წლის ავტომობილებისთვის 1 ლარი, ხოლო 6 წლის ავტომობილისთვის 80 თეთრია. 6 წელზე ძველ ავტომობილზე კი როგორც ცნობილია, აქციზი თითქმის 6-ჯერ იზრდება და 4.5 ლარი გახდება. რა ითხოვს სექტორი ავტომობილებზე აქციზის ტარიფის ზრდასთან დაკავშირებით? სტუმარი: ალექსი ნონიაძე - ავტოიმპორტიორთა ასოციაციის ხელმძღვანელი #ახალიამბები #BusinessMediaGeorgia