კოლა ქვარიანი – პირველი ქართველი საერთაშორისო ფალავანი, ადამიანი, რომელიც განუმეორებელი ფიზიკური ძალის პატრონი იყო. ქუთაისში გაზრდილი და მილერის სისტემით ჩამოყალიბებული ქართველი ათლეტი XX საუკუნის დასაწყისში იქცა დიდების იმ სახედ, რომელმაც ევროპული და ამერიკული რინგები საკუთარი სახელით ააწყო. სტენლი კუბრიკის ფილმში მონაწილეობიდან დაწყებული, ტრაგიკული აღსასრულით დასრულებული გიყვებით კოლა ქვარიანის კარიერაზე. სიუჟეტის ბოლოს კი პატარა ჩანახატსაც გინახავთ აგრეთვე ფენომენალურ ქართველ მოჭიდავე ნესტორ ესებუაზე. #ახალიამბები #BusinessMediaGeorgia

20 დეკემბერს, კინოთეატრ „ამირანში“ რეჟისორ რეზო გიგინეიშვილის ახალი მხატვრული ფილმის „ლირიკა“ პრემიერა გაიმართა, რომლის პარტნიორია „კოკა-კოლა ბოთლერს ჯორჯია“ — ბრენდი, რომლისთვისაც კინოინდუსტრიის მხარდაჭერა და კულტურის სფეროს განვითარება სტრატეგიულ და გრძელვადიან პრიორიტეტს წარმოადგენს. ფილმი, რომელიც მაყურებლისთვის ხელმისაწვდომი 2 იანვრიდან გახდება, საახალწლო ქალაქურ თავგადასავალს გვთავაზობს და გვიყვება ისტორიას იმის შესახებ, რომ ნებისმიერი ადამიანისთვის მეორე შანსი ყოველთვის არსებობს. ეს არის ამბავი არჩევანზე, შინაგან გარდატეხაზე და საკუთარი თავის ხელახლა აღმოჩენის პროცესზე. რაც შეეხება მსახიობებს, ფილმში მთავარ როლს ოსკარზე ნომინირებული მსახიობი მიშა მესხი ასრულებს, რომელიც ათწლიანი პაუზის შემდეგ ეკრანებზე ბრუნდება. „ლირიკა“ ასევე აერთიანებს ქართული კინოს, მუსიკისა და სპორტის გამორჩეულ წარმომადგენლებს — მათ შორის არიან ილიკო სუხიშვილი, არჩილ და შოთა არველაძეები, დათო ევგენიძე და სხვა ცნობადი სახეები. #ახალიამბები #BusinessMediaGeorgia

#ერთსულოვნება #საპარტრიარქო #ტელევიზია რატომ უნდა ვიკითხოთ წმინდა წერილი? სტუმარი: ზღვის უბანში მდებარე ყოვლადწმინდა ღვთისმშობლის მიძინების სახელბის ტაძრის წინამძღვარი დეკანოზი დავით მექვაბიშვილი

უძრავი ქონების ბაზარი, ჰიდრო სექტორი, ტურიზმი, ციფრული აქტივები და მაინინგი - ეს ის ძირითადი მიმართულებებია, რაც სპარსეთის ყურის ქვეყნებსა და საქართველოს შორის საინტერესო საინვესტიციო მიმართულებებად სახელდება. თბილისი Global Investors Forum-ს მასპინძლობს, რომელიც მიზნად სპარსეთის ყურის თანამშრომლობის საბჭოს და ევრაზიას შორის თანამშრომლობის გაძლიერებას ისახავს. ორდღიანი ფორუმი პანელურ დისკუსიებს, საინვესტიციო პრეზენტაციებს და ბიზნეს-შეხვედრების სესიებს მოიცავს. რა საინვესტიციო შესაძლებლობებს ხედავენ ბიზნესები სპარსეთის ყურის ქვეყნებიდან და საქართველოდან და რა ერთობლივ პროექტებზე იგეგმება მუშაობა? #ახალიამბები #BusinessMediaGeorgia

კვლავ განათლების თემაზე უნდა ვისაუბროთ, რომელიც ბევრი კომპონენტის გათვალისწინებით აქტუალობას არ კარგავს. ერთ-ერთი მნიშვნელოვანი საკითხი კი სახელმწიფო უნივერსიტეტების ქონებას ეხება. განათლების მინისტრის მოადგილემ ზვიად გაბისონიამ განმარტა, რომ სახელმწიფო უნივერსიტეტების უძრავი ქონება სახელმწიფოს „ორსაფეხუროვანი საკუთრების უფლებით“ ეკუთვნის, რადგან ეს უნივერსიტეტები განათლების სამინისტროს დაქვემდებარებული საჯარო სამართლის იურიდიული პირები არიან. მისი თქმით, 2010 წლამდე ყველა სახელმწიფო უნივერსიტეტის ქონება სახელმწიფოს საკუთრებაში იყო და ისინი მხოლოდ უზუფრუქტის უფლებით სარგებლობდნენ. 2010 წლის შემდეგ კი რამდენიმე უნივერსიტეტმა ქონება საკუთარ სახელზე დაარეგისტრირა, თუმცა ეს მათ სტატუსს არ ცვლის და ისინი კვლავ სახელმწიფო საკუთრებაში რჩებიან. გაბისონია განმარტავს, რომ ამ საკითხთან დაკავშირებით გავრცელებული ინტერპრეტაციები 27-ე მუხლის მესამე პუნქტის დარღვევასთან მიმართებით მცდარია და სინამდვილეში აკადემიურ თავისუფლებაც და უნივერსიტეტების ავტონომიაც უზრუნველყოფილი და შენარჩუნებულია როგორც მან აღნიშნა, საუბარი მხოლოდ სახელმწიფო უნივერსიტეტებს ეხება და კერძო დაწესებულებების ავტონომიაზე კითხვა არ არსებობს. მისივე თქმით, ევროკავშირის და სტრასბურგის სასამართლოების პრაქტიკა ადასტურებს, რომ მსგავსი სამართლებრივი საკითხები სხვა ქვეყნებში შიდა სასამართლო გადაწყვეტილებებით განიმარტება. საჭიროების შემთხვევაში, სამინისტრო მზად არის დამატებითი კომენტარებისა და სამართლებრივი განმარტებებისთვის. სტუმარი: გიგი თევზაძე - ილიას სახელმწიფო უნივერსიტეტი, პროფესორი #ახალიამბები #BusinessMediaGeorgia

2 დეკემბერი არაბთა გაერთიანებული საამიროების დაარსების თარიღია. ჩვენს სიუჟეტში მოგიყვებით, როგორ გადაიქცა სპარსეთის ყურის სამხრეთ სანაპიროზე მდებარე „Trucial States“–ის სახელით ცნობილი სუსტი ტომობრივი გაერთიანებები თანამედროვე მსოფლიოში ერთ-ერთ ყველაზე მდიდარ და დინამიკურ სახელმწიფოდ. ნავთობის აღმოჩენამ, ბრიტანეთის რეგიონიდან გასვლამ და ადგილობრივი ლიდერების ფედერაციის შექმნის გადაწყვეტილებამ საფუძველი დაუდო არაბთა გაერთიანებული საამიროების იმ სწრაფ ტრანსფორმაციას, რომელმაც ქვეყანა რამდენიმე ათწლეულში ინოვაციის, ვაჭრობის, ლოჯისტიკისა და ტექნოლოგიების რეგიონულ ლიდერად ჩამოაყალიბა. #ახალიამბები #BusinessMediaGeorgia

ხელოვნური ინტელექტის ეპოქაში ციფრული მიმართულებით ტრანსფორმაცია გარდაუვალი ეტაპია ნებისმიერი ზომის კომპანიებისთვის და ეს პროცესი ფუნდამენტურად ცვლის ბიზნესის ოპერირებისა და მომხმარებლებისთვის ღირებულების მიწოდების გზებს. ციფრული ტრანსფორმაცია ბიზნესში კულტურული ცვლილებაა, რომელიც ორგანიზაციებში მნიშვნელოვან რესურსს მოითხოვს და სრულიად ახალ გარემოებებს აჩენს. საქმიანი დილას ამ ნაწილში კვლევაზე უნდა გავაგრძელოთ საუბარი, სახელით: ციფრული ტრანსფორმაციის შესახებ განწყობისა და საჭიროებების ანალიზი სამშენებლო სექტორში, რომლის მიზანიც სამშენებლო სფეროში მოღვაწე კომპანიების მიერ ციფრული ტექნოლოგიების გამოყენების მიმდინარე მდგომარეობის, საჭიროებების, განწყობებისა და მოლოდინების შესწავლაა იყო. რა შედეგზე გავიდა ეს კვლევა? სტუმრები: ნინო დავითაშვილი - კვლევითი და საკონსულტაციო კომპანია იქსფირიენსის დამფუძნებელი, მმართველი პარტნიორი; თორნიკე თოხაძე - ITAG (საქართველოს ინფორმაციული ტექნოლოგიების ასოციაციის) თავმჯდომარე და SKYHI აღმასრულებელი დირექტორი #ახალიამბები #BusinessMediaGeorgia

ქართულ კომერციულ საბანკო სექტორში კი ასეთი სიახლეა. ლიბერთი ბანკისა და კომპანია სოფტგენის სტრატეგიული პარტნიორობით, ასევე ალტე უნივერსიტეტის მასპინძლობითა და პარტნიორობით, თბილისში ICPC-ის -უმაღლეს საგანმანათლებლო დაწესებულებებს შორის პროგრამირების მსოფლიო ჩემპიონატის სამხრეთ კავკასიის ნახევარფინალი გაიმართა. ICPC ერთ-ერთი ყველაზე პრესტიჟული საერთაშორისო ტექნოლოგიური შეჯიბრებაა, რომელიც აერთიანებს მსოფლიოს საუკეთესო სტუდენტ პროგრამისტებს და აფასებს მათ ტექნიკურ ცოდნას, გუნდურ მუშაობას და არასტანდარტულ აზროვნებას მაღალი დატვირთვის პირობებში. გუშინ ICPC-ის ნახევარფინალი ერთდროულად ჩატარდა ოთხ ქალაქში - თბილისში, ალმათიში, სანქტ-პეტერბურგსა და ბარნაულში ჩატარდა. ოთხივე ლოკაციაზე ჯამურად მონაწილეობა 250-ზე მეტმა გუნდმა მიიღო, საიდანაც დაახლოებით 15 გუნდი მსოფლიო ფინალში გადავიდა. აღსანიშნავია, რომ თბილისში ჩატარებულ ნახევარფინალში გამარჯვებული საქართველოს სახელით მოასპარეზე თბილისის თავისუფალი უნივერსიტეტის გუნდი გახდა, რომელმაც დაძაბული კონკურენციის პირობებში მსოფლიო ფინალის საგზური მოიპოვა. #ახალიამბები #BusinessMediaGeorgia

#ერთსულოვნება #საპარტრიარქო #ტელევიზია საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ წმინდა სინოდის სახელით სრულიად საქართველოს კათოლიკოს-პატრიარქს აღსაყდრებიდან 48-ე წლისთავი მიულოცა

ვინს ზამპელა, ადამიანი, რომელმაც თანამედროვე ვიდეო თამაშების წესები შეცვალა, ახლახან 55 წლის ასაკში ავტოკატასტროფაში დაიღუპა. კაცი, რომლის სახელიც უკავშირდება Medal of Honor-ის აღზევებას, Call of Duty-ს დაბადებას და Titanfall-ისა და Apex Legends-ის ეპოქის დაწყებას. ის არ არის უბრალოდ თამაშების ავტორი — ის არის არქიტექტორი, რომელმაც ვიდეოთამაშები ჰოლივუდის მასშტაბის გამოცდილებად აქცია. Infinity Ward-იდან Respawn Entertainment-მდე, ზამპელას იდეებმა მილიონობით მოთამაშის გემოვნება და მთელი ინდუსტრიის მიმართულება განსაზღვრა. როგორ იქცა ერთი დეველოპერის ხედვა მილიარდიან ფრენჩაიზებად და რატომ ითვლება ვინს ზამპელა დღეს ვიდეოთამაშების ინდუსტრიის ნამდვილ ლეგენდად? #ახალიამბები #BusinessMediaGeorgia

WHO-მ გამოაქვეყნა პირველი მსოფლიო მასშტაბის სახელმძღვანელო რეკომენდაცია, სადაც უნაყოფობა საზოგადოებრივი ჯანდაცვის გამოწვევად აღიარა.

ახალი სასკოლო სახელმძღვანელოები, მობილური ტელეფონების შეზღუდვა, სასკოლო ფორმების სავალდებულო წესით დაბრუნება და წინასწარი რეგისტრაცია 12-ე კლასში სწავლის მსურველთათვის - ეს ის ძირითადი საკითხებია რასაც ზოგადი განათლების რეფორმის ეროვნული კონცეფცია ითვალისწინებს. განათლების სამინისტრომ კონცეფციის პრეზენტაცია დღეს გამართა. მინისტრის თქმით, სამინისტრო სრულ პასუხისმგებლობას იღებს იმაზე, რომ 11-წლიანი სწავლება საკმარისი იქნება სრულფასოვანი ზოგადი განათლებისთვის. კიდევ რა ცვლილებებია დაგეგმილი ზოგადი განათლების კონცეფციაში? #ახალიამბები #BusinessMediaGeorgia

სკოლებში მობილური ტელეფონების აკრძალვა, I-VI კლასებში სავალდებულო სასკოლო ფორმების დაბრუნება, „რეპეტიტორიუმი“ XI კლასში და არჩევითი XII კლასი, - „ქართული ოცნების“ მთავრობა სასკოლო რეფორმას აანონსებს. ერთ-ერთი ძირითადი ცვლილებებით, ყველა საჯარო სკოლაში შევა განათლების სამინისტროს დაწერილი სახელმძღვანელოები. ყველა სკოლასა და კლასებში სამინისტროს მომზადებულ ერთსა და იმავე სახელმძღვანელოებს გამოიყენებენ. რეფორმა ეფუძნება „ქართული ოცნების“ მიერ 2024 წელს მიღებულ "ზოგადი განათლების ეროვნულ მიზნებს". ამ დოკუმენტმა შეცვალა 2004 წელს მიღებული კონცეფცია, რომელიც, როგორც გივი მიქანაძემ განაცხადა, „გაჯერებული იყო ლიბერალური ღირებულებებით“ - რა ღირებულებებით ჩაანაცვლებს ქართული ოცნება ლიბერალიზმს ეს სხვა საკითხია და კითხვის დასმის შემთხვევაში ამაზე არც პასუხის პოვნა გაჭირდება. სტუმარი: მარიამ რამინაშვილი - განათლების ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia

საქართველოში სკოლები 11 წლიან სწავლებაზე 2027 წლიდან გადავლენ. განათლების სამინისტროში პირობად დებენ, რომ სრულფასოვანი ზოგადი განათლებისთვის 11-წლიანი სწავლება საკმარისი იქნება. ზოგადი განათლების ეროვნული კონცეფცია, რომელიც განათლების მინისტრმა წარადგინა, სახელმძღვანელოების ცვლილებასაც ითვალისწინებს. წარდგენილი პრეზენტაციის მიხედვით, ყველა სკოლა მომავალი წლიდან სასწავლო პროცესს ერთნაირი სახელმძღვანელოებით შეხვდება. #ახალიამბები #BusinessMediaGeorgia

რა ხდება ბიზნესში?- #ბიზნესისსიახლეები (www.bm.ge) 03.12.2025 11 თვეში ქართული ღვინის პოპულარიზაციის ღონისძიებები 20-ზე მეტ ქვეყანაში გაიმართა - სააგენტო; ნოემბერში სასტუმროებში განთავსება გაიაფდა; სასტუმროში დატვირთვა წინა წელთან შედარებით 40%-მდე გვაქვს შემცირებული - ლაშა ბერეკაშვილი; "სახელმძღვანელოების გამომცემლობის ბაზარი გაქრება" - “სულაკაურის გამომცემლობა”; #ახალიამბები #BusinessMediaGeorgia

მთავრობის მიერ დაანონსებული რეფორმები უმაღლეს განათლებაში შესაძლოა, უცხოელ სტუდენტებსაც შეეხოთ. პრემიერი კობახიძე მიიჩნევს, რომ ბიზნესი კერძო სექტორმა უნდა აკეთოს და უცხოელი სტუდენტებიც მათ უნდა მიიღონ. არადა არარეზიდენტ სტუდენტებს არა მხოლოდ განათლების სექტორში, ქვეყნის ეკონომიკაშიც მნიშვნელოვანი წვლილი შეაქვთ. რამდენი უცხოელი სტუდენტი სწავლობს ქვეყანაში? რამდენს დაკარგავენ სახელმწიფო უნივერსიტეტები და რეალურად რა მიზანი აქვს კობახიძის გაჟღერებულ ინიციატივას? #ახალიამბები #BusinessMediaGeorgia

გასულ პარასკევს მეღვინეობა ნიმბის პირველი ღვინის პრეზენტაცია და დეგუსტაცია შედგა. ღონისძიება დახურული ფორმატით ჩატარდა და განკუთვნილი მხოლოდ პროფესიონალთა ვიწრო წრისთვის იყო. სტუმრებმა პირველად დააგემოვნეს ნიმბის ორი ღვინო – რქაწითელი და საფერავი, რომლებიც ნიმბის ქარხანაში, კახეთის სოფელ ხაშმში მზადდება და რომელიც აგრეთვე წლიურად 500 000 ბოთლს აწარმოებს. გარემოს დაცვისა და სოფლის მეურნეობის მინისტრი დავით სონღულაშვილი იტალიის მეღვინეთა ასოციაციის პრეზიდენტს, მეღვინეთა საერთაშორისო ასოციაციის საპატიო პრეზიდენტს, ცნობილ იტალიელ ენოლოგს რიკარდო კოტარელას და ღვინის მწარმოებელი კომპანია „ნიმბის“ დამფუძნებლებს შეხვდა. შეხვედრაზე იტალიის ბაზარზე ქართული ღვინის ცნობადობისა და ექსპორტის ზრდის ხელშეწყობის საკითხებზე იმსჯელეს. ხაზგასმით აღინიშნა, რომ ქართულ ღვინოს უნდა ჰქონდეს ძლიერი პოზიცია, როგორც ხარისხიან პროდუქტს.აღსანიშნავია, რომ რიკარდო კოტარელა მეღვინეობის სექტორში 60 წელზე მეტია მუშაობს და ამჟამად, მეღვინეობა „ნიმბის“ მთავარი მეღვინეა. მეღვინეობა „ნიმბი“ ახალი ქართული ღვინის მწარმოებელი კომპანიაა, რომელიც ადგილობრივ და საერთაშორისო ბაზრებზე პრემიუმ ხარისხის პროდუქტით პოზიციონირებას უახლოეს მომავალში გეგმავს. თანამედროვე ტექნოლოგიებით აღჭურვილი საწარმო კახეთში, სოფელ ხაშმში მდებარეობს. Riccardo Cotarella ერთ-ერთი ყველაზე ცნობილი იტალიელი ღვინის ექსპერტი და მწარმოებელია, არის Cotarella & Chiasso-სა და Vivai Rauscedo-ს დამფუძნებელი, ასევე იტალიის სომელიეთა ასოციაციის ყოფილი პრეზიდენტი. როგორც Cotarella & Chiasso-ს გვერდზე ვკითხულობთ, ქართველ მეღვინეებთან თანამშრომლობით ახალ პროექტს აანონსებენ, რომელსაც სწორედ კოტარელა, ხელმძღვანელი Pier Paolo Chiasso და მათი მეღვინეთა გუნდი ჩაუდგება სათავეში ორ ქართველ მეწარმესთან, ბაჩო ბუღდიაშვილთან და ვატო ოთხმეზურთან ერთად. პროექტი ტერუარის ტიპურ ყურძენზე სხვადასხვა ექსპერიმენტების ჩატარებას მოიცავს. უმთავრესი ჯიშებია საფერავი და რქაწითელი, თუმცა იმუშავებენ მწვანეზე, ხიხვზე, ალექსანდრულზე, მუჯურეთულსა და ოჯალეშზე. პროექტი თბილისის სახელმწიფო უნივერსიტეტთან თანამშრომლობით განხორციელდება. სტუ #ახალიამბები #BusinessMediaGeorgia

თუ იურიდიული ფაკულტეტი დარჩება სახელმწიფო უნივერსიტეტებს შორის თბილისში, პირველკურსელების მიღება აღარ მოხდება სოხუმის უნივერსიტეტში, ილიაუნსა და ტექნიკურ უნივერსიტეტში - ქართული ოცნება განათლების რეფორმას იწყებს, რომლის კონცეფციაც დღეს მთავრობის სხდომაზე დაამტკიცეს. განათლების მინისტრი არსებულ სტუდენტებს ჰპირდება, რომ სწავლას იმ უნივერსიტეტებში დაასრულებენ სადაც დღეს სწავლობენ, თუმცა ერთი ქალაქი ერთი უნივერსიტეტის კონცეფციის თანახმად უმაღლეს სასწავლებლებს ჩამორთმეულ ფაკულტეტებზე ახალი სტუდენტების მიღება აღარ შეეძლებათ. დაანონსებულ რეფორმაში შესრული ცვლილებით, მომავალი წლიდან მეორე საფეხურის საგანმანათლებლო პროცესი 3+1 მოდელის ნაცვლად, 3+1+1 სისტემით წარიმართება. ფაკულტეტებზე კი ადგილების რაოდენობა ბაზრის კვლევების მიხედვით განისაზღვრება. რას მოიცავს რეფორმა და რა ცვლილებები ამოქმედდება მომავალი წლიდან? #ახალიამბები #BusinessMediaGeorgia

სოციალურად დაუცველთა დასაქმების სახელმწიფო პროგრამა მომავალ წელს სავარაუდოდ აღარ გაგრძელდება. ფინანსთა სამინისტროს მიერ პარლამენტში წარდგენილი 2026 წლის სახელმწიფო ბიუჯეტის საბოლოო პროექტის თანახმად, საზოგადოებრივ სამუშაოებზე დასაქმების ხელშეწყობის პროგრამის მომავალი წლის ბიუჯეტი 21.6 მლნ ლარი იქნება, მაშინ როდესაც ბიუჯეტის პროექტის პირველადი ვერსიით პროგრამის დაფინანსება 113 მლნ ლარს აჭარბებდა. სპეციალისტების ნაწილი ამბობს, რომ სოცდაუცველთა დასაქმების პროგრამას რეალური ეფექტი არ ჰქონია და მას მთავრობა უფრო მეტად პოლიტიკური მიზნებისთვის იყენებდა. ბიზნესი კი მიიჩნევს, რომ პროგრამის სტრუქტურა იმგვარად უნდა შეიცვალოს, რომ ბენეფიციარების კერძო სექტორში დასაქმებას მაქსიმალურად შეეწყოს ხელი. #ახალიამბები #BusinessMediaGeorgia

ორი საუნივერსიტეტო ქალაქის მშენებლობა, 3+1+1 განათლების სისტემა, და ერთი უნივერსიტეტი ერთი ქალაქის პრინციპი - უმაღლესი განათლების რეფორმის კონცეფციის ძირითადი საკითხები დღეს მთავრობის სხდომაზე დაამტკიცეს. კონცეფცია ჯამში 7 მიმართულებას მოიცავს და მთავრობის შეფასებით, განათლების დარგში არსებულ სხვადასხვა გამოწვევებს მომდევნო 3-4 წლის განმავლობაში აღმოფხვრის. როგორ აფასებენ რეფორმას სპეციალისტები და რა კონკრეტული ცვლილებებით შეხვდებიან სახელმწიფო უნივერსიტეტები მომავალ სასწავლო წელს. #ახალიამბები #BusinessMediaGeorgia