რეფერენტული საბითუმო ფასის დათვლის მეთოდოლოგიაში ცვლილებები შევიდა. დადგენილების თანახმად, მედიკამენტზე რეფერენტული ფასები ბაზარზე დაშვების ანუ რეგისტრაციის შემდეგ, კვარტალში ერთხელ დადგინდება და ფასების კატალოგში გამოქვეყნდება. იცვლება გარე რეფერენტული ფასწარმოქმნის მეთოდოლოგიაც. კერძოდ, თუ შესადარებელი პროდუქტი არცერთ რეფერენტულ ქვეყანაში არ იძებნება, მაშინ ჯანდაცვის სამინისტროს ამ მედიკამენტის საბითუმო ფასს დღგ-ს გარეშე სხვადასხვა ქვეყანაში იძიებს, მათ შორის, ევროპასა და სახელმწიფოს განსაზღვრულ ქვეყნებში, სადაც ეს პროდუქტია ხელმისაწვდომი. თუ სამ ქვეყანაში ვერ იქნა მოძიებული შესადარებელი პროდუქტის საბითუმო ფასი, მხედველობაში მიიღება ორი ან ერთი ქვეყნის ფასი, სადაც ეს პროდუქტი ხელმისაწვდომია. ფასების მოძიების პროცესში პრიორიტეტი იმ ქვეყნებს მიენიჭება, რომელსაც საქართველოსთვის განსაზღვრული რეფერენტული ქვეყნების თავად ირჩევენ რეფერენტულ ქვეყნებად. ამასთან, რეფერენტული საბითუმო ფასის დათვლის მეთოდოლოგიას ემატება ახალი პუნქტები, რომლის მიხედვითაც, მაღალი საზოგადოებრივი ან/და სახელმწიფოებრივი ინტერესის მქონე ფარმაცევტულ პროდუქტებზე საბითუმო რეფერენტული ფასი განისაზღვრება აღნიშნული პროდუქტის საიმპორტო ფასზე რეგრესული საბითუმო ფასნამატის დარიცხვით. რას გულისხმობს რეფერენტულ ფასწარმოქმნაში შესული ცვლილებები და როგორ აფასებს გადაწყვეტილებებს ბიზნესი სტუმარი: ილონა კოკიაშვილი - ფარმაცევტული კომპანიების ასოციაციის აღმასრულებელი დირექტორი #ახალიამბები #BusinessMediaGeorgia
საბურთალოს განვითარებას და მის დინამიკას კიდევ ერთი პროექტი ემატება. სახელწოდებით მოზაიკა, რომელიც ბიოგრაფი ლივინგის ახალი საცხოვრებელი კომპლექსი გახლავთ, ბიოგრაფის სხვა პროექტების მსგავსად გამორჩეულია თანამედროვე არქიტექტურით, პრემიუმ პარამეტრებით და სწორად შერჩეული ადგილმდებარეობით, სადაც ახალი, მაღალსტანდარტული ურბანული გარემო შეიქმნება. პროექტის წინასწარი გაყიდვები 17 დეკემბრიდან იწყება და ამ ეტაპზე კომპანიას უკვე აქვს გაწერილი პირობები, შეთავაზებები და კონცეფცია, რომელიც მოზაიკას კონკურენტულ უპირატესობებს განსაზღვრავს. სტუმარი: ვასილ ფხაკაძე - “ბიოგრაფი ლივინგი”, აღმასრულებელი დირექტორი #ახალიამბები #BusinessMediaGeorgia
ცოტა ხნით ნიუ იორკში უნდა გამოგზაუროთ, იქ, სადაც ყველაზე მეტად იგრძნობა შობაც და ახალი წელიც. ზუსტად 110 წლის წინ, დღევანდელ დღეს, 12 დეკემბერს ლეგენდარული ხმით და ნიჭით დაჯილდოებული ადამიანი დაიბადა. ვისთანაც ყველაზე მეტად ასოცირდება შობა და დიახ - ეს ფრენსის ალბერტ სინატრაა, თქვენთვის კარგად ნაცნობი ფრენკ სინატრა. მან საკუთარი თავით შექმნა ისეთი ბრენდი, რომელსაც საუკუნის შემდეგაც წლიური 20 მლნ დოლარის შემოსავალი აქვს და რომელსაც დეკემბრიდან იანვრის ბოლომდე, ანუ საახალწლო პერიოდში, ასობით მილიონი გამომწერი ემატება, რაც თავისთავად საბოლოოდ ფულში და შემოსავლებში ითარგმნება. როგორია ერთ-ერთი ყველაზე ცნობილი ხმის პატრონის - ფრენკ სინატრას ისტორია სცენიდან, საკუთარ ბიზნესამდე და შემდეგ უკვე პოლიტიკურ გავლენამდე? #ახალიამბები #BusinessMediaGeorgia
