საქართველო ებოლასთან გასამკლავებლად წინასწარ ზომებს იღებს. სამედიცინო ჯგუფი 13 პირს აკვირდება, მათ შორის ერთი საქარტველოს მოქალაქეა. ისინი ქვეყანაში აფრიკიდან შემოვიდნენ. დაახლოებით 20 დღეში გაირკვევა ემუქრება თუ არა საქართველოში მყოფ რომელიმე პირს ვირუსის საფრთხე.
ემუქრება თუ არა ებოლას საფრთხე საქართველოს? ვირუსზე ბოლო 21 დღის განმავლობაში უცხოეთიდან ჩამოსულ 13 პირს აკვირდებიან. დაავადებათა კონტროლის ცენტრის ინფორმაციით, ებოლას ვირუსთან დაკავშირებით საქართველოში სიტუაცია არ შეცვლილა. საქართველო ძალიან დაბალი რისკის ქვეყანაა. ინფექციის შემოტანის შემთხვევაში, სამედიცინო დაწესებულებები მზადყოფნაშია. დაავადებათა კონტროლის ცენტრის ინფორმაციით, ერთი თვის წინ საქართველოში შემოსულებიდან სულ დაკვირვების ქვეშ 57 ადამიანი იმყოფებოდა. მათი უმეტესობა ნიგერიიდან ჩამოსული სტუდენტები იყვნენ. ჯანდაცვის მსოფლიო ორგანიზაციის მონაცემებით, ებოლას ვირუსს ამ დრომდე 3860 ადამიანი ემსხვერპლა, უმრავლესობა დასავლეთ აფრიკაში გარდაიცვალა. დაღუპულთა შორის 200-ზე მეტი მედიკოსია.
ებოლას ვირუსზე საქართველოში უცხოეთიდან ჩამოსულ 13 პირს აკვირდებიან. ისინი საქართველოში ბოლო 21 დღის განმავლობაში შემოვიდნენ. რამდენად არის ქვეყანა მზად საშიშ ვირუსთან საბრძოლველად და რა ღონისძიებები ტარდება? – როგორც ჯანდაცვის სამინისტროში აცხადებენ, საქართველო მოქმედებს ჯანდაცვის მსოფლიო ორგანიზაციის გეგმის შესაბამისად და დასავლეთ ევროპის ქვეყნებიდან შემოსულ ყველა ვიზიტორს ამოწმებენ საზღარზე. ისინი არიან გამუდმებული მეთვალყურეობის ქვეშ, მათ უკავშირდებიან დაავადებათა კონტროლის და საზოგადოებრივი ჯანმრთელობის ეროვნული ცენტრის წარმომადგენლები და იგებენ მათი ჯანრთელობის შესახებ ინფორმაციას.
საპარლამენტო უმრავლესობის და უმცირესობის წევრები "ლუგარის" საზოგადოებრივი ჯანმრთელობის კვლევის ცენტრს სტუმრობენ. მათთვის ლექციას დაავადებათა კონტროლის და საზოგადოებრივი ჯანმრთელობის ეროვნული ცენტრის ხელმძღვანელი კითხულობს. ამირან გამყრელიძე სტუმრებს აცნობს რა სამუშაოებს აწარმოებს ლაბორატორია და რა შესაძლებლობები გააჩნია ქვეყანას, სხვადასხვა ვირუსსა და დაავადებებთან საბრძოლველად. ლექციის შემდეგ პარლამენტარები ლაბორატორიას დაათვალიერებენ.
თამბაქოს ინდუსტრია პროდუქციის გარე რეკლამირებას მომავალი წლიდან ვეღარ შეძლებს. ამას თამბაქოს კონტროლის სახელმწიფო სტრატეგიასა და თამბაქოს მოხმარების პრევენციის მიზნით მომზადებული 5 კანონპროექტი ითვალისწინებს. როგორც დაავადებათა კონტროლის ეროვნული ცენტრის ხელმძღვანელი აცხადებს, მათ მიერ მომზადებულ კანონპროექტებს მთავრობაში უკვე განიხილავენ.
საქართველოს მთავრობის დამტკიცებული სტრატეგიის მიხედვით თამბაქოს ფასები ყოველწლიურად უნდა გაიზარდოს. ფინანსთა სამინისტროს პრესასმსახურის განცხადებით აციზზე ფასის ზრდა ბიუჯეტის შევსებას არ ისახავს მიზნად. აღნიშნული სტრატეგიის მიზანი ქვეყანაში თამაბოს მიერ გამოწვეული ზიანის შემცირება და საქართველოს გაეროს ჩარჩო კონვენციის მოთხოვნებთან დაახლოებაა. კონვენციის მოთხოვნებს შორის, ერთ-ერთი სწორედ თამბაქოს ნაწარმზე აქციზის გადასახადის მატებაა. საქართველოში აქციზის ფასი 2013 წლის აგვისტოშიც გაიზარდა. ეკონომისტ ლევან კალანდაძის მოსაზრებით, თამბაქოს მომხმარებლის ქცევა აქციზის გადასახადის ზრდასთან პირდაპირ კავშირში არ არის. ინდუსტრიის ექსპერტების აზრით კი აქციზის ფასის მკვეთრი ზრდა კონტრაბანდის საფრთხეს მნიშვნელოვნად ზრდის.
თამბაქო ისევ ძვირდება. უკვე გადაწყდა, რომ მისი ფასი 2015 წლისთვის მოიმატებს. ამ მეთოდით სახელმწიფო მწეველთა რაოდენობის შემცირებას გეგმავს, რომელიც გაეროს ჩარჩო კონვენციის ერთ-ერთი მთავარი რეკომენდაციაა. კანონპროექტი, საკანონმდებლო ორგანოსთვის გასაგზავნად უკვე მზადაა, მის დეტალებს დღეს, ქეთი ჭყონია გაეცნო.
ბათუმის ონკოლოგიურ ცენტრში ავთვისებიანი სიმსივნის 800 შემთხვევა დაფიქსირდა
გლობალური ჯანდაცვის უსაფრთხოების პროგრამის მიხედვით, საქართველო ერთ-ერთი ლიდერი ქვეყანაა, რომელიც მნიშვნელოვან როლს ასრულებს დაავადებათა აღმოჩენისა და გამოვლენის მიმართულებით. ამის შესახებ პრემიერ-მინისტრმა რიჩარდ ლუგარის საზოგადოებრივი ჯანმრთელობის კვლევით ცენტრში სიტყვით გამოსვლისას განაცხადა. პრემიერი ლუგარის ცენტრში დღეს აშშ-ს ელჩთან ერთად იმყოფებოდა. ცენტრის საქმიანობის შესახებ ინფორმაცია ირაკლი ღარიბაშვილს ჯანდაცვის მინისტრმა დავით სერგეენკომ და დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მიაწოდეს.
საქართველოს პრემიერ-მინისტრი ირაკლი ღარიბაშვილი აშშ-ის ელჩ რიჩარდ ნორლანდთან ერთად ლუგარის სახელობის საზოგადოებრივი ჯანმრთელობის კვლევის ცენტრს სტუმრობდა. მთავრობის მეთაურმა ამერიკელ დიპლომატთან ერთად ცენტრში განთავსებული ლაბორატორიები დაათვალიერა. როგორც პრემიერმა მოგვიანებით ლაბორატორიაში განაცხადა, აღნიშნული ცენტრის მშენებლობა უდიდესი ინვესტიციაა, რომელიც შეერთებულმა შტატებმა საქართველოში განახორციელა.
29 სექტემბერს მსოფლიო გულის საერთაშორისო დღეს აღნიშნავს. თარიღთან დაკავშირებით დაავადებათა კონტროლის ცენტრში პრესკონფერენცია გაიმართა. უწყების ხელმძღვანელის განცხადებით, გამოკითხვის მიხედვით, გულ–სისხლძარღვთა დაავადებები მთელ მსოფლიოში სიკვდილიანობის ერთ–ერთი მთავარი მიზეზია.
იმედი ვიქონიოთ რომ გამოიდარებს და იმ ვირუსულ ინფექციებსაც გადავურჩებით რაც უეცარმა აციებამ გამოიწვია. დაავადებათა კონტროლის ეროვნული ცენტრის მონაცემები საგანგაშო არ არის, მაგრამ დავირუსებულთა რაოდენობა გასულ წლებთან შედარებით მომატებულია. ქრონიკა დაინტერესდა თუ რა მდგომარეობაა სკოლებსა და საბავშვო ბაღებში. როგორც გაირკვა ამინდის გაუარესებამ და რესპირატორულმა დაავადებებმა დასწრებაზე გავლენა იქონია. მოსწავლეთა რაოდენობა განახევრებულია, ექიმების მისაღებში კი ხალხმრავლობაა.
დღეს ცოფთან ბრძოლის და გულის საერთაშორისო დღეა. სპეციალური შეხვედრა გაიმართა დაავადებათა კონტროლის ცენტრში. სპეციალისტებმა დაავადებების გამომწვევ ძირითად მიზეზებსა და მათი პრევენციის გზებზე იმსჯელეს.
გულის მსოფლიო დღესა და ცოფის საერთაშორისო დღეს საქართველოშიც აღნიშნავენ. ჯანდაცვის სამინისტრო მოსახლეობას შინაური ცხოველების დროული ვაქცინაციისკენ მოუწოდებს. სპეციალისტები მოქალაქეებს გუსლსისხლძარღვთა დაავადებების განვითარების რისკის შემცირების რეკომენდაციითაც მიმართავენ. დაავადებათა კონტროლის ცენტრი მოსახლეობას მოუწოდებს მარილის დოზა შეამცირონ.
გულის მსოფლიო დღესა და ცოფის საერთაშორისო დღეს საქართველოშიც აღნიშნავენ. ჯანდაცვის სამინისტრო მოსახლეობას შინაური ცხოველების დროული ვაქცინაციისკენ მოუწოდებს. სპეციალისტები მოქალაქეებს გუსლსისხლძარღვთა დაავადებების განვითარების რისკის შემცირების რეკომენდაციითაც მიმართავენ. დაავადებათა კონტროლის ცენტრი მოსახლეობას მოუწოდებს მარილის დოზა შეამცირონ.
როდესაც მცირეწლოვანს გეგმიური აცრა უწევს მშობელი დილემის წინაშე დგება, უფასოდ აცრას პატარა თუ მედიკამენტში 140 ლარი გადაიხადოს. ხშირად არჩევანი დაფინანსებულ წამალზე კეთდება, თუმცა, დედების მცირე ნაწილი ფასიან ვაქცინასაც ირჩევს. მშობლები ამბობენ, რომ კომერციულ აცრას ნაკლები გვერდითი მოვლენები და გართულებები აქვს, თუმცა, მედიკოსები აცხადებენ, რომ წამლები თითქმის ერთნაირი შემადგენლობის არის. ეკა ქავთარაძე: "რამდენიმე წელია უკვე მხოლოდ ევროპული წარმოების ვაქცინებს ვირჩევთ, სხვადასხვა ქვეყნიდან ხდება შემოტანა. ყველა შედის ჯანდაცვის მსოფლიო ორგანიზაციის ვაქცინების ჩამონათვალში".
ებოლას ვირუსის დაავადებასთან დაკავშირებით, მსოფლიო ჯანდაცვის ორგანიზაციის მოთხოვნით, ყველა ქვეყანაში აფრიკის ქვეყნებიდან შემოსული მოქალაქეების დაკვირვება მიმდინარეობს. დღევანდელი მონაცემებით, საქართველოში 73 ადამიანია შემოსული, აქედან 46 მოქალაქეს დაკვირვება მოეხსნა. ქვეყანაში შემოსულთაგან საქართველოს მოქალაქე მხოლოდ ერთია. ვირუსის გამოვლენის მაქსიმალური ვადა 21 დღეა.
მაღალი ტემპერატურა დასაქმებულთა უფლებებთან. სინოპტიკოსთან პროგნოზით ჰაერის ტემპერატურა ხვალ კახეთში 41 გრადუსს მიაღწევს, თბილისში 40 გრადუსი დაფიქსირდება. სიცხის მიუხედავად საქართველოში მოქმედი ყველა დაწესებულება მუშაობას განაგრძობს. საქართველოს მთავრობის დადგენილების მიხედვით კი საქმიანობა სამ კატეგორიად არის გაწერილი–მსუბუქი კატეგორიისთვის 32 გრადუსის პირობებშიც კი მუშაობა დასაშვები დღის განმავლობაში 1 საათით არის, მძიმე და საშუალო კატეგორიისთვის კი აკრძალულია. იგულისხმება სამუშაო გარემოში არსებული ტემპერატურა.
თბილისსა და მთელს საქართველოში დღეიდან ტემპერატურის რეკორდული მატება იწყება. თერმომეტრი 40 გრადუსიან ნიშნულს გადასცდება. აუტანელ სიცხეს დღეს დასავლეთში ელოდებიან. ამ მხრივ პიკი თბილისში ხვალ უნდა იყოს. სპეციალისტები მოსახლეობას კიდევ ერთხელ აფრთხილებენ მოერიდონ მზეს და დიდი ოდენობით სითხე მიიღონ. სიცხეების გამო თბილისის ზღვასა და კუს ტბაზე ამ კვირაში განსაკუთარებულ ხალხმრავლობას ელოდებიან, რის გამოც თბილისის მერიამ აქ დამატებითი სამაშველო ჯგუფები დაამატა. უნალექო და ცხელი ამინდი იქნება მთელს საქართველოში კვირის ბოლომდე.
ყირიმ-კონგოს ცხელების კიდევ ერთი შემთხვევა დაფიქსირდა. თბილისის ინფექციურ საავადმყოფოში დღეს ორი პაციენტი მოათავსეს, თუმცა ერთს დაავადება არ აღმოაჩნდა. ამ სამედიცინო დაწესებულებაში ხუთი პაციენტი მკურნალობს და მათი ჯანმრთელობის მდგომარეობა სტაბილურია. ჯანდაცვის მინისტრი კი ეპიდ აფეთქების საფრთხეს ვერ ხედავს.
ყირიმ-კონგოს ვირუსის კიდევ ერთი ახალი შემთხვევა საქართველოში. დაავადებული ქალბატონი ხაშურიდან გვიან ღამით ინფექციურ საავადმყოფოში გადმოიყვანეს. ექიმების განცხადებით, პაციენტის მდგომარეობა ამ დროისთვის მძიმეა. ეს წელს დაავადების უკვე მე-18 შემთხვევაა. დაავადებულები ძირითადად ხაშურიდან არიან. ვირუსით წელს 3 ადამიანი გარდაიცვალა. ყირიმ-კონგოს ვირუსით ადამიანი ცხოველის ტკიპის კბენის შედეგად ავადდება. ჯანდაცვის მინისტრის განცხადებით, ყირიმ-კონგოს ცხელებასთან დაკავშირებით ეპიდაფეთქების საშიშროება ამ ეტაპზე არ არსებობს.
ყირიმ-კონგოს 2 ახალი შემთხვევა საქართველოში. ინფექციურ საავადმყოფოში ხაშურის რაიონიდან არაინ გადაყვანილი პაციენტები. მათი მდგომარეობა საშუალო სიმძიმისაა, ისევე როგორც იმ სამი პაციენტისა, რომლებიც ამჟამად მკურნალობის კურსს გადიან. ამ დროისათვის ოფიციალური მონაცემებით ყირიმ-კონგოს დაავადების ზრდა ფიქსირდება. დავით სერგეენკო: ეს არის ინფექცია, რომლემაც შეიძლება გადაკვეთოს საზღვრები. შესაბამისად აქ ჩატარებული არის მრავალმხრივი ანალიზი.
საქართველოში ყირიმკონგოს კიდევ რამდენიმე შემთხვევა დაფიქსირდა. ინფექციურ საავადმყოფოში დილით სავარაუდოდ ჰემოგრაფიული ცხელებით 2 პაციენტი შევიდა. ამ დროისთვის სამედიცინო დაწესებულებაში სულ 5 პაციენტი მკურნალობს. მათი ჯანმრთელობის მდგომარეობა სტაბილურია და სიცოცხლეს საფრთხე არ ემუქრება.
ყირიმ-კონგოს დაავადების გავრცელების პრევენციაზე შიდა ქვეყნის მაშტაბით დაგეგმილ და მიმდინარე სამუშაოებთან დაკავშირებით ჯანდაცვის მინისტრი შესაბამისი უწყებების სრულ მზადყოფნაზე საუბრობს. განცხადება დავით სერგეენკომ კურიერის გადამღებ ჯგუფთან გააკეთა. დავით სერგეენკო: ყირიმ-კონგოს ცხელების რეგისტრირებული შემთხვევების რაოდენობამ მოიმატა ბოლო წლების განმავლობაში. ამას აქვს ორი მიზეზი. ერთი, რომ გაუმჯობესდა მათი ლაბორატორიული დადასტურება. ადრე შეიძლება ესეთი შემთხვევები რეგისტრირდებოდა, როგორც უცნობი მიზეზით გარდაცვალება, ხოლო ახალი შესაძლებლობების გაჩენამ მოგვცა ზუსტი დიაგნოზის დასმის საშუალება, თუმცა მარტო ამითი ვერ ავხსნით, შემთხვევები ნამდვილად მომატებულია და ამას სჭირდება კომპლექსური ჩართულობა სოფლის მეურნეობის და გარემოს დაცვის სამინისტროსთან, რაც უკვე ხორციელდება და ეს სამუშაოები უკვე დაწყებულია.
დასავლეთ აფრიკული ქვეყნების მოქალაქეებს კენიაში ჩასვლა აუკრძალეს, შეზღუდვა 20 აგვისტოდან ამოქმედდება და იმ სახელმწიფოების მოქალაქეებს შეეხებათ, სადაც სასიკვდილო ვირუსი ებოლა არის გავრცელებული, კენიაში შესვლა ეკრძალებათ გვინეის, ლიბერიისა და სიერალეონეს მოქალაქეებს. გამონაკლისი იმოქმედებს მხოლოდ კენიის მოქალაქეებისა და ექიმებისათვის, რომლებიც სამშობლოში ბრუნდებიან. ამავე დროს "კენია ეარვეიზი" წყვეტს რეისების შესრულებას. საქართველოში კი დასავლეთ აფრიკიდან ჩამოსულ ადამიანებს ებოლას ინფექციაზე შეამოწმებენ, ჯანდაცვის მინისტრის ინფორმაციით, ებოლა გლობალური კონტროლის ქვეშ არის აყვანილი, რადგან დაავადების მარტივად გავრცელების საშიშროება არსებობს. დავით სერგეენკოს განცხადებით, მოქმედებს მკაცრი საერთაშორისო რეგულაციები, რომლებიც გაწერილია პროტოკოლით და საქართველოს ჯანდაცვის სამინისტრომ რეკომენდაცია მსოფლიო ჯანდაცვის ორგანიზაციისგან მიიღო. დავით სერგეენკო: "ყველა ადამიანი, რომელიც ჩამოვა მაღალი რისკის ქვეყნებიდან, იქნება ჩვენი სპეციალისტების მეთვალყურეობის ქვეშ, საინკუბაციო პერიოდია მაქსიმუმ 21 დღე".
ყირიმ–კონგოს ვირუსული ინფექაციის თავიდან ასაცილებლად, ქართლის რეგიონში სპეციალისტების ჯგუფი განაგრძობს მუშაობას. ამ ეტაპზე პარაზიტების საწინააღმდეგო პრეპარატით მსხვილფეხა საქონელი მუშავდება. ორშაბათიდან მსგავსი სამუშაოები უკვე გორისა და ბორჯომის რაიონებშიც დაიწყება. დაავადების გავრცელების პრევენციასთან დაკავშირებით, რეგიონში მიმდინარე სამუშაოებზე "კურიერთან" განცხადება ჯანდაცვის მინისტრმაც გააკეთა. დავით სერგეენკო: " ყირიმ–კონგოს ცხელების რეგისტრირებული შემთხვევების რაოდენობამ მოიმატა ბოლო წლების განმავლობაში. ამას სჭირდება კომპლექსური მუშაობა სოფლის მეურნეობის და გარემოს დაცვის სამინისტროსთან, რაც უკვე ხორციელდება".
თბილისში ლეპტოსპიროზის საშიში ინფექციით 17 წლის მოზარდი გარდაიცვალა. მკურნალობა დაგვიანებული აღმოჩნდა. ახალგაზრდა მძიმე ვირუსით სავარაუდოდ ტბაში ბანაობის შემდეგ დაავადა. დღეს გაირკვა, რომ რეკრეაციული ზონების წყალსაცავები, მხოლოდ ქიმიურ შემადგენლობაზე მოწმდება და ბაქტეოლოგიური საფრთხის დონე უცნობი რჩება, რაც რისკის ფაქტორს განსაკუთრებით მოზარდისათვის საკმაოდ ამძაფრებს.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი მოსახლეობას რეკომენდაციას აძლევს. ამირან გამყრელიძის რჩევით, მოსახლეობამ დიდი რაოდენობით სითხე უნდა მიიღოს და მზეზე სიარულს მოერიდოს, განსაკუთრებით ბავშვები, ქრონიკული დაავადებების მქონე პირები და ორსულები. მისივე განმარტებით, როცა ჰაერის ტემპერატურა 40 გრადუსს აჭარბებს, საკანონმდებლო რეგულაცია სამუშაო პროცესის შეწყვეტას არ ითვალისწინებს. მოსახლეობა გუშინ ჯანდაცვის მინისტრმაც გააფრთხილა.
19 დაავადებული და 3 გარდაცვილი, ასეთია წელს ყორიმ-კონგოთი დაავადებულთა სტატისტიკა საქართველოში. მინაცემები გასულ წელთან შედარებით გაზრდილია, თუმცა სპეციალისტები აცხადებენ, რომ ეპიდემიის საშიშროება ქვეყანაში არ დგას. ვირუსული ინფექციის დიაგნოზით საქართველოში პაციენტი თბილისის ინფექციურ საავადმყოფოში დღეს კვლავ ხაშურიდან შემოიყვანეს. ყირიმ კონგოს გავრცელების შიდა კერა ქართლის რეგიონია. შემთხვევბის უმეტესობა ხაშურის რაიონში დაფიქსირდა. ადგილობრივები ხელისუფლებას ვეტერინარული ღონისძიებების გატარებას სთხოვენ. ხაშურის რაიონის გარდა ყირიმ კონგოს გავრცელების შემთხვევები ბორჯომში, გორსა და მარნეულში დაფიქდირდა. ყირიმ კონგოს ცხელება ძირითადად ტკიპების საშუალებით ვრცელდება. ვირუსის მატარებელია ასევე მღრღნელები და მსხვილფეხა რქოსანი. დაავადება კი ადამიანებზე ტკიპების მეშვეობით ვრცელდება. ვირუსული დაავადებქა მძიმედ მიმდინარეობს და შემთხვევების 40 პროცენტი გარდაცვალებით სრულდება. ყირიმ კონგოს ცხელების შემთხევევბის მატების ფაქტს დაავადებათა კონტროლის ეროვნულ ცენტრშიც ადასტურებენ და ეპიდაფეთქების თავიდან აცილების მიზენით მოსახლეობას რეკომენდაციებს სთავაზობენ და ჰიგიენური ნორმების დაცვისკენ მოუწოდებენ. დაავადებათა კონტროლის ეროვნული ცენტრის მონაცემებით, ყირიმ კონგოს ცხელებით 2014 წელს 19 ადამიანი დაავადდა, გარდაცვლილია 3, მაშინ როდესაც 2013 წელს სულ 13 შემთხვევა იყო დაფიქსირებული. ეპიდაფეთქებების თავიდან აცილების მიზნით რაიონებში, სადაც დაავადებების შემთხვევები გამოვლინდა, სოფლის მეურნეობის სამინისტრო სპეციალური ანტიპარაზიტული საშუალებებით მსხილფეხა პირუტყვის დამუშავებას ხვალიდან დაიწყებს.
ყირიმ-კონგოს ვირუსის კიდევ ერთი ახალი შემთხვევა საქართველოში. 58 წლის ქალი ხაშურში დაინფიცირდა. რაიონში, რომელიც ეპიდაფეთქების კერად ითვლება, ამ დრომდე არ ჩაუტარებიათ საგანგებო ღონისძიებები. მოსახლეობა დახმარებას ითხოვს, ადგილობრივები ჯანდაცვის უწყებასთან ერთად სოფლის მეურნეობის სამინისტროსაც მიმართავენ. დაავადებათა კონტროლის ცენტრში კი ამტკიცებენ, რომ ვითარება საგანგაშო არ არის. ეს წელს დაავადების უკვე მე-18 შემთხვევაა. დაავადებულები ძირითადად ხაშურიდან არიან. ვირუსით წელს 3 ადამიანი გარდაიცვალა. ყირიმ-კონგოს ვირუსით ადამიანი ცხოველის ტკიპის კბენის შედეგად ავადდება. მარინა დარახველიძე: საქართველოში გავრცელებული ტკიპების სახეობებიდან მხოლოდ 10 % არის დაავადების გადამტანი და ესეც იმ შემთხვევაში, თუკი ეს ტკიპა დაავადებულია. ხოლოდ გარემოს დეზინფექცია არ არის საკმარისი, აუცილებელია თავად მოსახლეობამაც დაიცვას უსაფრთხოების ის ღონისძიებები, რაც დაიცავს მათ დაავადების გადადებისგან. უნდა იხმარონ რეზინის ხელთათმანები და ჩაიცვან შესაბამისი ტანსაცმელი.
მედიკამენტების რეცეფტით გაცემასთან დაკავშირებით ჯანდაცვის მინისტრმა დავით სერგეენკომ სამედიცინო სფეროს წარმომადგენლებთან მორიგი შეხვედრა გამართა. უწყების ხელმძღვანელის განცხადებით, მიმდინარეობს აქტიური საინფორმაციო კამპანია და შეხვედრები როგორც სამედიცინო პერსონალთან, ასევე ფართო საზოგადოებასთან. დავით სერგეენკო: "შეხვედრების მიზანია, რომ მაქსიმალურად რბილად და დისკომფორტის გარეშე მოხდეს იმ რეფორმის გატარება, რომელიც დაიწყო".
საქართველოში ყირიმკონგოს კიდევ რამდენიმე შემთხვევა დაფიქსირდა. ინფექციურ საავადმყოფოში დილით სავარაუდოდ ჰემოგრაფიული ცხელებით 2 პაციენტი შევიდა. ამ დროისთვის სამედიცინო დაწესებულებაში სულ 5 პაციენტი მკურნალობს. მათი ჯანმრთელობის მდგომარეობა სტაბილურია და სიცოცხლეს საფრთხე არ ემუქრება.
ჯანდაცვის მინისტრმა მედიკოსებთან მორიგი შეხვედრა გამართა. დავით სერგეენკომ ექიმებს რეცეფტებთან დაკავშირებით განხორციელებულ ცვლილებებზე ინფორმაცია მიაწოდა და მათ კითხვებს უპასუხა. დაავადებათა კონტროლის ცენტრში გამართულ შეხვედრაზე ელექტრონული რეცეფტით სარგებლობის პრეზენტაციაც მოეწყო.
რეცეპტების ელექტრონული ვერსიის პრეზენტაცია - დღეს ახალი რეგულაციებისა და პრეზენტაცისი დეტალებზე დაავადებათა კონტროლის ეროვნულ ცენტრში პირადად ჯანდაცვის მინისტრი საუბრობდა. დავით სერგეენკო კლინიკების ხელმძღვანელებსა და ექიმებს შეხვდა. მინისტრმა ექიმების კითხვებსაც უპასუხა. შეხვედრაზე მოსულ მედიკოსების ნაწილს რეგულაციები მისაღებას მიაჩნია, თუმცა იყო ნაწილი ექიმების, რომელთაც საკუთარი შენიშვნებიც გამოთქვეს.
თემა, რომელიც ბოლო დღეებში ერთერთი ყველაზე აქტუალურია, როგორი სისტემით იმუშავებს ელექტრონული რეცეპტი, რომელიც წამლის ყიდვაში დაგვეხმარება. დღეს დავით სერგეენკომ რეცეპტის მუშაობის წესი სამედიცინო სფეროს წარმომადგენლებს გააცნო. შეხვედრა დაავადებათა კონტროლის ცენტრში შედგა. მინისტრმა იმ ინიციატივაზეც გაამახვილა ყურადღება, რომელიც 1 სექტემრიდან სავალდებულო რეცეპტების გაცემას ითვალისწინებს და 6000–ზე მეტი დასახელების მედიკამენტის რეცეპტის გარეშე გაყიდვას კრძალავს. დავით სერგეენკო: " და ეს მათ დამატებით ფინანსურ სირთულეებს არ შეუქმნის."
სამტრედიაში 13 წლის გოგონას მოულოდნელი გარდაცვალების მიზეზი ამ დროისთვის დადგენილი არ არის. გარდაცვალების ზუსტ მიზეზს საბოლოო ექსპერტიზა დაადგენს. თავდაპირველად კი ვრცელდებოდა ინფორმაცია, რომ გოგონა სოკოთი ინტოქსიკაციის შედეგად გარდაიცვალა, თუმცა დაავადებათა კონტროლის ცენტრში აცხადებენ, რომ გარდაცვლილს სოკოთი ინტოქსიკაციის ნიშნები არ აღენიშნება.
მაღალი ტემპერატურა, მძიმე ინტოქსიკაცია, სისხლჩაქცევები, ყირიმ-კონგოს ჰემორაგიული ცხელება ძირითადად ამ სიმტომებით ვრცელდება. საქართველოში ყირიმ-კონგოს 17 შემთხვევა დაფიქსირდა, 3 ადამიანი გარდაიცვალა, რასაც დაავადებათა კონტროლის ეროვნულ ცენტრშიც ადასტურებენ. აჭარის საზოგადოებრივი ჯანდაცვის ცენტრის ინფორმაციით, რეგიონში ჰემორაგიული ცხელების არც ერთი შემთხვევა არ არის დაფიქსირებული.
"ცხრიანში", გუშინ გასული სიუჟეტის შემდეგ, ყირიმ კონგოს ვირუსზე განცხადებები დღეს, დაავადებათა კონტროლისა და საზოგადოებრივი ჯანმრთელობის ეროვნულ ცენტრშიც გაკეთდა. ცენტრი ადასტურებს, რომ ჰემორაგიული ცხელებით წელს 17 შემთხვევა აღინიშნა.
პანიკის საფუძველი არ არის. დაავადებათა კონტორილი ეროვნულ ცენტრში ყირიმ-კონგოს ვირუსზე საგანგებო განცხადება გააკეთეს და მოსახლეობას სიმშვიდისკენ მოუწოდეს. ცენტრის ინფორმაციით საქართველოში ბოლო ერთი წლის განმავლობაში ინფექციის 17 შემთხვევა დაფიქსირდა, აქედან 3 ფატალურად დასრულდა. ინფექციის გადამტანი ცხოველის ტკიპაა. მედიკოსები მოსახლეობას პრევენციის მიზნით ჰიგიენური ნორმების დაცვას ურჩევენ. ინფექციის ყველაზე მაღალი მაჩვენებელი შიდა ქართლში ფიქსირდება.
მსოფლიოში ფართოდ გავრცელებული დაავადების შესახებ, რომელიც საქართველოშიც გავრცელდა. ქვეყანაში ყირიმ-კონგოს ჰემორაგიული ცხელების 17 შემთხვევა დაფიქსირდა, 3 ადამიანი კი გარდაიცვალა, რასაც დაავადებათა კონტროლის ეროვნულ ცენტრშიც ადასტურებენ. აჭარის საზოგადოებრივი ჯანდაცვის ცენტრის ინფორმაციით, რეგიონში ჰემორაგიული ცხელების არცერთი შემთხევვა არა არის დაფიქსირებული.
ინფექციონისტები ყირიმ-კონგოს ეპიდემიას ამ ეტაპზე გამორიცხავენ, ამ დროსითვის 12 ადამიანია ინფიცირებული, მათ შორის სამი გარდაიცვალა, სამივე შემთხვევა ხაშურში მოხდა. მედიკოსები კიდევ ერთი საშიში დაავადების გავრცელების პრევენციაზე მუშაობენ, ვირუსი ებოლა იგივე ტიპისაა რაც ყირიმ-კონგოს ციებცხელება. ებოლამ უკვე თურქეთშიც შეაღწია.
დაავადების კონტროლის ეროვნული ცენტრის დირექტორის მოადგილის განცხადებით, ქვეყანაში მოსახლეობას ყირიმ-კონგოს ვირუსთან დაკავშირებით, პანიკის საფუძველი არ გააჩნია. პაატა იმნაძის განცხადებით, ყირიმ-კონგოს ვირუსით, საქართველოში სამი ადამიანია გარდაცვლილი და ეს მთელს მსოფლიოში ერთ-ერთი ყველაზე დაბალი პროცენტული მაჩვენებელია. პაატა იმნაძე მეცხოველეობაში დასაქმებულ პირებს მოუწოდებს, ფრთხილად იყვნენ საქონლის ტკიპასთან, რადგან სწორად ისაა დაავადების მატარებელი.
საქართველოში ყირიმ-კონგოს ჰემორაგიული ცხელების 17 შემთხვევა დაფიქსირდა. აქედან სამი ლეტალური შედეგით დასრულდა. დაავადებათა კონტროლის ეროვნული ცენტრის ინფორმაციით, ყირიმ-კონგოს ჰემორაგიული ცხელებით ადამიანი ტკიპების კბენით და ავადმყოფი ცხოველების სისხლთან და ქსოვილებთან უშუალო კონტაქტით ინფიცირდება.
პანიკის საფუძველი არ არის - დაავადებათა კონტროლის ეროვნულ ცენტრში ყირიმ კონგოს ვირუსზე საგანგებო განცხადება გააკეთეს და მოსახლეობას სიმშვიდისკენ მოუწოდეს. ცენტრის ინფორმაციით, საქართველოში ბოლო ერთი წლის განმავლობაში ინფექციის 17 შემთხვევა დაფიქსირდა, აქედან 3 კი ფატალურად დასრულდა. ინფიცირებულთა დიდ ნაწილს მსხვილფეხა რქოსან პირუტყვთან აქტიური შეხება აქვს. ინფექციის ყველაზე მაღალი მაჩვენებელი შიდა ქართლში ფიქსირდება.
მაღალი ტემპერატურა, თავბრუსხვევა, სისხლჩაქცევები - ეს ყირიმ კონგოს სიმპტომებია. ინფიცირებულთა დიდი ნაწილს მსხვილფეხა რქოსან პირუტყვთან ჰქონდა აქტიური შეხება. საქართველოში ბოლო ერთი წლის განმავლობაში ინფექციის 17 შემთხვევა დაფიქსირდა. ყირიმ კონგოს 17 შემთხვევა და სამი გარდაცვლილი - ასეთია მიმდინარე წლის სტატისტიკური მაჩვენებელი. მიუხედავა ამისა, დაავადებათა კონტროლის ეროვნულ ცენტრში ამბობენ, რომ შეშფოთების მიზეზი არ არის.
ყირიმ-კონგოს ვირუსის ეპიდემიური აფეთქება ქვეყანაში უკვე დაადასტურა დაავადებათა კონტროლის ცენტრმა. გარდაცვლილია 3 ადამიანი. სტატისტიკა საგანგაშო ზღვარს აღწევს. უკვე ლაბორატორიულად დადასტურდა ათეულობით შემთხვევა მაღალი ლეტალობის მქონე ვირუსის, რომელიც ადამიანზე, ძირითადად ცხოველებიდან და ტკიპებით გადადის. ყველაზე რთული ვითარება ხაშურშია.
2014 წლის განმავლობაში საქართველოში ყირიმ–კონგოს ვირუსის 17 ფაქტი დაფიქსირდა, აქედან 12 ხაშურის რაიონზე მოდის, ინფექციით ორი ადამიანი გაზაფხულზე, ერთი კი რამდენიმე დღის წინ გარდაიცვალა. ინფექციონისტების განცხადებით, ეს არის საკმაოდ რთული დაავადება, თუმცა, იმ შემთხვევაში, თუ პაციენტი დროულად მიმართავს კლინიკას, შესაძლებელია განკურნება.
დასავლეთ აფრიკიდან, საქართველოში ჩამოსული ყველა ადამიანი საზღვარზევე მოწმდება, დაავადებათა კონტროლის ცენტრის განცხადებით, საქართველოში ებოლას ვირუსის საფრთხე არ არსებობს. ამასთან, უკვე გადამზადებულია სამედიცინო პერსონალი, რომელიც კვალიფიციურია ებოლას ვირუსის სამკურნალოდ. პაატა იმნაძე: მზადყოფნაში ვართ, მაგრამ ეს არ ნიშნავს, რომ რეალური საფრთხე არსებობს ქვეყანაში. უბრალოდ, ჩვენი სამსახური, რომელიც არის შემოსავლებისა სამსახურში, აიეროპორტებში, მათ აქვთ საკარანტინო სამსახური ინფორმაციას მოგვაწვდიან იმ ქვეყნებიდან თუ ვინმე ჩამოვა საქართველოში, რომ ვიცოდეთ სად არის ეს ადამიანი და უბრალოდ ყურადღების ქვეშ იყოს.
ემუქრება თუ არა საქართველოს ებოლას ვირუსი და მკაცრდება თუ არა კონტროლი ქვეყნის საზღვარზე? ინფრომაცია იმის შესახებ, რომ ამ კუთხით შესაძლოა დაწესებულიყო გარკვეული სახის შეზღუდვები, შინაგან საქმეთა სამინისტროში არ ადასტურებენ.
საქართველოს საზღვრებზე შემომავალილ პირების ჯანმრთელობის მდგომარეობის კონტროლი ძლიერდება. ებოლას ვირუსის ეპიდემიის საფრთხესთან დაკავშირებით, დაავადებათა ეროვნული ცენტრი, განსაკუთრებულ ზომებს იღებს. კონტროლი შეეხებათ იმ პირებს, რომლებიც დასავლეთ აფრიკიდან შემოდიან, სადაც ებოლას ვირუსს უკვე ასეულობით ადამიანი ემსხვერპლა. ჯანდაცვის მსოფლიო ორგანიზაციამ, დაავადების გავრცელება საერთაშორისო საფრთხედ გამოაცხადა. პაატა იმნაძე: რეალური საფრთხე დღეს არ არსებობს, აქედან გამომდინარე გვაქვს ჩვეულებრივ ის ღონისძიებები, რაც ამ დროს ტარდება ხოლმე. ანუ ყველა ჩამომსვლელი ამ ქვეყნებიდან არის მეთვალყურეობის ქვეშ.