ჯორჯიის შტატში, ატლანტის არენა "მერსედეს-ბენც სთედიუმზე" მოძრავი სახურავის მონტაჟი დასრულდა, რომელიც მსოფლიოში უდიდესია. სახურავის მთავარი ღირსება, მისი უნიკალური მექანიზმია, სახურავის გახსნა-დახურვის პროცესი კი რაღაცით ფოტოკამერის ობიექტივის მოქმედებას გაგახსენებთ. აღსანიშნავია, რომ სახურავის ერთი მდგომარეობიდან მეორეში გადასაყვანად სულ რამდენიმე ათეული წამია საჭირო.სტადიონი ბევრი რამითაა განსაკუთრებული. მაგალითად, ტრანსფორმირდება მისი ტრიბუნები - ამერიკული ფეხბურთის მატჩის დროს ადგილი 71 ათასი ადამიანისთვისაა, ჩვეულებრივი ფეხბურთის მატჩის დროს კი ზედა იარუსი იხურება და ადგილების რაოდენობა 40 ათასამდე იკლებს.
2018 წლის 5 მაისს მანჩესტერ იუნაიტედის ლეგენდარული მწვრთნელი, სერ ალექს ფერგიუსონი საავადმყოფოში მოხვდა. შოტლანდიელს ტვინში სისხლის გაჟონვა დაუდგინეს და სასწრაფოდ ოპერაცია ჩაუტარეს. ერთი თვის შემდეგ, ფერგიუსონი საავადმყოფოდან გაწერეს, სარეაბილიტაციო კურსმა კარგად ჩაიარა და ფერგიუსონი ისევ კარგად გრძნობს თავს. შოტლანდიელმა, მანჩესტერ იუნაიტედის გვერდის დახმარებით, სამედიცინო პერსონალს, გულშემატკივრებსა და კლუბს მადლობა გადაუხადა.
პოლონელი მოთხილამურე და ალპინისტი, ანდჟეი ბარგილი მსოფლიოში ყველაზე მაღალი მეორე მწვერვალიდან, К2-დან (ჩოგორიდან) წარმატებით დაეშვა. ეს პირველი შემთხვევაა, როცა ზღვის დონიდან 8611 მეტრზე მდებარე მწვერვალიდან დაშვება წარმატებული აღმოჩნდა. ამის შესახებ BBC წერს. ალპინისტმა მწვერვალზე ასვლა 19 ივლისს დაიწყო და მის უმაღლეს წერტილს 22 ივლისს მიაღწია, რის შემდეგაც მთიდან დაეშვა. ის დაშვებას გასულ წელსაც აპირებდა, თუმცა ამინდმა ხელი შეუშალა. 30 წლის მოთხილამურემდე K2-დან დაშვება ბოლო ათწლეულში რამდენჯერმე სცადეს, თუმცა - უშედეგოდ. ბოლო მცდელობა 2010 წელს ბრიტანელ ფრედრიკ ერიკსონს ჰქონდა, თუმცა ის მწვერვალიდან გადაიჩეხა და დაიღუპა. K2, იგივე ჩოგორი ევერესტის შემდეგ დედამიწის ყველაზე მაღალი მწვერვალია. მისი სიმაღლე 8611 მეტრია ზღვის დონიდან. მდებარეობს პაკისტანში და ყარაყორუმის მთათა სისტემას ეკუთვნის, ჰიმალაის დასავლეთით.
დიდი ბრიტანეთის სამეფო ოაჯხის ახალი წყვილი პრინცი ჰარი და მეგან მარკლი მუდმივად ყურადღბის ცენტრში არიან. მედია მოუთმენლად ელის მეგანის ყოველ გამოჩენას, მოდის კრიტიკოსები მის ჩაცმულობას. პაპარაცების ყურადღების ობიექტები იყვნენ სასექსის ჰერცოგი და ჰერცოგინია პოლოს საქველმოქმედო მატჩზეც. მეგნის გამოჩენა პოლოს საქველმოქმედო მატჩზე მოულოდნელი აღმოჩნდა. როგორც ჩანს, ჰერცოგიანიამ მეუღლის მხარდაჭერა გადაწყვიტა, მას შემდეგ რაც ჰარის გუნდმა მატჩი მოიგო, მეგანმა ის კოცნითაც დააჯილდოვა. სასექსის ჰერცოგინიამ თასი გადასცა ჰარის გუნდს, მეუღლეს კი საჯაროდ აკოცა. როგორც ყოველთვის, ამჯერადაც არაჩვეულებრივად გამოიყურებოდა მეგანი. მას Carolina Herrera-ს ლურჯი კაბა ეცვა.
#სპორტი #DailySport #Sport
ფარერების გუნდი ტორსჰავნის B-36 ევროპალიგის მომდევნო ეტაპზე გავიდა და ისტორიულ წარმატებას მიაღწია. არა მარტო ამ კონკრეტულ გუნდს, ზოგადად ფარერულ საკლუბო ფეხბურთს ასეთი წარმატებები, ანუ ევროასპარეზზე თუნდაც ერთი რაუნდის გადალახვა ძალიან იშვიათად ახსოვს. B-36-მა ჩერნოგორიული გუნდის, ტიტოგრადის ბარიერი დაძლია და ევროპალიგის მომდევნო ეტაპზე თურქული საკლუბო ფეხბურთის გრანდს, ბეშიქთაშს დაუპირისპირდება. ამ წარმატების შემდეგ, ფარერული გუნდის მთავარი მწვრთნელი იოკუპ ო ბორგი სიხარულისგან მეცხრე ცაზე იყო, რასაც მისი და მთელი გუნდის ორიგინალური აღნიშვნა მოჰყვა. ამ ემოციური შეძახილების და გუნდური სიმღერის შემდეგ, ბორგი ფარერებზე კიდევ უფრო პოპულარული გახდა. ბორგს ისედაც არ აკლდა ცნობადობა, რადგან ფარერული ფეხბურთის ისტორიაში ერთ-ერთი საუკეთსო ფეხბურთელია. იოკუპს ფარერების ჩემპიონატში ყველაზე მეტი, 152 გოლი აქვს გატანილი. ბორგი B-36-ის ლეგენდაა, სადაც მთლიანობაში 16 სეზონი აქვს გატარებული. ერთი სიტყვით, ფარერული გუნდისთვის იმდენად უჩვეულოა ევროასპარეზზე თუნდაც ერთი ბარიერის გადალახვა, რომ ასეთ მცირე წარმატებასაც კი შეიძლება ასეთი ემოციური და გიჟური სიხარული მოჰყვეს. შეგახსენებთ, რომ ევროპალიგის საკვალიფიკაციო ეტაპზე ქუთაისის ტორპედოს მეტოქე ასევე ფარერების გუნდი, ვიკინგურია.
გასულ უქმეებზე არგენტინაში მკვლელობა მოხდა, ქუჩაში ჩხუბისას 25 წლის მეკარე ფაკუნდო ესპინდოლა მოკლეს. ესპინდოლა რივერ პლეიტის აღზრდილი იყო და ბოლო სამი სეზონი ალმაგროში თამაშობდა. კვირას ბუენოს აირესის ერთ-ერთ უბანში ესპინდოლა ბარიდან გამოდიოდა, როცა მას მანქანიდან შეურაცხყოფა მიაყენეს. ამას ჩხუბი მოყვა. დაჭერილია ორი ეჭვმიტანილი, რომელთაგანაც ერთ-ერთი ფეხბურთელია - სან ტელმოს წევრი ნაუელ ოვიედო. ინცინდენტი დილის 7-ის ნახევარზე მოხდა. ჩხუბის დროს ერთ-ერთმა ესპინდოლას ყელი გამოჭრა, ის ადგილზე გარდაიცვალა. ოვიედო და მისი პარაგველი მეგობარი დაკავებული არიან. მათ "პეჟოში" იარაღის მთელი არსენალი ამოიღეს. რა მიზეზით მოხდა ჩხუბი ჯერ უცნობია, მაგრამ 28 წლის ოვიედოს ადრეც ჰქონდა პრობლემები კანონთან 2011 წელს ის ქურდობისთვის გაასამართლეს.
ოლიმპიური ჩემპიონი ლაშა ტალახაძე რამდენიმე თვის წინ ანი დემურიაზე დაქორწინდა. წყვილი საქორწინო მოგზაურობაშიც იმყოფებოდა, მათ ტაფლობისთვე მალდივებზე გაატარეს, გუშინ კი გრანდიოზული ქორწილი გადაიხადეს. ანი დემურია და ლაშა ტალახაზე ერთმანეთს პირველად ორი წლის წინ, ბათუმში შეხვდნენ.