#ახალიამბები

“ადგილობრივი თვითმმართველობის” კოდექსში დაინიცირებული ცვლილებები ასუსტებს საკრებულოს როლს, ხელს უშლის ადგილობრივი დემოკრატიის განვითარებას და მმართველი პარტიის ინტერესებზეა მორგებული. „საერთაშორისო გამჭვირვალობა საქართველო“ „ქართული ოცნების ინიციატივას აფასებს.

კანონპროექტის თანახმად, თუ წარმომადგენლობითი ორგანო, საბიუჯეტო წლის დაწყებიდან, ადგილობრივ ბიუჯეტს, 3 თვის ვადაში ვერ დაამტკიცებს უფლებამოსილება ვადამდე შეუწყდება, მხოლოდ საკრებულოს.

კოდექსის დღეს მოქმედი რედაქციით კი, მსგავს შემთხვევაში უფლებამოსილება უწყდებათ როგორც საკრებულოს, ასევე მერს.


ორგანიზაციის ვარაუდით, “თვითმმართველობის კოდექსში” ცვლილების შეტანის რეალური მიზანიც, ისაა, რომ “ქართული ოცნების” საპარლამენტო უმრავლესობამ ხელოვნურად გადაწყვიტოს ის შესაძლო უთანხმოება, რომელიც „ქართული ოცნების” წარმომადგენელ მერებსა და ოპოზიციურ საკრებულოებს შორის შეიძლება წარმოიშვას.

ასეთი სულ სამი მუნიციპალიტეტია. “საერთაშორისო გამჭვირვალობა - საქართველო” მოუწოდებს პარლამენტს, წარდგენილ ცვლილებას რომელიც მერს საკრებულოს მიმართ უპირატეს მდგომარეობაში აყენებს მხარი არ დაუჭიროს,.