კონსტიტუცია, რომელსაც ვიღებთ, მთლიანად პასუხობს ჩვენი საზოგადოების მოთხოვნებსა და ქვეყნის განვითარების დღის წესრიგს,- ეს განცხადება პრემიერმინისტრმა რიგგარეშე სესიის დაწყებამდე გააკეთა.

გიორგი კვირიკაშვილის თქმით, პროექტი საერთო, სახალხო განხილვებისა და ჩართულობის შედეგად შემუშავდა.

როგორც პრემიერ-მინისტრმა აღნიშნა, პროპორციულ სისტემაზე გადასვლა არის უდიდესი ნაბიჯი დემოკრატიის განვითარებისთვის. ვენეციის კომისიის შეფასებით კი, ესაა დოკუმენტი, რომელიც ეფუძნება დემოკრატიის, სამართლებრივი სახელმწიფოს და ძირითადი უფლებების დაცვის პრინციპებს.