მექსიკაში მიწისძვრის შედეგად დაღუპულთა რიცხვი 61-მდე გაიზარდა. 8.1 მაგნიტუდის სიმძლავრის სტიქია ქვეყნის ცენტრალურ და სამხრეთ რეგიონს დაატყდა თავს.

ამ დრომდე გრძელდება სამძებრო-სამაშველო ოპერაციები ნანგრევებში მოყოლილთა გადასარჩენად. 11 შტატში დახურულია საგანმანათლებლო დაწესებულებები.

მიწისძვრის ეპიცენტრი გვატემალას საზღვრის სიახლოვეს, 33 კილომეტრის სიღრმეში აღინიშნა. ეს მექსიკაში ბოლო 100 წელიწადში მომხდარი ყველაზე ძლიერი მიწისძვრაა, რასაც 300-ზე მეტი განმეორებითი ბიძგი მოჰყვა. ქვეყანაში სამდღიანი გლოვაა გამოცხადებული.