მექსიკაში მიწისძვრის შედეგად დაღუპულთა რიცხვი 16-მდე გაიზარდა. დაღუპულთა შორის ორი მცირეწლოვანია. ბოლო ინფორმაციით, მიწისძვრამ 8,2-მაგნიტუდა შეადგინა.
ქვეყნის პრეზიდენტმა განაცხადა, რომ ბოლო ასწლეულის განმავლობაში მსგავსი სიმძლავრის მიწისძვრა ქვეყანაში არ დაფიქსირებულა. გეოლოგების განცხადებით, ქვეყანაში თითქმის ოთხმეტრიანი ცუნამია მოსალოდნელი.
მექსიკის დედაქალაქსა და რამდენიმე რეგიონში სტიქიის შედეგად ელექტროენერგია გაითიშა, რაც საავადმყოფოში მყოფი პაციენტების სიცოცხლეს საფრთხეს უქმნის.
ელექტროენერგიის გარეშე მილიონზე მეტი ადამიანია დარჩენილი. მიწისძვრის ეპიცენტრი ჩიაპას შტატის ქალაქი ტაპაჩულაა, საიდანაც ბიძგები თითქმის 1000 კილომეტრის რადიუსზე ვრცელდება. ჩიაპასა და ტობასკოს შტატებში ინფრასტრუქტურა განადგურებულია.