აქცია და კონტრაქცია. აღმაშენებლის გამზირზე ქართველთა მარშის და ევროპული საქართველოს წევრები და მათი მხარდამჭერები იმყოფებიან. განსხვავებული იდეით შეკრებილებს, ერთმანეთის საპირისპირო მოთხოვნები აქვთ.
პატრიარქთან შეხვედრის შემდეგ ქართველთა მარშის ორგანიზატორებმა დაგეგმილი აქცია ჩაშლილად გამოაცხადეს, თუმცა მიუხედავად ამისა, მხარდამჭერები აღმაშენებელზე მაინც შეიკრიბნენ.
საპატრიარქოს მოწოდება, რომ თავი შეეკავებინათ გამოსვლისგან, ევროპული საქართველოს წევრებმა არ გაითვალისწინეს და აქცია დაანონსებულ დროს დაიწყეს.
დაპირისპირებულ მხარეებს საპატრიარქომ საერთო განცხადებით მიმართა -მოვუწოდებთ ქართველთა მარშის და ევროპული საქართველო-მოძრაობა თავისუფლებისათვის ხელმძღვანელებს, თავი შეიკავონ დაგეგმილი აქციისგან, რათა თავიდან ავიცილოთ გაუთვალისწინებელი შედეგები.
მიუხედავად ამ განცხადებისა, საპროტესტო აქცია სახელწოდებით არა რუსულ ფაშიზმს ამ წუთებში იწყება. ჩაშლილ და მიმდინარე აქციებს აღმაშენებლის გამზირზე მოამბის რამდენიმე ჯგუფი აშუქებს.
რატი ხვისტანი განავრცობს თემას.