სალაშქრო სეზონი ოფიციალურად გაიხსნა. ალგეთის ეროვნული პარკის მიმდებარე ტერიტორიაზე 2 000- კაციანი ბანაკი მოეწყო. ღონისძიება მოლაშქრეთა ეროვნულმა ფედერაციამ, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით მოაწყო.

ღონისძიების პარტნიორები არიან: სპორტისა და ახალგაზრდობის საქმეთა სამინისტრო, გარემოსა და ბუნებრივი რესურსების დაცვის სამინისტრო და თეთრიწყაროს მუნიციპალიტეტი.

3 დღის განმავლობაში ლაშქრობის მონაწილეებმა სხვადასხვა გასართობ და შემეცნებით აქტივობაში მიიღეს მონაწილეობა. გაიმართა სპორტის სხვადასხვა სახეობაში შეჯიბრი, მოეწყო შოუები და გათამაშებები.