ბაკურიანში ზაფხულის სეზონი ოფიციალურად გაიხსნა. ეკონომიკის განვითარების სამინისტროს მთის კურორტების განვითარების კომპანიის ორგანიზებით, დიდველის საბაგიროს მიმდებარე ტერიტორიაზე მოეწყო განსახორციელებელი პროექტების პრეზენტაცია.

გეგმის მიხედვით, მთის კურორტების განვითარებისა და პოპულარიზაციისთვის ზამთრის კურორტები ოთხსეზონიანი უნდა გახდეს. ამ მიმართულებით კურორტზე მოწყობილია საერთაშორისო დონის ველოპარკი და ველობილიკი, რომელიც გათვლილია როგორც პროფესიონალი ველომრბოლელებისთვის, ასევე მოყვარულებისთვის.

ზაფხულის სეზონის გახსნასთან დაკავშირებით, ბავშვებისა და მედიასაშუალებების წარმომადგენლებისთვის შემეცნებით-გასართობი ღონისძიება გაიმართა.