ესპანეთის პრიმერადივიზიონში 26-ე ტურის შეხვედრები გაიმართა.

ბარსელონამ მოულოდნელი მარცხი განიცადა. კატალონელებმა რიაზორზე, დეპორტივოს წინააღმდეგ წააგეს.

ლა კორუნიელები მე-40 წუთზე დაწინაურდნენ, ზუსტად ხოსელუმ დაარტყა. მეორე ტაიმის სტარტზე, ბარსამ წონასწორობა აღადგინა. გოლის ავტორი, ურუგვაელი ფორვარდი ლუის სუარესი გახლავთ.

მატჩის დასრულებამდე 16 წუთით ადრე, ბერგანტინოსმა გალისიელებს მნიშვნელოვანი გამარჯვება მოუტანა. დეპრორტივომ 27 ქულა მოაგროვა და გასავარდნ ზონას კიდევ უფრო მოშორდა. ბარსელონას კი ეს მარცხი ლა ლიგის ლიდერობის დაკარგვად დაუჯდა.

პირველობა მადირიდის რეალმა დაიბრუნა. ზიდანის გუნდმა საკუთარ სანტიაგო ბერნაბეოზე, მძიმე ბრძოლაში სევილიის რეალ ბეტისი ანგარიშით 2-1 დაამარცხა.

სევილიელები კეილორ ნავასის შეცდომის შემდეგ დაწინაურდნენ. ანგარიში 41-ე წუთზე რონალდუმ გაათანაბრა. მადრიდელებს გამარჯვება კვლავ სერხიო რამოსმა მოუტანა, რომელმაც 81-ე წუთზე ტონი კროოსის გადაცემის შემდეგ, თავური დარტყმით თამაშის საფინალი ანგარიში დააფიქსირა.

რეალი 62 ქულით პრიმერადივიზიონის ლიდერია და ბარსას ორი ქულით უსწრებს, პლუს ამას სამეფო კლუბს, ერთი მატჩით ნაკლები აქვს ჩატარებული