- ლარი კვლავ გაუფასურდა. მომავალი შაბათ-კვირის განმავლობაში ოფიციალური კურსით ერთი დოლარი 2 ლარი და 31 თეთრი ეღირება.
დღესვე საქსტატმა ეკონომიკური ზრდის მაჩვენებლები გამოაქვეყნა წინასწარი ინფორმაციით, აპრილში ეკონომიკური ზრდა 0.9% იყო. წლის პირველ ოთხ თვეში მთლიანი შიდა პროდუქტი 2.6%ით გაიზარდა. ეკონომიკური პროფილის მინისტრებისა და საერთაშორისო ორგანიზაციების თქმით, ნაცვლად მთავრობის დაგეგმილი 5%-იანი ზრდისა, წელს საქართველოს ეკონომიკა სავარაუდოდ 2%-ით ან 2,5%-ით გაიზრდება.
- საქართველოს ხელისუფლებაში კვლავ ათონელის რეზიდენციაში პრეზიდენტის გადასვლა/არგადასვლის საკითხს განიხილავენ - პრემიერი იმედს გამოთქვამს, რომ გიორგი მარგველაშვილი გონივრულ გადაწყვეტილებას მიიღებს. ღარიბაშვილს კი იმედს უცრუებენ პრეზიდენტის ადმინისტრაციაში - მარგველაშვილის ერთ-ერთი მრჩევლის თქმით ქვეყნის მთავარსარდალი ავლაბრის რეზიდენციის დატოვებას არ აპირებს.
- სამხრეთ ოსეთის საოკუპაციო რეჟიმის მარიონეტი პრეზიდენტი ლეონიდ თბილოვი კიდევ ერთხელ საუბრობს რეგიონის რუსეთთან შეერთების პერსპექტივაზე - მის ამ გნაცხადებას თბილისშიც გამოეხმაურნენ.
- მარიხუანას დეკრიმინალიზაციის მოთხოვნით წლევანდელი წლის 2 ივნისსაც კანცელარიასთან აქტივისტები აქციის გამართვას გეგმავენ, ამის პარალელურად დეპუტატმა გოგა ხაჩიძემ პარლამენტში შესაბამისი მოთხოვნით კანონპროექტი დაარეგისტრირა. დეკრიმინალიზაციას მხარს არ უჭერებენ ფრაქცია ქართული ოცნების წევრები. მარიხუანის დეკრიმინალიზაციას ეწინააღმდეგება პრემიერ-მინისტრი ირაკლი ღარიბაშვილიც. ის დეკრიმინალიზაციის შესაძლებლობას ყოველთვის გამორიცხავდა.