- დღეს საქართველოს ფინანსთა მინისტრმა ნოდარ ხადურმა და ევროპის განვითარებისა და რეკონსტრუქციის ბანკის პრეზიდენტმა სერ სუმა ჩაკრაბატიმ საქართველოსთვის ახალი გრძელვადიანი კრედიტის მიცემის ხელშეკრულებას მოაწერეს ხელი. ხელშეკრულება მარნეულში ახალი ნაგავსაყრელის მშენებლობას ითვალისწინებს. ბანკის პრეზიდენტის სერ სუმა ჩაკრაბატის თქმით, ამ ხელმოწერით EBRD-ის ფორუმი შეიძლება გახსნილად გამოვაცხადოთ.
- გიორგი მარგველაშვილმა დონალდ ტუსკი საქართველოში მოიწვია და ევროპული საბჭოს პრეზიდენტმაო მიწვევა მიიღო. როდის ჩამოვა ის საქართველოში, უახლოეს მომავალში გახდება ცნობილი. გიორგი მარგველაშვილმა და დონალდ ტუსკმა ბრიუსელში შეხვედრისას საქართველოს ტერიტორიული მთლიანობის, ევროინტეგრაციის, რეგიონში უსაფრთხოების, ასევე რიგის სამიტის შესახებაც იმსჯელეს.
- ეროვნულ - დემოკრატიული ინსტიტუტის მიერ გუშინ გამოქვეყნებულ საზოგადოებრივი აზრის კვლევას გამოეხმაურა საქართველოს პრეზიდენტი გიორგი მარგველაშვილი. მარგველაშვილის თქმით, ის ფაქტი რომ ევრაზიულ კავშირში გაწევრიანებას მოსახლეობის 31% უჭერს მხარს დამაფიქრებელია.