სამხრეთ იტალიის ქალაქ ბარში ავტოსაგზაო შემთხვევას 44 წლის ნონა ზარიძე ემსხვერპლა. აღნიშნულ ინფორმაციას ფეისბუქმომხმარებელი შოთო სიხარულიძე იტალიურ მედიაზე დაყრდნობით ავრცელებს.
ინფომრაციის თანახმად, ზარიძე ბარში 2 დღის წინ გარდაიცვალა. ნონა ზარიძეს ქუჩაზე ფეხი დაუცდა და წაიქცა, რა დროსაც მაღალი სიჩქარით მოძრავმა ავტობუსმა გადაუარა. ავტოსაგზაო შემთხვევას ნონა ზარიძის შვილი და მეგობარი შეესწრნენ. საქართველოს მოქალაქე სასწრაფო სამედიცინო დახმარების ბრიგადამ ქალაქ ბარის კლინიკაში გადაიყვანა, თუმცა ექიმებმა მისი გადარჩენა ვერ შეძლეს. სამედიცინო დახმარება ავტობუსის მძღოლსაც დასჭირდა. ასევე, ექიმების ჩარევა დასჭირდა გარდაცვლილი ქალბატონის 22 წლის ქალიშვილს და მის მეგობარსაც, რომლებმაც შოკი მიიღეს.
როგორც ირკვევა, ავტობუსის მძღოლს საგზაო მოძრაობის წესები არ დაურღვევია და მომხდარი უბედური შემთხვევა იყო.