თავდაცვის მინისტრმა რუსთაველის გამზირზე გაისეირნა
დამოუკიდებლობის დღისადმი მიძღვნილი ოფიციალური ღონისძიების დასრულების შემდეგ საქართველოს თავდაცვის მინისტრმა ლევან იზორიამ რუსთაველის გამზირზე გაისეირნა. თავდაცვის მინისტრმა თავისუფლების მოედანზე გამოფენილი ქართული სამხედრო ტექნიკა დაათვალიერა და სამხედრო მოსამსახურეებს დამოუკიდებლობის დღესასწაული პირადად მიულოცა. დღესვე ლევან იზორიამ თავდაცვის სამინისტროს განახლებული ვებგვერდის საგამოფენო ინსტალაცია მოინახულა და ვებგვერდის სიახლეებს პირადად გაეცნო.
ქვეყნის მთავარ ღონისძიებაზე მყოფ საზოგადოებას მინისტრთან გასაუბრების, ასევე სამახსოვრო ფოტოების გადაღების საშუალებაც მიეცა.
წელს, დამოუკიდებლობის დღე, საქართველოს დემოკრატიული რესპუბლიკის დაარსებიდან 100 წლისთავისადმი მიძღვნილი ღონისძიებების ფარგლებში აღინიშნა.