დიდი ბრიტანეთის პრემიერ-მინისტრი ტერეზა მეი ექსტრემიზმის წინააღმდეგ ბრძოლის სპეციალურ კომისიას შექმნის. კომისიის ამოცანა რადიკალური ისლამისგან ბრიტანეთის ფასეულობების დაცვა და, შესაბამისად, ხელისუფლებისთვის ახალი კანონების შესამუშავებლად რეკომენდაციების მიცემა იქნება.
კომისიის შექმნის იდეა, პირველად, კონსერვატიული პარტიის მანიფესტში გაჟღერდა, რომელიც მანჩესტერის ტერაქტამდე რამდენიმე დღით ადრე გამოქვეყნდა.
პარალელურად, ვრცელდება ინფორმაცია, რომ ტერორისტული თავდასხმის ავტორის, სალმან აბედის შესახებ ინფორმაცია ბრიტანულ მი-5-ის, შეერთებული შტატების გამოძიების ფედერალურმა ბიურომ ჯერ კიდევ გასულ წელს მიაწოდა.
მაშინ ბრიტანელმა სამართალდამცველებმა სალმან აბედი თანამზრახველებთან ერთად, ერთ-ერთ პოლიტიკურ ფიგურაზე თავდასხმის მზადების მოტივით დააკავეს, თუმცა მტკიცებულებების არარსებობის გამო, გაათავისუფლეს.
მანჩესტერის ტერორისტულ აქტზე პასუხისმგებლობა ე.წ. ისლამურმა სახელმწიფომ აიღო.
მანჩესტერში აფეთქებას, ბოლო ინფორმაციით, 22 ადამიანი ემსხვერპლა, ხოლო დაშავდა 59.
მანჩესტერ არენაზე აფეთქება პოპმომღერლის არიანა გრანდეს კონცერტის დასრულების შემდეგ აფეთქება მოხდა.