ირაკლი ღარიბაშვილი: „მე არ მიმაჩნია სწორად, რომ ვისაუბრო ფავორიტ მინისტრებზე და იმ მინისტრებზე, ვისაც ვაძლევ რაიმე სახის შენიშვნას. ზოგადად, მე ჩემს ფავორიტებსაც ვაძლევ შენიშვნებს და ეს ნორმალურია. დღევანდელი მთავრობა არის ძალიან ეფექტური და ჩვენ მართლაც გამორჩეული მინისტრები გვყავს. შეხედეთ მათი მუშაობის სტილს, მათ გამჭვირვალობასა და გახსნილობას. თქვენ ნახავთ, რომ მთავრობის თითოეული წევრი მოწოდებულია, რომ ემსახუროს ხალხს და ქვეყანას. ჩემთვის მთავარი ამოსავალი წერტილი ესაა. მაგალითს გეტყვით: საქართველოს რეგიონული განვითარებისა და ინფრასტრუქტურის მინისტრმა, დავით შავლიაშვილმა, 2,4 მილიარდი ლარის პროექტები განახორციელა საქართველოში. მათ შორის, რეაბილიტაცი ჩაუტარდა 89 ხიდს და 550 კილომეტრ გზას. აშენდა 16 ახალი ხიდი. ამ დროს, ჩვენს მოქალაქეებს არ აქვთ ინფორმაცია ამის შსახებ. ჩვენ გზები დავაგეთ იქ, სადაც 20 წლის განმავლობაში გზა არ ყოფილა დაგებული. მე ყოველთვის ვეუბნევი დავით შავლიაშვილს, რომ როცა გზას აგებს, არემონტებს და ხსნის რომელიმე მონაკვეთს, საჭიროა მეტი კომუნიკაცია საზოგადოებასთან. ხალხს უნდა აჩვენოს, რას აკეთებს და საერთოდ, ჩვენ, ყველამ ხალხს ანგარიში უნდა ჩავაბაროთ. კიდევ ერთი მაგალითი: 70 კმ გზა დააგო სააკაშვილის ხელისუფლებამ ავტობანზე 9 წელიწადში. ჩვენმა მათავრობამ კი 2 წელიწადში აღმოსავლეთ-დასავლეთის ჩქაროსნული ავტომაგისტრალის 40 კილომეტრი დააგო და 18 კილომეტრი წლის ბოლომდე კიდევ დასრულდება. ეს არის მთავარი განსხვავება ძველ და ახალ მთავრობას შორის.“