ეროვნულმა ბანკმა რეფინანსირების განაკვეთი 0.75 პროცენტული პუნქტით, 8.25%-მდე შეამცირა, რაც 2021 წლის თებერვლის შემდეგ ყველაზე დაბალი მაჩვენებელია. ეროვნული ბანკის განმარტებით, ქვეყანაში არსებული დაბალი ინფლაციური მოლოდინების გათვალისწინებით, ამ ეტაპზე მიზანშეწონილია რეფინანსირების განაკვეთი შემცირდეს, თუმცა მარეგულირებელი იმასაც განმარტავს, რომ ინფლაციური რისკები კვლავ არსებობს, მათ შორის ამ მიმართულებით ერთ-ერთ მთავარ რისკად წითელ ზღვაში არსებული დაძაბულობის გამო ტრანსპორტირების გაძვირებაა. ეროვნული ბანკის პროგნოზით, ინფლაცია 2024 წლის დასაწყისში მიზნობრივ 3 პროცენტიან დონეზე დაბალი დარჩება. რეფინანსირების განაკვეთის შემცირების რა არგუმენტები აქვს ეროვნულ ბანკს?


#ახალიამბები #BusinessMediaGeorgia