#ახალიამბები
"სწავლა, წვრთნა, მიღწევა და კავშირების დამყარება დასაქმებისთვის" -ბათუმი, საზღვაო ბიზნეს ფორუმს მასპინძლობს. დღევანდელი დღე, პანელურ დუსკუსიებს და B2B ფორმატის შეხვედრებს ეთმობა. ქართველი და უცხოელი ექსპერტები, საზღვაო სექტორის აქტუალურ თემებზე პრეზენტაციებს წარადგენენ, მათ შორის, გარემოს დაცვის, განათლებისა და დასაქმების მიმართულებებით. გემთმფლობელები, რეკრუტორები და საგანმანათლებლო დაწესებულებების წარმომადგენლები, თანამშრომლობის საკითხებს განიხილავენ. ასევე, იმსჯელებენ საზღვაო შრომის ბაზრის გამოწვევებსა და მათი გადაჭრის გზებზე. "საზღვაო ბიზნეს ფორუმი ბათუმი 2023" განათლების განვითარების და დასაქმების ცენტრის მიერაა ორგანიზებული. მისი მიზანი, საქართველოს, როგორც საზღვაო ქვეყნის პოპულარიზაციაა. ფორუმი, ხვალ დასრულდება.