#ახალიამბები
ბუბა კიკაბიძეს 19 იანვარს, ვერის სასაფლაოზე დაკრძალავენ. ქართველი ხელოვანის სამოქალაქო პანაშვიდები ქაშვეთის ეკლესიაში სამშაბათსა და ოთხშაბათს გაიმართება. ხუთშაბათს კი, თბილისის დიდი საკონცერტო დარბაზიდან გამოსავენებენ. საქართველოს სახალხო არტისტი, 84 წლის ასაკში, გუშინ გარდაიცვალა. ინფორმაცია იმის შესახებ, რომ იგი თავს შეუძლოდ გრძნობდა და კლინიკაში გადაიყვანეს, რამდენიმე დღის წინ გავრცელდა. ბუბა კიკაბიძე იყო ქართველი კინომსახიობი, საესტრადო მომღერალი, სცენარისტი, კინორეჟისორი და არაერთი სიმღერის ავტორი. მას კინე მატოგრაფიაში შექმნილი აქვს მრავალი დაუვიწყარი სახე, მათ შორის ფილმები „არ დაიდარდო!“, „მიმინო“, „ვერის უბნის მელოდიები“ და სხვა. კიკაბიძე 2020 წლიდან იყო საქართველოს მე-10 მოწვევის პარლამენტის წევრი „ნაციონალური მოძრაობიდან“.