იანვარი 9, 2023
142
#ახალიამბები
მესამე დღეა ინტენსიურად თოვს მაღალმთიან აჭარაში. მაღალი ზონის სოფლებში თოვლის საფარი 80 სანტიმეტრს აღწევს. უხვი ნალექის შედეგად, ხულოს შიდა სასოფლო გზებზე პრობლემები შეიქმნა. ადგილობრივებს ადმინისტრაციულ ერთეულებამდე გადაადგილება უჭირთ. მერიის ინფორმაციით, გზები ინტენსიურად იწმინდება. გაწმენდითი სამუშაოები მიმდინარეობს კურორტ „გოდერძის“ მიმართულებითაც. უამინდობის გამო, მუნიციპალიტეტში მოძრაობა მაღალი გამავლობის ავტომობილებითაა რეკომენდებული. დიდთოვლობის შედეგად, ხულოში, პრობლემები შეიქმნა ელექტროენერგიის მიწოდების კუთხითაც. „ენერგო პრო ჯორჯიას“ ცნობით, ამ ეტაპზე, შუქის გარეშე სოფელი ვაშლოვანია, სადაც აღდგენითი სამუშაოები მიმდინარეობს.
მაჩვენე მეტი