#ახალიამბები
უაქციზო სიგარეტის გადაზიდვის ფაქტზე ერთი პირი დააკავეს. დაკავებულის სატრანსპორტო საშუალებიდან, ჯამში, 65 ათას 780 ლარის ღირებულების 14 ათას 950 კოლოფი უაქციზო სიგარეტი ამოიღეს. ამავე დანაშაულში, სხვა მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების ჯამში 25 ათას 380 კოლოფი უაქციზო სიგარეტი, რომლის საერთო საბაზრო ღირებულება 120 ათას ლარს აღემატება. გამოძიება საქართველოს სისხლის სამართლის კოდექსის მე-200 მუხლის პირველი, მე-2 და მე-3 ნაწილებით გრძელდება, რაც სასჯელის სახით 6-დან 8 წლამდე ვადით თავისუფლების აღკვეთას ითვალისწინებს. საგამოძიებო სამსახურის მიერ, მიმდინარე წლის ოქტომბრის თვეში, საქართველოს მასშტაბით გამოვლენილია უაქციზო სიგარეტის შენახვა-გადაზიდვა-რეალიზაციის 34 ფაქტი, ბრალდებულის სახით პასუხისგებაში მიეცა 37 პირი, მათგან 9 დააკავეს.