#ახალიამბები
10 ოქტომბერი ფსიქიკური ჯანმრთელობის მსოფლიო დღეა თარიღთან დაკავშირებით, ბათუმის სამედიცინო ცენტრში, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის გასვლითი სხდომა გაიმართა. შეხვედრაზე განიხილეს ,,ფსიქიკური პრობლემების მქონე გერიატრიული პაციენტების თავშესაფრით უზრუნველყოფის პროგრამა“, რომელიც 2017 წელს დაინერგა. მისი მიზანი პაციენტებისა და მათი ოჯახის წევრების სოციალური და ფსიქოლოგიური მხარდაჭერაა. აღსანიშნავია, რომ მსგავსი ტიპის პროგრამა მხოლოდ აჭარის რეგიონში ფუნქციონირებს. მიმდინარე წელს გაიზარდა პროგრამის დაფინანსება, ბიუჯეტი 730 ათას 750 ლარს შეადგენს და სერვისით 50 ბენეფიციარი სარგებლობს. სხდომის დასრულების შემდეგ პაციენტების ნამუშევრების გამოფენა-გაყიდვა გაიმართა.