აგვისტო 5, 2022
58
#ახალიამბები
ე.წ. შანხაის დასახლებაში სოციალური სახლების მშენებლობის მიზნით ტენდერი გამოცხადდა. პროექტის ფარგლებში უნდა აშენდეს ორი რვასართულიანი კორპუსი 324 ბინით. პირველ ეტაპზე, საცხოვრებელი ფართებით, აღნიშნულ დასახლებაში მცხოვრები მოსახლეობა, სულ 145 ოჯახი დაკმაყოფილდება. ბათუმის მერიის ინფორმაციით, პროექტი ბინების სრულ კეთილმოწყობას ითვალისწინებს. უწყების ცნობითვე, კორპუსები იქნება ადაპტირებული შშმ პირებისთვის, ეზოში მოეწყობა სპორტული მოედანი, ტრენაჟორები და საბავშვო ატრაქციონი. ტენდერი 5 სექტემბერს დასრულდება. სატენდერო თანხა 33 მილიონ 97 ათას ლარს შეადგენს.
მაჩვენე მეტი