#ახალიამბები

უკრაინაში ომის 58-ე დღეა. ლუგანსკში, დონეცკში, ხარკოვსა და პოლტავაში განგაშის სიგნალები ისმის. დონეცკში დაბომბვების შედეგად 5 ადამიანი დაშავდა. პრეზიდენტის ოფისის ინფორმაციით, ბოლო 24 საათში, რუსეთის არმიამ დონეცკის რეგიონში 42 სოფლის ოკუპაცია მოახდინა. ამ დროისთვის, ოკუპანტს დაახლოებით 3 500 დასახლებული პუნქტი აქვს დაკავებული. ეს არის 30 პროცენტი იმ ტერიტორიისა, სადაც საბრძოლო მოქმედებები მიმდინარეობს. მტერმა 50-ჯერ გახსნა ცეცხლი ხარკოვის ოლქში. განადგურდა ორი სასურსათო ბაზარი და დაიბომბა საცხოვრებელი უბნები. რუსულმა ძალებმა იერიში მიიტანეს ნიკოლაევზეც. არიან დაჭრილები და დაღუპულები მიწისქვეშა თავშესაფრებში, მათ შორის, ბავშვებიც.