რუსეთის ომი პარალელურად, საქართველოში პირველადი მოხმარების პროდუქტები ყოველდრღიურად ძვირდება. დღეს ქვეყნის სხვადასხვა ქალაქში დახლები შაქრის,ფქვილის,ზეთისა და მაკარონისგან დაცარიელდა. რეალური სიმწირე თუ პანიკური შესყიდვების შედეგი?- რას ამბობენ იმპორტიორები?- არსებობს თუ არა მარაგები?
დღეს მთელი დღის განმავლობაში ქვეყნის სხვადასხვა ქალაქში დახლებზე რამდენიმე სახეობის პროდუქცია გაქრა. განსაკუთრებული მოთხოვნა შაქარზე, ზეთზე,მარილსა და ფქვილზეა. სუპერმარკეტების ქსელებში ამბობენ, რომ მარაგი ჩამოთვლილ სურსათზე აღარ არის.
რა ხდება დახლებზე? პროდუქტების დეფიციტს ექსპერტები ხალხში არსბული პანიკური შიშით ხსნიან, რის გამოც ადამიანები იმაზე მეტ სურსათს ყიდულობენ, ვიდრე ამის საჭიროება აქვთ. ბიზნეს ასოციაციის წარმომადგენლები იმასაც განმარტავენ, რომ ბაზარზე უკრაინა-რუსეთის ომთან დაკავშირებული აჟიოტაჟური მოთხოვნის გამო,შესაძლოა ერთი თვის განმავლობაში ფასები კიდევ უფრო გაიზარდოს.
დისტრიბუტორთა ბიზნეს-ასოციაციის ხელმძღვანელი ამბობს, რომ ალტერნატიულ ბაზარზე ფიქრი უკვე დაიწყეს და უფრო მეტიც, მოლაპარაკებებს აწარმოებენ ევროპულ ქვეყნებთან, ასევე ამერიკასთან და კანადასთან.
ასოციაციებში ამბობენ რომ ქვეყანაში მინიმუმ ერთი თვის მარაგია და ამოწურვის რისკი არ არსებობს. ექსპერტები მოქალაქეებს მოუწოდებენ, არ შეიძინონ რეალურ საჭიროებაზე მეტი პროდუქტი, რადგან ეს საზოგადოებაში ვნებათაღელვას გამოიწვევს