ვინც არ იცის, გეტყვით, რომ 25 წელზე მეტია ოქსფორდის უნივერსიტეტში უცხოელი სტუდენტები ქართულ ენას სწავლობენ. ოქსფორდსა და საქართველოს შორის კი ეს კავშირი ერთ დროს, ერთმა ქალბატონმა აქცია საკუთარ პასუხისმგებლობად. ლია ჩოკოშვილია დღეს ჩვენი პროფესიონალი, ქალი, რომელმაც, ოქსფორდის ჯერ ენების სწავლების ცენტრში და შემდეგ, გლობალურ სწავლებათა სკოლაში უცხოელებს, ქართულ ლიტერატურას ასწავლის. ჩვენმა რესპოდენტმა, რამდენიმე წლის წინ, ენის ტრადიციულად სწავლების გაკვეთილებს თარგმანით სწავლების მეთოდიც დაუმატა, რომელიც ოქსფორდის უნივერსიტეტს, როგორც თავად ამბობს, ვირუსივით მოედო და თუ მანამდე, ქართულის სწავლის მსურველი თუ 10-ამდეც ვერ ადიოდა, დღეს მათი რაოდენობა 33-ია…#ახალიამბები #BusinessMediaGeorgia