კომპიუტერულ სისტემაში უნებართვოდ შეღწევის ბრალდებით, წარსულში ანალოგიური დანაშაულისთვის ნასამართლევი, ერთი პირი დააკავეს. გამოძიებით დადგინდა, რომ დაკავებულის დანაშაულებრივი ქმედებების შედეგად, ამ ეტაპისთვის, 10 მოქალაქეა დაზარალებული, ხოლო ფინანსური ზარალი 100 ათას ლარს შეადგენს. შსს-ს ინფორმაციით, ფაქტთან დაკავშირებით საგამოძიებო მოქმედებები გრძელდება და შესაძლოა დაზარალებულთა რიცხვი 30-მდე გაიზარდოს, ხოლო მიყენებული ზიანის ოდენობამ 300 000 ლარს გადააჭარბოს. დანაშაული 5-დან 7 წლამდე ვადით თავისუფლებას აღკვეთას ითვალისწინებს.