"ოცნების ქალაქის" მშენებლობის მეორე ეტაპის პროექტირება დაიწყო. იგი ტერიტორიის დაგეგმარებას, სწორ ურბანულ განვითარებას, საგანმანათლებლო, საცხოვრებელი და რეკრეაციული სივრცეების შექმნას გულისხმობს. აჭარის მთავრობის ადმინისტრაციის ინფორმაციით, ადგილზე დამატებით მრავალბინიანი საცხოვრებელი სახლები, საჯარო სკოლა და საბავშვო ბაღი აშენდება. კომპანია „ნიუ სითი დეველოფმენთ“-ი განაშენიანების დეტალურ გეგმას და საცხოვრებელი კომპლექსის მშენებლობის პროექტს მოამზადებს. ამ ეტაპზე, „ოცნების ქალაქის“ სამშენებლო ტერიტორიაზე სამი 12 სართულიანი ბინის მშენებლობა მიმდინარეობს.