ოპოზიციის წარმომადგენლის ინფორმაციიით, "ქართული ოცნების" კოორდინატორებს საარჩევნო უბნის გარეთ სამაგიდო სიები აქვთ, მოქალაქეების ფერადი ფოტოსურათითა და პირადი მონაცემებით. ამასთან დაკავშირებით ცოტა ხნის წინ დაპირისპირება მოხდა კრწანისის საარჩევნო უბნის ტერიტორიაზე. როგორც გრიგოლ ვაშაძის საარჩევნო შტაბის წარმომადგენელი აცხადებს, მსგავსი ფაქტები დაფიქსირდა როგორც კრწანისის მე-3 და მე-4 საარჩევნო უბნებზე, ისე სხვა უბნებზე. მისი განცხადებით, "ქართული ოცნების" კოორდინატორები აღნიშნული სიების საშუალებით ამომრჩევლის კონტროლს ახდენენ და ზეწოლის ბერკეტად იყენებენ. მისივე თქმით, გაურკვეველია საიდან აქვთ კოორდინატორებს სიები, რომელიც კონფიდენციალურია.