უკვე საათია რაც ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით დაკავებული არასრულწლოვნის სასამართლო პროცესი მიმდინარეობს, სხდომა ბრალდების მხარის მოწმეების დაკითხვით განახლდება. პროცესზე ბრალდების მხარე დააფიქსირებს პოზიციას დაცვის მხარის შუამდგომლობასთან დაკავშირებით, რომელიც საქმეში მტკიცებულებების სახით მირზა სუბელიანის ფარული ჩანაწერების დართვას გულისხმობს. არასრულწლოვნის ადვოკატის, ფრიდონ სიხუაშვილის, განცხადებთ, იმ შემთხვევაში თუ სასამართლო მათ შუამდგომლობას გაითვალისწინებს, მოწმის სახით ვიქტორ ჯაფარიძე, დავით ცუხიშვილი და ნიკა გვარამიაც დაიკითხებიან. პროცესზე დაცვის მხარე კიდევ ერთხელ მოითხოვს, რომ ბრალდებულს აღკვეთის ღონისძიების სახით პატიმრობა გირაოთი შეეცვალოს.