ტელეკომპანია „იბერიას“ დამფუძნებელი, ნატო ჩხეიძე სკანდალურ აუდიოჩანაწერს ეხმაურება. მისი განმარტებით, „ომეგა ჯგუფს“ ფინანსური პრობლემები ხელოვნურად შეუქმნეს და ეს პროცესი უკვე ორი წელია მიმდინარეობს. მესამე ფარული სატელეფონო ჩანაწერი დღეს გავრცელდა. ჩანაწერში კვლავ საქართველოს რკინიგზის სამეთვალყურეო საბჭოს უკვე ყოფილი წევრი, ლევან ყიფიანი და „ომეგა ჯგუფის“ მფლობელი ზაზა ოქუაშვილი საუბრობენ. დღეს გავრცელებული სატელეფონო ჩანაწერის მიხედვით, ლევან ყიფიანი ზაზა ოქუაშვილს ფულის სანაცვლოდ ბიზნესის ხელშეუხებლობას სთავაზობს. რკინიგზის სამეთვალყურეო საბჭოს ყოფილი წევრი ბიძინა ივანიშვილის დაცვის ყოფილ უფროსსა და ამჟამად სახელმწიფო დაცვის სპეციალური სამსახურის ხელმძღვანელს ანზორ ჩუბინიძეს და ყოფილ ვიცე-პრემიერს დიმიტრი ქუმსიშვილს ახსენებს, როგორც მათ გულშემატკივარს.

✔️ ყველა სიახლე იხილეთ ბმულზე: https://goo.gl/1H1b91