სამხედროების შვილების შეხვედრა ზაალ სულაკაურთან
მარო მაყაშვილის სახელობის წეროვანის სამხედრო მოსამსახურეების რეაბილიტაციის ცენტრს მხატვარი ზაალ სულაკაური ეწვია. ბავშვებს, რომლებიც ამჟამად წეროვანში, რეაბილიტაციის ცენტრში მშობლებთან ერთად იმყოფებიან, მხატვართან შეხვედრისა და საუბრის შესაძლებლობა ჰქონდათ. სამხედრო მოსამსახურეების შვილებმა ზაალ სულაკაურთან ერთად სხვასხვა თემატიკაზე ნახატებიც შეასრულეს. მოგვიანებით სტუმარს თავდაცვის სამინისტროს წარმომადგენლებმა სამახსოვრო საჩუქრები და მადლობის სიგელი, ბავშვებს კი სამახსოვრო საჩუქრები გადასცეს.
შეხვედრა თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის ორგანიზებით გაიმართა. წეროვანში ამჟამად რეაბილიტაციის თორმეტდღიან კურსს 2008 წლის აგვისტოს ომსა და ავღანეთის საერთაშორისო მისიაში დაშავებული 11 სამხედრო მოსამსახურე გადის.
სამხედრო მოსამსახურეები ცენტრში რეაბილიტაციისა და დასვენების კურსს ოჯახის წევრებთან ერთად გადიან.