რუსეთის ფედერაციისა და აფხაზეთის დე ფაქტო წარმომადგენლებმა გალში მიმდინარე ინციდენტების პრევენციისა და მათზე რეაგირების მექანიზმის ფარგლებში სამუშაო ჯგუფების მორიგი შეხვედრა ჩაშალეს. ამის შესახებ გალის შეხვედრიდან დაბრუნების შემდეგ პირველ არხთან სუს-ის ანალიტიკური დეპარტამენტის უფროსის მოადგილემ განაცხადა.

ირაკლი ანთაძის  თქმით, საქართველოს მთავრობის მიერ "ტატუნაშვილი-ოთხოზორიას სია" რუსეთის ფედერაციისა და აფხაზეთის დე-ფაქტო წარმომადგენლებმა პოლიტიკური მოტივით გამოიყენეს. კერძოდ, მათ შეხვედრის ფორმატისთვის შეუფერებელი შანტაჟისა და ულტიმატუმის ფორმით მოითხოვეს გიგა ოთხოზორიას თემის ამოღება, რაც საქართველოს ცენტრალური ხელისუფლებისთვის მიუღებელია.