თბილისის სახელმწიფო უნივერსიტეტის 100 წლის იუბილესთან დაკავშირებით, პრეზიდენტის სასახლეში მიღება გაიმართა.
გიორგი მარგველაშვილმა საიუბილეო ღონისძიებებში მონაწილე დელეგაციებს მადლობა გადაუხადა. უნივერსიტეტის 100 წლის იუბილეს მსოფლიოს 50-მდე ქვეყნის წამყვანი უნივერსიტეტისა და საერთაშორისო ორგანიზაციის დელეგაცია ესწრება.
გიორგი მარგველაშვილმა გაიხსენა პოლიტიკურ-საზოგადოებრივი პროცესები, რომელიც ქვეყანაში საქართველოს პირველი უნივერსიტეტის დაფუძნების დროს ხდებოდა და ისაუბრა უნივერისტეტის როლზე საქართველოს დამოუკიდებლობის მოპოვებისა და 70 წლიანი საბჭოთა ოკუპაციის დროს.