საქართველოში ფინეთის თავდაცვის მინისტრი იმყოფება. ფინელ კოლეგას საქართველოს თავდაცვის მინისტრი მასპინძლობს.

დახვედრის ოფიციალური ცერემონიის შემდეგ, მხარეებმა გაფართოებული შეხვედრა გამართეს.

განხილვის ერთ-ერთი მთავარი საკითხი ტოტალური თავდაცვა იყო. იუსი ნიინისტომ საქართველოს თავდაცვის უწყებაში სავალდებულო სამხედრო სამსახურის აღდგენა დადებითად შეაფასა. ასევე, საქართველოს სუვერენიტეტისა და ტერიტორიული მთლიანობის მიმართ ფინეთის მხარდაჭერას გაუსვა ხაზი. ლევან იზორიამ გაძლიერებული შესაძლებლობების პარტნიორი ქვეყნების ინიციატივის ფორმატზე გაამახვილა ყურადღება და აღნიშნა, რომ ეს ფორმატი საქართველოს ფინეთთან და ფორმატის სხვა წევრ ქვეყნებთან ინტენსიური თანამშრომლობის შესაძლებლობას აძლევს.