ნუცუბიძის მეოთხე პლატოზე მომხდარი ტრაგიკული შემთხვევის გარშემო უფლებადამცველებს ახალი კითხვები უჩნდებათ. თუ ძალოვანი უწყებების განცხადებებს დავეყრდნობით, 34 წლის პაატა პავლიაშვილის საქმეზე პატრულის თანამშრომლების სამხრე კამერებით გადაღებული ვიდეოჩანაწერის მხოლოდ ნაწილი არსებობს, უშუალოდ დაკავების პროცესი კი ფირზე ასახული არ არის, რაც სახალხო დამცველს და არასამთავრობო ორგანიზაციებს საეჭვო გარემოებად მიაჩნიათ. ახლა ექსპერტიზამ უნდა დაადგინოს, ჰქონდა თუ არა კამერებზე რაიმე მანიპულაციას ადგილი. მანამდე კი გახმაურებული საქმის მასალებს უკვე გაეცნო გარდაცვლილის ოჯახი, რომელიც მედიასთან ამ დრომდე არ კონტაქტობს. სამართლებრივთან ერთად გრძელდება ფაქტის პოლიტიკური შეფასებებიც. საპარლამენტო ოპოზიცია პარლამენტში შინაგან საქმეთა მინისტრის დაბარების მოთხოვნას დღის წესრიგიდან არ ხსნის.
თეონა ხუბულავა თემის დეტალებით.