ლეიბორისტული პარტიის სარჩელზე გადაწყვეტილებას მოსამართლე ხვალ გამოაცხადებს. სხდომა შალვა ნათელაშვილმა პროტესტის ნიშნად დატოვა.

ოპოზიციური პარტია ისნის 38-ე უბანზე ხმების ხელახალ დათვლას და საოლქო საარჩევნო კომისიის თავმჯდომარის პასუხისგებაში მიცემას ითხოვს.

როგორც იურისტი აცხადებს, არჩევნების დღეს, ლეიბორისტების დამკვირვებელმა გაყალბების ფაქტი დააფიქსირა, რის შემდეგაც ის უბნიდან უკანონოდ გააძევეს. მოპასუხე მხარე კი აცხადებს, რომ კანონდარღვევას ადგილი არ ჰქონია და ხმების გადათვლა არ მოხდება.