ჯანდაცვა შესაძლოა სწორედ ის სფერო აღმოჩნდეს, რომელშიც მომავალში სახელმწიფო და ბიზნესი ერთმანეთთან უფრო აქტიურად ითანამშრომლებს. ევროპის ქვეყნების შემდეგ კერძო და საჯარო სექტორებს შორის თანამშრომლობის მოდელი მალე საქართველოში საკანონმდებლო დონეზე დაინერგება. ეკონომიკის სამინისტროში დაწერილი კანონპროექტი უკვე პარლამენტშია. დოკუმენტში გაწერილია ის მიმართულებები, რომლებსაც სახელმწიფო და ბიზნეს-სექტორი ერთობლივად დააფინანსებს. განვითარებული ქვეყნების პრაქტიკის გათვალისწინებით საერთაშორისო ორგანიზაციების რეკომენდაციის შესრულებას ყველა მხარე დადებითად ხვდება.